Bage ɗiŋnedin a bage koy mbi ne
23
1 Kaŋ mballa ge Dawda ne.
Bage ɗiŋnedin a bage koy mbi ne,
mbi mbo woɗege ne a̰me to bat.
2 Na sḛ e mbi fi zám twagal pal,
ka ɗame mbi mam saago wak go.
3 Na sḛ biri mbi sḛ ne,
a bage ne ɗame mbi viya̰ pul ge dosol go ne,
ne dḭl ge na ne pe.
4 Swaga ge mbi ne mbo baal pul ge tṵ ɗeɗek se,
mbi siya a̰me vo to bat,
ago mo dagre ne mbi.
Mo calaŋ plando ma ne mo calaŋ,
no, a nama iyal mbi laar ne.
5 Mo ke kaŋzam ge kwaɗa eya mbi ndwara se,
mbi naa ge ho̰l ma ndwara go,
mo ka ɗeere num mbi pala digia,
mo ka wi mbi kop sululiya.
6 O̰, mbi dam ma zi mwaɗak,
kwaɗa ma ne kwa a̰se a mbo ka kare mbi pe.
Tek ge mbi gale ne ndwara,
mbi mbo ka gwan’a zok ge Bage ɗiŋnedin ne zi.