Joo ge Efrayim ma ne Manasa pehir ma ne
Joo ge Efrayim pehir ma ne
16
1 Suwal ge a ne ho̰ Yusuf vya ma na joo ɗage da ne maŋgaɗam Urdun le ge ne suwal Jeriko ndwara go ŋga ya, ge mam ge Jeriko ne le ge ham ge go, ne ful pul ge ne ɗage ne Jeriko go det ɗiŋ njal ge suwal Betel ne ya. 2 Ne Betel go kale mbo suwal Luz ya, det mbo Atarot na ge Arkiya ma suwal pal ya. 3 Luwaɗe mbo le sya ya, Yaflet ma warbe ya, ɗiŋ mbo det suwal Bet-Horon ge seɗe ge ya, ɗiŋ mbo Gezer, kale mbo maŋgaɗam ga̰l yuwam wak se ya. 4 No a joo ge a ne ho̰ Manasa ma ne Efrayim ge Yusuf vya ma.5 Efrayim vya ma, ne bama vuwal pe ma go, suwal warbe ma no: Ne le ge ham ge pe go, ɗage da ne suwal Atarot-Addar ya, ɗiŋ mbo Bet-Horon ge digi ge ya. 6 Le ge sya ge pe go, nama warbe kale mbo le Mikmetat le kuu ya, saŋge mbo le ham, le Taanat-Silo ya, kale mbo le ham le ge Yanowa ne ya. 7 Ne Yanowa go, det mbo Atarot ma ne Naarata ya, det ya Jeriko pal, kale mbo maŋgaɗam Urdun se ya. 8 Ne Tapuwa go, nama warbe kale mbo le sya ya, mbo det mam so̰o̰l Kanan wak ya, kale mbo maŋgaɗam ga̰l yuwam se ya. No a Efrayim vya ma joo ge a ne ho̰ nama ne, ne bama vuwal pe ma go. 9 Poseya ne suwal ge a ne caɗe nama hon Efrayim vya ma joo ge Manasa vya ma joo buwal zi. Suwal mbe ma pet ne bama suwal lew ma. 10 A be yan Kanan ma ge a ne ka ne suwal Gezer go to. Kanan ma gá katɗa ya Efrayim vya ma buwal zi ɗiŋ ma̰ no. Amma a gá ke temel mo̰r hon Efrayim vya ma.