Sarya kunna ge Dok ne ne naa pe pet
82
1 Kaŋ mballa ge Asaf ne.
Dok mḛ ge ɓase ge ne digi zi ya ma buwal zi,
ge doka ma buwal zi ka kun sarya.
2 Aŋ mbo ya̰ be ge kun fare buwal ne vareya,
ne ɗaŋge naa ge ya̰l ma pe ma swaga go ɗaa? Ɗigliya
3 Kṵ me naa ge taŋgay ma ne vya kya̰le ma fare buwal jwap,
ke me a̰se ma ne naa ge woɗegeya ma sarya dosol pal.
4 Ka̰ me naa ge taŋgay ma ne a̰se ma digi,
zu me nama ne naa ge sone ma tok go.
5 Aŋ kwa a̰me to, aŋ wan fare a̰me pe to,
aŋ muli ya tṵ zi,
da ne pe no, suwar mwaɗak pe mḛ digi to no.
6 Mbi jya̰ go: «Aŋ dok ma ne,
aŋ pet aŋ Bage ne digi zi ya vya ma ne.»
7 Go no puy ɗe, aŋ su su pet dimma ne naa dasana ma go,
aŋ det dimma ca ne naa ga̰l ma go.
8 O Dok, ɗage digi, kṵ sarya suwar pal,
ago pehir ma pet a ya mo tok go.