Siya̰le me Bage ɗiŋnedin ne kaŋ mballa ge giya̰l
149
1 Halleluya!Siya̰le me Bage ɗiŋnedin ne kaŋ mballa ge giya̰l!
Uware me na koteya ge naa ge ɗeŋger ma ne go!
2 Israyela, ke laar saal bage ne dó mo zi!
Naa ge Siyona ne ma, ke me tuli gan ge aŋ ne zi!
3 Uware me na dḭl ne kaŋ ndalla!
Siya̰le me na ne gaŋga ma ne biliŋ ma!
4 Ago Bage ɗiŋnedin za̰ tuli ya na ɓase ma zi,
uware naa ge woɗegeya ma swaga má nama go.
5 Naa ge ɗeŋger ma ke laar saal hormo zi!
Ko swaga fiya ge nama ne se,
nama suwa̰le digi ne laar saal!
6 Uwareya ge Dok ne ma ka nama wak zi,
kasagar ge ɗel azi wanna nama tok go me,
7 ndwara gele ta ne pehir ge ɗogle ma,
ndwara mḛre naa ge pe ɗogle ma,
8 ndwara fet nama gan ma ne zul,
ne vwal nama naa ga̰l ge temel ma se ne zul,
9 ndwara gwan ne nama potɗa sarya kunna ge ne njaŋge njaŋge pal.
No a uwareya ne, ne na naa ge ɗeŋger ma pe pet.
Halleluya!