Isiya Ma 26

1 Bage ɗiŋnedin jan Musa ma ne Eleyazar ge bage tuwaleya Aaron vya go:2 «Isi me Israyela vya ma pet ne bama hir ma go, ne del wara azi go mbo digi, nama ge ne mbya mbal pore ma pet.»3 Ge babur pul ge Mowab ne go, gwa ne maŋgaɗam Urdun, ge Jeriko ndwara go ŋga, Musa ma ne bage tuwaleya Eleyazar jan nama go,4 Bage ɗiŋnedin ho̰ Musa wak go na isi Israyela vya ma pet ne del wara azi go mbo digi, nama ge ne ɗage ne suwal Masar ya ma.

5 A e pe isi Ruben ge Israyela vya pul soy. Hir ge Ruben ne ma no: Henok tó vuwal pe ge Henok ma ne ne, Pallu tó vuwal pe ge Pallu ma ne ne, 6 Hesron tó vuwal pe ge Hesron ma ne, Karmi tó vuwal pe ge Karmi ma ne no me. 7 Nama mbe ma no, a hir ge Ruben ne ma ne. Nama ge a ne isi nama a mbo digi naa dudubu wara anda para ataa ne para kikis ɓyalar para tapolɗu (43 730). 8 Pallu tó Eliyab. 9 Eliyab tó Nemuyel, Datan ma ne Abiram no. A Datan mbe ma ne Abiram mbe ge ga̰l ge ɓase ma ne ma, ge a ne ɗage ho̰l ne Musa ma ne Aaron poseya ne Kore naa ma, swaga ge a ne ɗage ho̰l ne Bage ɗiŋnedin go. 10 Suwar wage tene se, uɗi nama poseya ne Kore. Swaga mbe go ol tí naa ge ne na pe go ma kikis azi para wara anuwa̰y. Nama siya mbe gá kaŋ sayda ne ɓase ma pe. 11 Amma Kore vya be su swaga mbe go to.

12 Simeyon vya ma ne bama vwal pe ma go no: Nemuyel tó vuwal pe ge Nemuyel ma ne, Yamin tó vuwal pe ge Yamin ma ne, 13 Zera tó vuwal pe ge Zera ma ne, Sawul tó vuwal pe ge Sawul ma ne. 14 No a vuwal pe ge Simeyon vya ma ne ma ne, naa dudubu wara azi para azi para kikis azi (22 200).

15 Gad vya ma ne bama vuwal pe ma go no: Sefon tó vuwal pe ge Sefon ma ne, Hagi tó vuwal pe ge Hagi ma ne ne, Chuni tó vuwal pe ge Chuni ma ne ne, 16 Ozni tó vuwal pe ge Ozni ma ne ne, Eri tó vuwal pe ge Eri ma ne ne, 17 Arod tó vuwal pe ge Arod ma ne ne, Areli tó vuwal pe ge Areli ma ne no me. 18 No a vuwal pe ge Gad vya ma ne ma ne, a ka naa dudubu wara anda para kikis anuwa̰y (40 500).

19 Yuda vya ma Er ne Onan, amma Er ma ne Onan a su suwal Kanan go jwak. 20 Yuda vya ma ne bama vuwal pe ma go no: Chela tó vuwal pe ge Chela ma ne, Peres tó vuwal pe ge Peres ma ne, Zera tó vuwal pe ge Zera ma ne, 21 Peret vya ma ne bama vuwal pe ma go no: Hesron tó vuwal pe ge Hesron ma ne, Hamul tó vuwal pe ge Hamul ma ne no me. 22 No a vuwal pe ge Yuda vya ma ne ma ne, a ka naa dudubu wara ɓyalar para myanaŋgal para kikis anuwa̰y (76 500).

23 Isakar vya ma ne bama vuwal pe ma go no: Tola tó vuwal pe ge Tola ma ne, Puva tó vuwal pe ge Puva ma ne, 24 Yachub tó vuwal pe ge Yachub ma ne, Chimron tó vwal pe ge Chimron ma ne no me. 25 No a vuwal pe ge Isakar vya ma ne ma ne, a ka naa dudubu wara myanaŋgal para anda para kikis ataa (64 300).

26 Zabulon vya ma ne bama vuwal pe ma go no: Sered tó vuwal pe ge Sered ma ne, Elon tó vuwal pe ge Elon ma ne, Yaleel tó vuwal pe ge Yaleel ma ne no me. 27 No a vuwal pe ge Zabulon vya ma ne ma ne, a ka naa dudubu wara myanaŋgal para kikis anuwa̰y (60 500).

28 Manasa ma ne Efrayim a Yusuf hir ma ne. 29 Manasa vya ma ne bama vuwal pe ma go no: Makir tó vuwal pe ge Makir ma ne. Makir vya Galaad tó vuwal pe ge Galaad ma ne no.

30 Vuwal pe ge Galaad vya ma ne no: Yezer tó vuwal pe ge Yezer ma ne, Helek tó vuwal pe ge Helek ma ne, 31 Asriyel tó vuwal pe ge Asriyel ma ne ne, Sichem tó vuwal pe ge Sichem ma ne, 32 Chemida tó vuwal pe Chemid ma ne, Hefer tó vuwal pe ge Hefer ma ne, 33 Selofad ge Hefer vya be tol vya son to, amma tó vya gwale ma ɗeŋgo. Selofad vya ge gwale ma dḭl ma no: Mala, Nowa, Hogla, Milka ne Tirsa. 34 No a vuwal pe ge Manasa ne ma ne, a ka naa dudubu wara anuwa̰y para azi, para kikis ɓyalar (52 700).

35 Efrayim vya ma ne bama vuwal pe ma go no: Chutela tó vuwal pe ge Chutela ma ne, Beker tó vuwal pe ge Beker ma ne, Tahan tó vuwal pe ge Tahan ma ne. 36 Chutela vya ma ne bama vuwal pe go no: Eran tó vuwal pe ge Eran ma ne. 37 No a vuwal pe ge Efrayim vya ma ne ma ne, a ka naa dudubu tapolɗu para azi para kikis anuwa̰y (32 500). No a pehir ge Yusuf vya ma ne ma ne, ne bama vuwal pe ma go.

38 Bayami vya ma ne bama vuwal pe ma go no: Bela tó vuwal pe ge Bela ma ne ne, Achibel tó vuwal pe ge Achibel ma ne ne, Ahiram tó vuwal pe ge Ahiram ma ne ne, 39 Chefufam tó vuwal pe ge Chefufam ma ne ne. 40 Bela tó Arde ma ne Naaman. Arde tó vuwal pe ge Arde ma ne no, Naaman tó vuwal pe ge Naaman ma ne no me. 41 No a Bayami vya ma ne bama vuwal pe ma go ne, a ka naa dudubu wara anda para anuwa̰y para kikis myanaŋgal (45 600).

42 Dan vya ma ne bama vuwal pe ma go no: Chuham tó vuwal pe ge Chuham ma ne. No a pehir ge Dan ne ne, ne bama vuwal pe go. 43 Vuwal pe ge Chuham ne ma mwaɗak a ɓa̰ digi naa dudubu wara myanaŋgal para anda para kikis anda (64 400).

44 Aser vya ma ne bama vuwal pe ma go no: Yimna tó vuwal pe ge Yimna ma ne, Yichevi tó vuwal pe ge Yichevi ma ne, Beriya tó vuwal pe ge Beriya ma ne, 45 Beriya vya ma ne bama vuwal pe go no: Heber tó vuwal pe ge Heber ma ne, Malkiyel tó vuwal pe ge Malkiyel ma ne. 46 Aser vya ge gwale dḭl Sera. 47 No a vuwal pe ge Aser vya ma ne ma ne, a ka naa dudubu wara anuwa̰y para ataa para kikis anda (53 400).

48 Neftali vya ma ne bama vuwal pe ma go no: Yasiyel tó vuwal pe ge Yasiyel ma ne, Guni tó vuwal pe ge Guni ma ne, 49 Yeser tó vuwal pe ge Yeser ma ne, Chilem tó vuwal pe ge Chilem ma ne. 50 No a vuwal pe ge Neftali vya ma ne ma ne, a ka naa dudubu wara anda para anuwa̰y para kikis anda (45 400).

51 No a isiya ge Israyela vya ma ne ma ne, a ɓa̰ digi pet naa dudubu kikis myanaŋgal para ɗu para kikis ɓyalar para tapolɗu (601 730).

Wak honna ne suwal Kanan varra pe

52 Bage ɗiŋnedin jan Musa go: 53 «Vá nama suwal mbe joo ne ɓase ge nama ne pe go. 54 Naa ge ɓase ma, mo mbo hon nama joo ga̰l, naa ge woɗege ma, mo mbo hon nama joo jyale. Mo mbo hon hir ge daage joo ɓase ge nama ne pe go. 55 Ago a mbo var nama suwal mbe se ne uusi baare ta, ne bama hir ma pe go. 56 A mbo var naa ge pe ɓase ne naa ge pe woɗege ma suwal joo se ne uusi baare ta.»

Isiya ge ndwara azi ge Levi vya ma ne

57 Levi vya ma ge a ne isi nama ne bama vuwal pe ma go no: Gerson tó vuwal pe ge Gerson ma ne, Kehat tó vuwal pe ge Kehat ma ne, Merari tó vuwal pe ge Merari ma ne, 58 Vuwal pe ge Levi báŋ ma ne ma no: vuwal pe ge Libni ne, ne vuwal pe Hebron ne, ne vuwal pe ge Mali ne, ne vuwal pe ge Muchi ne, ne vuwal pe ge Kore ne. A Kehat tó Amram ne. 59 Amram gwale dḭl Yokebed, a Levi báŋ ne tó suwal Masar ya. Na sḛ tó Aaron, Musa ne Maryam ge nama ná vya ge gwale hon Amram. 60 Aaron tó Nadab, ne Abihu, ne Eleyazar, ne Itamar. 61 Nadab ma ne Abihu su swaga ge a ne gene ol ge ɗogle ya Bage ɗiŋnedin ndwara se go.

62 Naa sonmo ge a ne isi nama ne saba ɗu go mbo digi, a ka naa dudubu wara azi para ataa. A be isi nama Israyela vya ma buwal zi to, ne da pe, a be var nama joo Israyela vya ma buwal zi to.

63 No a nama ge Musa ma ne bage tuwaleya Eleyazar ne isi nama ge babur pul ge Mowab ne go, maŋgaɗam Urdun wak go, Jeriko ndwara go ŋga ma ne. 64 Ge nama buwal zi, a be ɓol naa ge Musa ma ne bage tuwaleya Aaron ne isi nama ge ful pul ge Sinay ne zi to bat. 65 Ago Bage ɗiŋnedin jya̰ nama go, nama mbo su ful pul zi mwaɗak. A Kaleb ge Yefunne vya ma ne Juswa ge Nun vya gá ne ɗeŋgo.