MAKTUB
ISIYA MA
KATƊA GE ISRAYELA NE FUL PUL GE SINAY NE ZI
(1:1—10:10)
Isiya ge zḛ ge ge Israyela vya ma ne
1
1 Bage ɗiŋnedin jan Musa fare ge ful pul ge Sinay ne zi, ge gúr swaga ɓol ta zi, ge dam ge zḛ ge ge saba ge azi ne go, del azi go̰r wat zum ge nama ne ne suwal Masar diŋ ya go, jya̰ na go: 2 «Isi me ɓase ge Israyela vya ma ne ma pet ne bama pehir ma go, ne bama vuwal pe ma go. Isi me ndu son ge daage dḭl ɗu ne ɗu. 3 Aŋ ne Aaron, aŋ isi me naa sonmo ne del wara azi go mbo digi Israyela vya ma pet ge a ne mbya ke pore ma, ne bama pe go. 4 Ndu son a̰me ɗu ne pehir ge daage go, ga̰l ge ne na vuwal pe go, na ká poseya ne aŋ. 5 No a naa ge a ne mbo kat poseya ne aŋ ma dḭl ma ne:Ne pehir ge Ruben ne go, Elisur ge Chedeyur vya,
6 ne pehir ge Simeyon ne go, Chelumiyel ge Surichaday vya,
7 ne pehir ge Yuda ne go, Nason ge Amminadab vya,
8 ne pehir ge Isakar ne go, Nataneel ge Suhar vya,
9 ne pehir ge Zabulon ne go, Eliyab ge Helon vya,
10 ge Yusuf vya ma ne,
ne pehir ge Efrayim ne go, Elichama ge Ammihud vya,
ne pehir ge Manasa ne go, Gamliyel ge Pedasur vya,
11 ne pehir ge Bayami ne go, Abidan ge Gideyoni vya,
12 ne pehir ge Dan ne go, Ahiyezer ge Ammichadday vya,
13 ne pehir ge Aser ne go, Pagiyel ge Okran vya
14 ne pehir ge Gad ne go, Eliyazaf ge Dewuyel vya,
15 ne pehir ge Neftali ne go, Ahira ge Enan vya.»
16 No a naa ge ɓase ma ne tá nama ne, a ka ga̰l ge bama pehir ma ne, ga̰l ge asagar ge bama hir ma ne ma. 17 Musa ma ne Aaron abe naa ge a ne tá nama mbe ma ya bama ta, 18 a kote ɓase ma ya se pet dam ge zḛ ge ge saba ge azi ne go, a isi ta ne dḭl ɗu ne ɗu ne bama pehir ma go, ne bama vuwal pe ma go, ne del wara azi go mbo digi. 19 Musa isi nama ge ful pul ge Sinay ne zi dimma ne Bage ɗiŋnedin ne ho̰ na wak go.
20 Ruben, vya pul soy ge Israyela ne, na vya ma isiya ne dḭl ɗu ne ɗu ne bama pehir go, ne bama vuwal pe ma go, naa sonmo ge ne mbya ke pore ma, ne del wara azi go mbo digi, 21 Ruben vya ma isiya ne bama pehir go pet mbo digi naa 46 500 (dudubu wara-anda para myanaŋgal para kikis anuwa̰y).
22 Simeyon vya ma isiya ne dḭl ɗu ne ɗu ne bama pehir go, ne bama vuwal pe ma go, naa sonmo ne del wara azi go mbo digi, pet nama ge a ne mbya ke pore ma, 23 Simeyon vya ma isiya ne bama pehir go pet mbo digi naa 59 300 (dudubu wara anuwa̰y para lamaɗo para kikis ataa).
24 Gad vya ma isiya ne dḭl ɗu ne ɗu ne bama pehir go, ne bama vuwal pe ma go, naa sonmo ne del wara azi go mbo digi, pet nama ge a ne mbya ke pore ma, 25 Gad vya ma isiya ne bama pehir go pet mbo digi naa 45 350 (dudubu wara anda para anuwa̰y para kikis ataa para wara anuwa̰y).
26 Yuda vya ma isiya ne dḭl ɗu ne ɗu ne bama pehir go, ne bama vuwal pe ma go, naa sonmo ne del wara azi go mbo digi, pet nama ge a ne mbya ke pore ma, 27 Yuda vya ma isiya ne bama pehir go pet mbo digi naa 74 600 (dudubu wara ɓyalar para anda para kikis myanaŋgal).
28 Isakar vya ma isiya ne dḭl ɗu ne ɗu ne bama pehir go, ne bama vuwal pe ma go, naa sonmo ne del wara azi go mbo digi, pet nama ge a ne mbya ke pore ma, 29 Isakar vya ma isiya ne bama pehir go pet mbo digi naa 54 400 (dudubu wara anuwa̰y para anda para kikis anda).
30 Zabulon vya ma isiya ne dḭl ɗu ne ɗu ne bama pehir go, ne bama vuwal pe ma go, naa sonmo ne del wara azi go mbo digi, pet nama ge a ne mbya ke pore ma, 31 Zabulon vya ma isiya ne bama pehir go pet mbo digi naa 57 400 (dudubu wara anuwa̰y para ɓyalar para kikis anda).
32 Ge Yusuf vya ma ne, Efrayim vya ma isiya ne dḭl ɗu ne ɗu ne bama pehir go, ne bama vuwal pe ma go, naa sonmo ne del wara azi go mbo digi, pet nama ge a ne mbya ke pore ma, 33 Efrayim vya ma isiya ne bama pehir go pet mbo digi naa 40 500 (dudubu wara anda para kikis anuwa̰y).
34 Manasa vya ma isiya ne dḭl ɗu ne ɗu ne bama pehir go, ne bama vuwal pe ma go, naa sonmo ne del wara azi go mbo digi, pet nama ge a ne mbya ke pore ma, 35 Manasa vya ma isiya ne bama pehir go pet mbo digi naa 32 200 (dudubu tapolɗu para azi para kikis azi).
36 Bayami vya ma isiya ne dḭl ɗu ne ɗu ne bama pehir go, ne bama vuwal pe ma go, naa sonmo ne del wara azi go mbo digi, pet nama ge a ne mbya ke pore ma, 37 Bayami vya ma isiya ne bama pehir go pet mbo digi naa 35 400 (dudubu tapolɗu para anuwa̰y para kikis anda).
38 Dan vya ma isiya ne dḭl ɗu ne ɗu ne bama pehir go, ne bama vuwal pe ma go, naa sonmo ne del wara azi go mbo digi, pet nama ge a ne mbya ke pore ma, 39 Dan vya ma isiya ne bama pehir go pet mbo digi naa 62 700 (dudubu wara myanaŋgal para azi para kikis ɓyalar).
40 Aser vya ma isiya ne dḭl ɗu ne ɗu ne bama pehir go, ne bama vuwal pe ma go, naa sonmo ne del wara azi go mbo digi, pet nama ge a ne mbya ke pore ma, 41 Aser vya ma isiya ne bama pehir go pet mbo digi naa 41 500 (dudubu wara anda para ɗu para kikis anuwa̰y).
42 Neftali vya ma isiya ne dḭl ɗu ne ɗu ne bama pehir go, ne bama vuwal pe ma go, naa sonmo ne del wara azi go mbo digi, pet nama ge a ne mbya ke pore ma, 43 Neftali vya ma isiya ne bama pehir go pet mbo digi naa 53 400 (dudubu wara anuwa̰y para ataa para kikis anda).
44 No a naa ge Musa ma ne Aaron poseya ne ga̰l ge Israyela vya ma ne ma ge wol para azi ma, ndwara go ndu ɗu ne pehir ge daage zi. 45 Israyela vya ma mwaɗak ge a ne isi nama ne bama vuwal pe ma, ne del wara azi go mbo digi, pet nama ge ne mbya ke pore ma, 46 nama ge a ne isi nama pet, nama isiya mbo da ne naa 603 550 (dudubu kikis myanaŋgal para ataa para kikis anuwa̰y para wara anuwa̰y). 47 A be isi Levi vya ma ne bama pehir go bama buwal zi to.
Temel kerra ge Levi vya ma ne
48 Bage ɗiŋnedin jan Musa go: 49 «Isi pehir ge Levi ne to, he nama dḭl ge Israyela vya ma buwal zi to. 50 Ya̰ Levi vya ma ne temel ge gúr ge mbegeya ma ne na kaŋ temel ma pe. A mbo ka in gúr ge mbegeya ma ne na kaŋ temel ma mwaɗak. A mbo gá ne na temel pe kerra, a mbo ka katɗa na ziyar go ver na se me. 51 Swaga ge gúr ge mbegeya ne ɗage ya mborra, Levi vya ma mbo saa na digi, swaga ge gúr ge mbegeya ne mḛ ya se, Levi vya ma mbo ɗur na se. Ndu ge ɗogle ge ne ndar tene ja gwa ne na, a mbo hun na uzi.
52 Israyela vya mbo ka katɗa ne bama hir ma pe go bama swaga katɗa ma go, gwa ne bama piripiri. 53 Amma Levi vya ma mbo ver gúr ge mbegeya se, ne da pe, na kaage mbi pore juliliya dé ɓase ge Israyela vya ma ne pal swaga ge a ne ndar ya na ta zi to. Levi vya ma mbo ga katɗa ne temel ge gúr ge mbegeya ne pe kerra.» 54 Israyela vya ma ke tem dimma ne Bage ɗiŋnedin ne ho̰ Musa wak go.