Dok da ne i
46
1 Ne naa ge mbal kaŋ ma ga̰l pe: Kaŋ mballa ge Kore vya ma ne. A ka hale kaŋ ge ka̰l ndaar ma wak go.
2 Dok a i swaga woy ta ne, a i pool ne,
a bage ne ka kat jejew mbarra i swaga yál ma zi ne.
3 Da ne pe no, ko suwar ndá,
ko njal ma saase maŋgaɗam ga̰l yuwam pul go puy, i sya a̰me vo to,
4 ko sḭḭl ka inna, na ka ndarra,
na ka pot njal ɗiŋ na ka e na saaseya. Ɗigliya.
5 Maŋgaɗam a̰me ya go, hon suwal ge Dok ne,
swaga katɗa ge mbegeya ge Bage ne digi zi ya ne laar saal.
6 Dok ya na go, na sḛ det to bat,
cya̰wak vḛ, Dok ka sya na ko̰r.
7 Pehir ge ɗogle ma ba̰y, muluk ma ka ndatɗa,
amma Dok ndage na ka̰l ba̰yya suwar ɗese uzi.
8 Bage ɗiŋnedin, Bage naa ge mbal pore ma ne da ne i.
Dok ge Yakub ne a i gulum ga̰l ne. Ɗigliya.
9 Mbo me ya ndil kaŋ ajab ge Bage ɗiŋnedin ne ke ma,
kaŋ ge na sḛ ne burmi nama uzi ne suwar pal ma!
10 Tele pore be mballa diŋ mbo suwar pe ndegɗe ya,
ka hal kajamle ma ne ra̰y ma uzi,
ka til pus pore ma uzi me.
11 Ka̰ me aŋ tok, kwa me go mbi Dok ne!
Mbi ke muluk pehir ge ɗogle ma pal ne,
mbi ke muluk suwar pal ne.
12 Bage ɗiŋnedin, Bage naa ge mbal pore ma ne da ne i.
Dok ge Yakub ne a i gulum ga̰l ne. Ɗigliya.