Caɗeya ge naa ge mbal kaŋ ma ne
25
1 Dawda poseya ne ga̰l ge naa ge ne ke temel ge zok ge Dok ne zi ma, a mbege Asaf vya ma, ne Heman vya ma, Yedutun vya ma ne mbal kaŋ uware Dok pe, ne biliŋ ma, ne Simbal ma. Naa ge a ne tá nama ne temel mbe pe ma dḭl ma no:2 Asaf vya ma dḭl no: Zakkur, Yusuf, Netaniya ne Asareyela. A nama bá Asaf ka ɗame nama kaŋ mballa zi ne, wak honna ge gan ne pal.
3 Yedutun vya ma dḭl no: Gedaliya, Seri, Isaya, Hachabiya, Mattitiya, ne Chimey. Nama ge myanaŋgal mbe ma no, a nama bá Yedutun ka ɗame nama kaŋ mballa zi ne. A ka mbal kaŋ uware Bage ɗiŋnedin ne biliŋ ma.
4 Heman vya ma dḭl no: Bukiya, Mattaniya, Uziyel, Chebuyel, Yerimot, Hananiya, Hanani, Eliyata, Gidalti, Romamti-Ezer, Yochebekacha, Malloti, Hotir ne Mahaziyot. 5 Nama mbe ma no mwaɗak a Heman vya ma ne. Heman ka bage kwa ɗimil ge gan ne, bage waage na fare ge Dok ne me ndwara hon na pool. Dok ho̰ Heman vya sonmo ma wol para anda ne naa zaab ma ataa me.
6 Naa mbe ma no mwaɗak a ka mbal kaŋ zok ge Bage ɗiŋnedin ne zi, nama bá ma ka ɗame nama kaŋ mballa zi ne. A ka mbal kaŋ zok ge Dok ne zi da ne simbal ma, ne biliŋ ma bama tok go. Asaf, Yedutun ne Heman a ka ke bama temel gan fare janna pe se. 7 Nama sḛ ma poseya ne bama bá vya ma, naa ge ka̰l swagal swaga mbal kaŋ uware Bage ɗiŋnedin go ma, ne kwar hate naa ma, a ka ɓanna digi pet naa kikis azi para wara tiimal para tiimal. 8 A var nama temel ne e daŋ ta, be vareya, ga̰l ma ne jyale buwal zi, ko ne bage hate naa ma ne bage ne ame hateya buwal zi.
9 Ago ga̰l ge daage poseya ne na sele ma, naa ge ne na pe go ma, a ká naa wol para azizi.
Daŋ eya ge zḛ ge dé Yusuf ge Asaf vya,
ge azi Gedaliya,
10 ge ataa Zakkur,
11 ge anda Yiseri,
12 ge anuwa̰y Netaniya,
13 ge myanaŋgal Bukkiya,
14 ge ɓyalar Yesareela,
15 ge tiimal Isaya,
16 ge lamaɗo Mattaniya,
17 ge wol Chimey,
18 ge wol para ɗu Azareyel,
19 ge wol para azi Hachabiya,
20 ge wol para ataa Chubayel,
21 ge wol para anda Mattatiya,
22 ge wol para anuwa̰y Yeremot,
23 ge wol para myanaŋgal Hananiya,
24 ge wol para ɓyalar Yochebekacha,
25 ge wol para tiimal Hanani,
26 ge wol para lamaɗo Malloti,
27 ge wara azi Eliyata,
28 ge wara azi para ɗu Hotir,
29 ge wara azi para azi Gidalti,
30 ge wara azi para ataa Mahaziyot,
31 ge wara azi para anda Romamti-Ezer.