Te go Bage ɗiŋnedin ka nee ne to
124
1 Kaŋ mballa ge mbo Ursalima, zok ge Dok ne zi ya. Kaŋ mballa ge Dawda ne.
Te go Bage ɗiŋnedin ka nee ne to!
Israyela vya ma jya̰ go:
2 Te go Bage ɗiŋnedin ka nee ne to,
swaga ge naa dasana ma ne ɗage ya nee pal,
3 swaga ge a ne ɗage julili pore ya nee pal,
a te ya lo̰me nee kucup nee ne nee ndwara.
4 So̰o̰l zwal nee te ya swaga,
mam tḭ nee te ya uzi ya.
5 Sḭḭl potɗa somɗe nee te ya se ya.
6 Uwareya hon Bage ɗiŋnedin,
na ge ne ya̰ nee nama tok go
dimma ne nama kaŋzam ge e kiya̰r pe zi go to.
7 Nee má ta dimma ne njoole ne má tene
ne faɗe ge naa ge wan njoole ma ne zi go.
Faɗe syá, nee má no.
8 Ndu ge sya nee ko̰r a Bage ɗiŋnedin sḛ ne na pala,
na ge ne ke digi ma ne suwar.