Ndu dasana a̰me pe ne to Dok ndwara se
Bildad
25
1 Bildad, ndu ge suwal Chwa ne he fare, jan go:2 Muluk ma ne vo a Dok ne ma ne,
a na hon halas digi zi ya ne.
3 A wuɗi mbyat isi na naa ge mbal pore ma ne ɗaa?
Na kwaya̰l zen to wuɗi pal ɗaa?
4 Ndu dasana ke gyana ba kat dosol Dok ndwara se ɗaa?
Ndu ge ne tó ne ndu gwale zi, ke gyana ba kat mbegeya ɗaa?
5 Ne jo̰ saba puy zen kwaya̰l na ndwara zi to,
ko guwa̰r ma puy, a zen kwaya̰l yaɗat na ndwara zi to,
6 ba kat da ne ndu dasana ge sabayso baŋ,
ko vya ge ndu ne ge ɗay baŋ ɗaa?