Juswa 19

Joo ge pehir ge Simeyon ne

1 Joo varra ne uusi baare ta ge azi det pehir ge Simeyon ne, ne bama vuwal pe ma go. Nama joo ka ge Yuda vya ma joo tuŋsi zi. 2 A ɓo suwal: Beer-Cheba, Cheba, Molada, 3 Hasar-Chuwal, Baala, Asem, 4 Eltolad, Betul, Horma, 5 Siklag, Bet-Markabot, Hasar-Susa, 6 Bet-Lebowat, Charuhen: suwal ma wol para ataa ne bama suwal lew ma. 7 Ayin, Rimmon, Eter ne Achan: Suwal ma anda ne bama suwal lew ma, 8 ne suwal vya ge jabso ma ge a ne koŋle suwal mbe ma se ma mwaɗak, ɗiŋ mbo Baalat-Beer ndwara go Ramat ge mbii ge ya. No a pehir ge Simeyon ne, ne bama vuwal pe ma go joo ne. 9 A he joo ge Simeyon vya ma ne da ne joo ge Yuda vya ma ne zi, ago swaga ge Yuda vya ma ne ka ɓaŋlaŋ ne na ma pe. Da ne pe no, Simeyon vya ma joo ka joo ge Yuda vya ma ne tuŋsi zi.

Joo ge pehir ge Zabulon ne

10 Joo varra ne uusi baare ta ge ataa det Zabulon vya ma ne bama vuwal pe ma go. Nama warbe dé diŋ Sarid ya. 11 Ne swaga mbe go, kale mbo le sya ya, ge Marala ya, diŋ det mbo Dabbachet, mbo mam so̰o̰l ge ne kale suwal Yokneyam ndwara ŋga ya. 12 Ne Sarid go, luwaɗe mbo le ham ya, ge warbe ge suwal Kislot-Tabor ya, zut mbo le Dabrat, kale mbo Yafya ya. 13 Nama suwal warbe kale mbo le ham ya, ge suwal Gat-Hefer pal ya, kale mbo Itta-Kasin pal, det mbo Rimmon ya, saŋge mbo suwal Neya ya. 14 Warbe koŋle mbo Hanaton le kuu ya, kale mbo baal pul Yifta-El ya. 15 Poseya ne Kattat, Nahalal, Chimron, Yideyala, Betlehem me, nama suwal ma ɓa̰ digi suwal wol para azi ne bama suwal lew ma. 16 No a joo ge Zabulon vya ma ne, ne bama vuwal pe ma go. Suwal mbe ma ne bama suwal lew ma.

Joo ge pehir ge Isakar ne

17 Joo varra ne uusi baare ta ge anda det Isakar vya ma ne bama vuwal pe ma go. 18 Suwal ge a ne va pehir ge Isakar ne ma no: Jizreel, Kesulot, Chunem 19 Hafarayim, Chyon, Anaharat, 20 Rabbit, Kichyon, Abes, 21 Remet, Eyin-Gannim, Eyin-Hadda, Bet-Pases. 22 Nama suwal warbe det mbo Tabor, Chahasima, Bet-Chemes, det ɗiŋ maŋgaɗam Urdun wak se ya. Suwal ma wol para myanaŋgal ne bama suwal lew ma. 23 No a joo ge pehir ge Isakar ne, ne bama vuwal pe ma go. Suwal mbe ma, ne bama suwal lew ma.

Joo ge pehir ge Aser ne

24 Joo varra ne uusi baare ta ge anuwa̰y det pehir ge Aser ne, ne bama vuwal pe ma go. 25 Nama suwal ka: Helkat, Hali, Beten, Akechaf, 26 Alamelek, Ameyad, Micheyal. Le ge sya ge ya, nama warbe det mbo njal Karmel ge Chihor-Libnat ya, 27 saŋge mbo le sya ya, le Bet-Dagon ya, mbo tat ne Zabulon vya ma warbe, det mbo baal pul Yifta-El, ge Bet-Emek ma ne Neyiel le kuu ya, kale mbo Kabul ya, le tok magul pal ya. 28 Det mbo Abdon, Rehob, Hammon ne Kanan ya, det ɗiŋ mbo Sidon ge ga̰l ya. 29 Nama suwal warbe luwaɗe mbo Rama ya, ɗiŋ mbo suwal ge ne ve ne gulum Tir ya, saŋge mbo Hosa, zut mbo det maŋgaɗam ga̰l yuwam wak se ya, le Akzib go. 30 Ne suwal Uma, Afek, Rehob. Suwal ma wara azi para azi ne bama suwal lew ma. 31 No a pehir ge Aser ne, ne bama vuwal pe ma go joo ne. Suwal mbe ma ne bama suwal lew ma.

Joo ge pehir ge Neftali ne

32 Joo varra ne uusi baare ta ge myanaŋgal det pehir ge Neftali ne, ne bama vuwal pe ma go. 33 Nama warbe ɗage da ne Helef ya, ne uwara Chen ge ne suwal Saananim go pe ya, kale mbo Adami-Nekeb ma ne Yabneel ya, det ɗiŋ mbo Lakkum ya, zut mbo maŋgaɗam Urdun wak se ya. 34 Le ge sya ge go, nama warbe kale mbo Aznot-Tabor ya, kale mbo Hukok ya. Mbo tat pehir ge Zabulon ne suwal warbe le ge mbii ge ya, tat Aser vya ma ne Yuda vya ma suwal warbe le ge sya ge go, maŋgaɗam Urdun kat ne le ge ham ge ya. 35 Nama suwal ge ne ve digi ne gulum ga̰l ma, a: Sidim, Ser, Hammat, Rakkat, Kinneret, 36 Adama, Rama, Hasor, 37 Kedes, Edrey, Eyin-Hasor, 38 Yireyon, Migdal-El, Horem, Bet-Anat, Bet-Chemes, suwal ma wol para lamaɗo ne bama suwal lew ma. 39 No a pehir ge Neftali vya ma ne, ne bama vuwal pe ma go joo ne. Suwal mbe ma, ne bama suwal lew ma.

Joo ge pehir ge Dan ne

40 Joo varra ne uusi baare ta ge ɓyalar det pehir ge Dan ne, ne bama vuwal pe ma go. 41 Nama joo ka suwal: Soreya, Echetawol, Ir-Chemes, 42 Chaalabbin, Ayalon, Yitla, 43 Elon, Timnata, Ekron, 44 Elteke, Gibeton, Baalat, 45 Yehud, Bene-Berak, Gat-Rimmon, 46 mam so̰o̰l Yarkon, ne Rakkon poseya ne suwal ge ne Yafa ndwara ŋga ma. 47 Swaga ge Dan vya ma ne ba̰ bama joo go ɗe, a mbo det suwal Lechem, a ame na. A hun naa ge suwal ma uzi mwaɗak, a gá kat na go. A hon Lechem dḭl Dan, bama báŋ dḭl ta. 48 No a pehir ge Dan ne, ne bama vuwal pe ma go joo ne. Suwal mbe ma ne bama suwal lew ma.

Joo ge Juswa ne

49 Swaga ge ne á suwal varra se go ɗe, Israyela vya ma hon Juswa ge Nun vya joo bama buwal zi. 50 Wak honna ge Bage ɗiŋnedin ne pal, a hon na suwal Timnat-Sera ge ne njal ge Efrayim ne go, dimma ne na sḛ ne ele go. Gwan sin suwal mbe digi, kat na go.

51 No a joo ge bage tuwaleya Eleyazar, ma ne Juswa ge Nun vya, ne ga̰l ge pehir ge Israyela vya ma ne ma, ne va Israyela vya ma ne uusi baare ta Bage ɗiŋnedin ndwara se, ge gúr swaga ɓol ta wak go, Silo go ne. A go no, a á ne suwal joo varra se no.