Nṵsiya ge asagar ma ne
27
1 Ga̰l ge asagar ge Israyela ma ne ma dḭl no: Naa mbe ma a ka ga̰l ge bama vuwal pe ma ne, a ka ke temel hon gan le ge asagar ma ne go, saba ge daage pul zi a ka er ta asagar ma pal. Caɗeya ge daage ka da ne naa dudubu wara azi para andanda.2 Yachobeyam ge Zabdiyel vya ka caɗeya ge zḛ ge pal ne. A ho̰ na saba ge zḛ ge. 3 Na sḛ ya vuwal pe ge Peres ne zi, a na ka ga̰l ge asagar ma ga̰l ge saba ge zḛ ne ma pal ne mwaɗak.
4 Ge saba ge azi go, a Doday ge ne vuwal pe ge Ahowa ne zi ka ga̰l ne. Caɗeya ge azi mbe no, a Miklot dó na ndwara ge asagar ma pal ne.
5 Ge saba ge ataa go, a Benaya ge bage tuwaleya Yehoyada vya ka ga̰l ne. 6 Benaya ka naa ga̰l ge tapolɗu ma buwal zi, na sḛ ka nama ndwara zḛ ne. Swaga ge ne ka ga̰l, na vya Ammizabad ka na goopol ne.
7 Ge saba ge anda go, a Asayel ge Yowab ná vya ka ga̰l ge caɗeya ge anda ge asagar ma ne pal ne. Go̰r sya ge na ne go, a na vya Zebadiya è na byalam ne.
8 Ge saba ge anuwa̰y go, a Chamehut ge ne vuwal pe ge Yizra ne zi ka ga̰l ne.
9 Ge saba ge myanaŋgal go, a Ira ge Ikes vya, ndu ge suwal Tekowa ne ka ga̰l ne.
10 Ge saba ge ɓyalar go, a Heles, ndu ge suwal Pelon ne, ne vuwal pe ge Efrayim ne zi ka ga̰l ne.
11 Ge saba ge tiimal go, a Sibbekay ge ne vuwal pe ge Zera ne zi, ndu ge suwal Hucha ne ka ga̰l ne.
12 Ge saba ge lamaɗo go, a Abiyezer ge ne vuwal pe ge Bayami ne zi, ndu ge suwal Anatot ne ka ga̰l ne.
13 Ga saba ge wol go, a Maharay ge ne vuwal pe ge Zera ne zi, ndu ge suwal Netofa ne ka ga̰l ne.
14 Ge saba ge wol para ɗu go, a Benaya ge ne vuwal pe ge Efrayim ne zi, ndu ge suwal Piraton ne, ka ga̰l ne.
15 Ge saba ge wol para azi go, a Helday ge ne vuwal pe ge Otniyel ne zi, ndu ge suwal Netofa ne, ka ga̰l ne.
Ga̰l ge vuwal pe ma ne
16 Ga̰l ge Israyela vya ma ne ma dḭl no:
Ne vuwal pe ge Ruben ne zi, a Eliyezer ge Zikri vya ka ga̰l ne.
Ne vuwal pe ge Simeyon ne zi, a Chefatiya ge Maaka vya.
17 Ne vuwal pe ge Levi ne zi, a Hachabiya ge Kemuyel vya.
Ne vuwal pe Aaron ne zi, a Sadok.
18 Ne vuwal pe ge Yuda ne zi, a Elihu ge Dawda ná vya.
Ne vuwal pe ge Isakar ne zi, a Omri ge Mikayel vya.
19 Ne vuwal pe ge Zabulon ne zi, a Yichemaya ge Obadiya vya.
Ne vuwal pe ge Neftali ne zi, a Yerimot ge Azriyel vya.
20 Ne vuwal pe ge Efrayim ne zi, a Hosiya ge Azaziya vya
Ne vuwal pe ge pehir le ɗu ge Manasa ne zi, a Juwel ge Pedaya vya.
21 Ne vuwal pe ge pehir le ɗu ge Manasa ne ge may ne zi, nama ge a ne ka Galaad ya, maŋgaɗam Urdun le may ya ma, a Iddo ge Zakariya vya.
Ne vuwal pe ge Bayami ne zi, a Yaasiyel ge Abner vya.
22 Ne vuwal pe ge Dan ne zi, a Azareyel ge Yeroham vya.
Nama mbe ma no pet, a ga̰l ge Israyela vya ma ne ma ne.
23 Swaga mbe go, Dawda be isi naa jabso ne del wara azi go mbo se to, ne da pe Bage ɗiŋnedin jya̰ go na mbo zuli Israyela vya ma se lala̰y dimma ne guwa̰r ge ne digi zi ya ma go. 24 Yowab ge Seruya vya e pe isi naa, amma be á ɓase ma isiya to, ne da pe temel mbe e Bage ɗiŋnedin laar hotɗa Israyela vya ma pal. Da ne pe no, a be njaŋge isiya ge ɓase ma ne ge Maktub Maana ge Gan Dawda ne zi to.
Naa ga̰l ge koy gan kaŋ ma
25 Azmavet ge Adiyel vya ka bage koy kaŋ kwaɗa ge gan ne ma ne.
Yonatan ge Ozias vya ka bage koy gan kaŋ ma ge ne suwal go pet, ndwara go suwal ga̰l ma go, ne suwal jyale ma go pet.
26 Ezri ge Kelub vya ka ga̰l ge naa ge gar kaŋ ma ne.
27 Chimey, ndu ge suwal Rama ne, ka ga̰l ge gaaso oyo̰r ma ne.
Zabdi ndu ge suwal Chefam ne, ka ga̰l ge oyo̰r jiya̰l ne.
28 Baal-Hanan ndu ge suwal Bet-Geder ne ka ga̰l ge uwara olive ma, ne uwara sikomor ge ne suwal le lwalwak se ma ne.
Yowas ka bage koy num.
29 Chitray ndu ge suwal Saron ne, ka ga̰l ge nday ge ne ka koyya babur pul ge Saron ne go ma ne.
Chafat ge Adlay vya ka ga̰l ge nday ge ne ka koyya babur pul ge ɗogle ma go ne me. 30 Obil ndu ge ne hir ge Ismayel ne zi ka ga̰l ge jambal ma ne,
Yediya ndu ge suwal Meronot ne ka ga̰l ge kwara ma ne no me.
31 Yaziz ge Hagaritiya ka ga̰l ge gii ma ne.
No a naa ge ne ka koy gan Dawda kaŋ ɓolla ma dḭl ma ne.
Naa ga̰l ge yuwaleya ge gan Dawda ne ma
32 Yonatan ge Dawda sá ka na bage yuwaleya, na sḛ ka ndu ge ɗalla gḛ ge be to, kat bage njaŋgeya me. Yehiyel ndu a̰me ne hir ge Hakmoni ne zi, ka bage hate gan vya ma. 33 Ahitofel ka bage yuwale gan. Huchay ge Arkiya ka gan kondore. 34 Go̰r ge Ahitofel ne go, a Yehoyada ge Benaya vya è na ne, Abiyatar gwan er na no me. Yowab ka ga̰l ge asagar ma ne.