Ndi mbi dimma ne ndu ge sone go to
26
1 Ge Dawda ne.
O Bage ɗiŋnedin, kṵ mbi fare buwal,
ago mbi ke mborra ɗeŋger zi.
Mbi é mbi jobreya Bage ɗiŋnedin pal,
mbi koo mbo syal to bat.
2 O Bage ɗiŋnedin, ndi mbi kwaɗa, kugi mbi,
hale mbi dwatɗa ma ne mbi dulwak.
3 Ago kwa a̰se ge mo ne ya mbi ndwara go,
mbi mbo ya fareba ge mo ne zi.
4 Mbi be kat swaga ne naa ge hale ma to,
Mbi an swaga ne naa ge mbuɗi naa ndwara ma to.
5 Mbi kwane naa ge ne ke sone ma kwane,
Mbi kat swaga ne naa ge sone ma to.
6 Mbi usi mbi tok ndwara ŋgay go mbi ndu ge be fare ne.
O Bage ɗiŋnedin, mbi koŋle mo twal tuwaleya se,
7 ndwara gwan ne gugu hon mo,
ne wan kaŋ ajab ge mo ne ke ma pe.
8 O Bage ɗiŋnedin, mbi laar wa̰ zok ge mo ne kat ne na zi,
ne swaga ge mo hormo ne kat ne na zi wan.
9 Ke ne mbi dimma ne naa ge sone ma go to,
hṵ mbi dimma ne naa ge hun siya ma go to,
10 nama ge ne ke kaŋ ge seŋgre ma,
ge a ne ame kaŋ lwaɗe wak ma.
11 Mbi ke mborra ya ɗeŋger zi,
Zu mbi, kwa mbi a̰se.
12 Mbi koo mḛ ya swaga ge fḭḭl go.
O Bage ɗiŋnedin, mbi mbo ka uware mo ɓase ma buwal zi.