A kwaɗa ge ná vya ma kat dagre
133
1 Kaŋ mballa ge mbo Ursalima, zok ge Dok ne zi ya. Kaŋ mballa ge Dawda ne.
A ma kaŋ kwaɗa ne,
a ma kaŋ siŋli ne,
ge ná vya ma kat dagre ɗu!
2 A dimma ne num ge hur tuli ge a ne kan na pala digi go,
sore mbo ya duwa̰r pe se,
duwa̰r pe ge kep tuwaleya Aaron ne se,
sore ya ɗiŋ na ba̰r wak ma se.
3 A dimma ne mbyar ge njal Hermon ne go,
sore mbo ya njal Siyona pal se.
A swaga mbe go no ge Bage ɗiŋnedin ne hon na wak busu,
a ndwara ge ɗiŋnedin.