<<    <     1maana Ge Gan Ma Ne     9     >    >> 
Naa ge ne gwa̰ ya kat Ursalima diŋ go̰r paal go ma
9
1 A isi Israyela vya ma dḭl mwaɗak, a njaŋge nama maktub ge gan ge Israyela ma ne zi.
Naa ge Yuda ma a pá nama mbo suwal Babilon ya ne nama wak za̰ya to pe.
2 Naa ge a ne e pe gwanna ne suwal Babilon ya mbo ya katɗa bama yàl ma diŋ, bama suwal ma go ma ka ɓase ge Israyela vya ma, ne naa ge ke tuwaleya ma, ne Levi vya ma, poseya ne naa ge a ne ke temel ne zok ge mbegeya zi ma.
3 Pehir ge Yuda ne ma, ne ge Bayami ne ma, ne ge Efrayim ne ma, ne ge Manasa ne ma, a mbo ya kat Ursalima go.
4 Ne pehir ge Yuda ne zi, a Utay ge Ammihud vya, ge Omri báŋ, ge Imri báŋ kon, ne ge Bani báŋ kon, na ge ne vuwal pe ge Peres zi gwa̰ ya ne. 5 Ne vuwal pe ge Chela ne zi, a Asaya, ge na vya pul soy ma ne na na vya ma gwa̰ ya ne. 6 Ne vuwal pe ge Zera ne zi, a Yewuel gwa̰ ya ne. Pehir ge Yuda ne ma ge a ne gwa̰ ya Ursalima go ma, a naa kikis myanaŋgal ne para wara lamaɗo (690).
7 Ne pehir ge Bayami ne zi, a Salu ge Mechullam vya, ge Hodavya báŋ, ge Hasenuwa báŋ kon gwa̰ ya ne. 8 Yibneya ge Yeroham vya, Ela ge Uzi vya, ge Mikri báŋ, Mechullam ge Chefatiya vya ge Rewel báŋ, ge Yibneya báŋ kon. 9 Nama mbe ma no mwaɗak, a ka ga̰l ge bama vuwal pe ma ne. Pehir ge Bayami ne ma, ge a ne gwa̰ ya ma, a ka naa kikis lamaɗo ne para wara anuwa̰y para myanaŋgal (956).
10 Ne naa ge ke tuwaleya ma buwal zi: a Yedaya, Yehoyarib, Yakin, ne 11 Azariya. Azariya a Hilkiya vya ne, Hilkiya a Mechullam vya ne, Mechullam a Sadok vya ne, Sadok a Merayot vya ne, Merayot a Ahitub vya ne. Ahitub ka ga̰l ge zok ge mbegeya ne.
12 Adaya ge Yeroham vya, ge Pachehur báŋ, ge Malkiya báŋ kon. Masay ge Abdiyel vya, Abdiyel ge Yazera vya, Yazera ge Mechullam vya, Mechullam ge Mechillemit vya, Mechillemit ge Immer vya. 13 Poseya ne bama kaam naa ge ke tuwaleya ma, ga̰l ge bama vuwal pe go ma, a ka naa dubu ɗu ne kikis ɓyalar ne para wara myanaŋgal (1 760). Pet naa ge ndwara ndaar ma, ge a ne mbya ke temel zok ge Dok ne zi ma.
14 Ne pehir ge Levi ne zi, a Chemaya ge Hachub vya, Hachub ge Azrikam vya, Azrikam ge Hachabiya vya, ne vuwal pe ge Merari ne zi. 15 Uwale, Bakbakar, Herech, Galal ne Mataniya ge Mika vya, ge Zikri báŋ, ge Asaf báŋ kon. 16 Uwale, Obadiya ge Chemaya vya, ge Galal báŋ, ge Yedutun báŋ kon, ne Berekiya ge Asa vya, ge Elkana báŋ, na ge ne ka suwal Netofa suwal lew a̰me go ɗu. 17 Ne naa ge koy zok wak ma buwal zi, a Challum, Akub, Talmon, Ahiman, ne bama ná vya ma. A Challum ka nama ga̰l ne. 18 Ɗiŋ ma̰ no, a nama pehir ma kat ne zok ge mbegeya wak ge a ne tol na zok wak ge gan ne go ne, ge le ge ham ge go. No a naa ge a ne ka koy zok wak ge swaga katɗa ge Levi vya ma ne ma go ne. 19 Challum ge Kore vya, ge Ebiyasaf báŋ, ge Kore báŋ kon, poseya ne Kore báŋ ge may ma, a ka koy zok wak ge gúr swaga ɓol ta ne, dimma ca ne bama báŋ ma ne ka kerra ge ɓase ge Bage ɗiŋnedin ne ma buwal zi go. 20 Pineyas ge Eleyazar vya ka zaŋgal nama ga̰l ne, ne da pe, Bage ɗiŋnedin ka da ne na. 21 Zakariya ge Mechelemiya vya me ka naa ge koy zok wak ge gúr swaga ɓol ta ne ma buwal zi. 22 Nama ge a ne tá nama ne koy zok wak ma pe, a ka naa kikis azi ne para wol para azi (212). A isi nama ge bama suwal ge tolla ma go. A Dawda ma ne anabi Samiyel e nama báŋ ma temel mbe ma pal kerra ne. 23 Doŋ pe ma ne doŋ pe ma, a ka koy bama temel kerra ge koy zok mbe, ne koy zok ge mbegeya ge Bage ɗiŋnedin ne wak ma.
24 Naa ge koy zok wak ma, a ka ge keŋ ge anda ma go mwaɗak: le ham, le sya, le kuu ne le mbii. 25 Nama ná vya ge a ne ka ne bama suwal ma go ma, a ka mbo ya er ta nama ta ke temel ɗaɗak ɗiŋ dam ɓyalar. 26 Ago, naa ge koy zok wak ma ga̰l ma ka naa anda, a ka katɗa ɗaɗak. A Levi vya ma, nama ge a ka dol bama ndwara zok ma pal, ne hal ge Dok ne ma pal ma. 27 A ka dwam ge zok ge Dok ne ziyar go gwa, ne da pe, a nama ka koy zok ne, a ka hage zok wak ma se ne cya̰wak ɗaɗak me.
28 Ne nama buwal zi, naa a̰me ma, a ka dol bama ndwara kaŋ temel ma pal. A ka isi kaŋ temel ma ge zok ge mbegeya ne ma, nama ge ne wat zum ma, ne nama ge ne wat ya diŋ ma me. 29 Naa ge may ma, a ka koy kaŋ temel ma ge ne zok ge mbegeya zi ma, swama ma, ne oyo̰r jiya̰l ma, ne num ma, ne dukan ma, ne idir ma. 30 A naa ge ke tuwaleya ma ka kirgi dukan ge hurra tuli ma ne.
31 Ne pehir ge Levi ne zi, Mattatiya ge Challum vya pul soy, na ge ne vuwal pe ge Kore ne go, ka bage swar katugum ma ne ke bobo pe. 32 Levi vya ge may ma, nama ge ne vuwal pe ge Kehat ne zi ma, a ka naa ge ke katugum ma dam ɗigliya go ɗaɗak ne tyare Dok pe.
33 Naa ge mbal kaŋ ma, ga̰l ma ge ne Levi vya ma buwal zi, a ka bama yàl ma diŋ, a be ka ke temel ne naa ge may ma go to, ne da pe, a ka ke temel ɗaal ne gyala. 34 Nama mbe ma no, a ka ga̰l ge vuwal pe ge Levi vya ma ne, ga̰l ne bama pe go. A ka Ursalima go.
Pehir ge Sawul ne
35 Yeyel a bage ne dó suwal Gabawon pe ne, na gwale dḭl Maaka, 36 Na vya pul soy Abdon. Na vya ge may ma dḭl ma no: Sur, Kich, Baal, Ner, Nadab, 37 Gedor, Ahiyo, Zakariya ne Miklot. 38 Miklot tol Chimeyam, a ka dagre ne bama hir ge may ma, a ka Ursalima go poseya ne bama kaam ge may ma.
39 Ner tol Kich, Kich tol Sawul, Sawul tol Yonatan, Malkichwa, Abinadab ne Echebaal. 40 Yonatan tol Meribaal, Meribaal tol Mika. 41 Mika vya ma dḭl ma no: Piton, Melek ne Tareya. 42 Ahaz tol Yara, Yara tol Alemet, Azmavet ne Zimri, Zimri tol Mosa, Mosa tol Bineya. 43 Bineya tol Refaya, Refaya tol Eleyasa, Eleyasa tol Asel. 44 Asel tó vya ma myanaŋgal, nama dḭl ma no: Azrikam, Bokru, Ismayel, Chariya, Obadiya ne Hanan.