O Dok, sya mbi ko̰r avun cap
70
1 Ne naa ge mbal kaŋ ma ga̰l pe: Kaŋ mballa ge Dawda ne, ne dwat pala pe.
2 O Dok, zu mbi!
Bage ɗiŋnedin, sya mbi ko̰r avun cap!
3 Nama ge ne ɓyare hun mbi ma,
saaso wa̰ nama cwageya cugum!
Nama ge ne ɓyare ke mbi yál ma,
nama tí go̰r ne saaso!
4 Nama ge ne man njanjar mbi pe go ma,
nama gwa̰ ne saaso!
5 Nama ge ne ɓyare mo pe ma mwaɗak,
nama ke tuli ne laar saal mo zi!
Nama ge nama laar ne wa̰ máya ge mo ne ma,
nama jya̰ ɗaɗak go: «Dok ga̰l!»
6 Mbi ndu ge a̰se, ne ndu ge woɗegeya ne,
O Dok, mbo ya avun cap mbar mbi!
Mo mbi bage mbarra ne, ne mbi bage zurra ne!
O Bage ɗiŋnedin, há tene ya avun cap!