तीमुथिसयुस रे नामा पौलुसा प्रेरितों री पत्री
1
1 पौलुसा री ओरा का ज़ोह तेऊ जीबन री प्रतिज्ञा रे सावै ज़ोह मसीह यीशु में साहा दईबा रे सावै मसीह यीशु रअ प्रेरित साहा , 2 प्यारे शोहरू तिमुथियुसा रे ना में , दईब पिता होर हमारे प्रभु यीशु मसीहा रे ओरा का तमा अनुग्रह होर शान्ति होर दया भेट्दी रहे धन्यवाद होर प्रोत्साहनविश्वासयोग्यता बे हौस्ला
3 ज़ासु दईब री सेवा हाँउ आपणे बाबा दादा री रीती पेंदे शुद्ध विबेका संघे करा , तेऊ रा धन्यावाद हो कि हाँउ तेऊ आपणी प्रार्थना में सदा याद कर्दआ , 4 होर ताह का मिलने री तणी राची दिहाड़ी लेरी करे प्रार्थना करा कि हाँउ ताह का मिले कि हाँउ ख़ुशी संघे भरे । 5 माह तेरे तेऊ बिश्वसा में पूरा बुशाह आसाहा, ज़ोह पहिले तेरी नानी लोइस होर तेरी आमा युनीको में तिही, होर माह बुशाह साहा कि सह ताह में भी साहा । 6 एउ सावै हाँउ ताह याद दिलाऊदा कि तुह दईब रे तेऊ वरदाना ज़ोह ताह माह का भेटादा साहा तेऊ प्रकट करे । 7 किवैकी दईब हामा डरा री नांई पर सामर्थ्य होर प्रेम होर संयम री आत्मा दिन्दी साहा । 8 तेवा हमारे प्रभु री गवाही का , माह का ज़ोह हाँउ तेऊ रअ कैदी साहा , नांइ शरमाये , पर तेऊ दईब री सामर्थ्य रे सावै सुसमाचारा वे माँईं संघे दुःख चुआके । 9 ज़ासु हमारा उद्धार करू होर पवित्र आवाजे संघे शादी होर यह हमारे कामा री सावै नांइ होर तेऊ री उदेश्य होर तेऊ अनुग्रह रे सावै साहा ज़ोह मसीहा यीशु रा हामा में होऊदा साहा । 10 पर एवा हमारे उद्धारकर्ता मसीह यीशु का प्रकट हुणे का प्रकाशित होऊ , ज़ासु ये मृत्यु रा नाशा करू होर जीबन होर अमरता तेऊ सुसमाचारा रे दूआरा प्रकाशमान करू । 11 ज़ासकी तणी हाँउ प्रचारक होर प्रेरित , होर उपदेशक भी होऊ । 12 एतकि तणी हाँउ याह दुखा भी उठाऊदा , पर शरमाउद नांइ , किवैकी हाँउ तेऊ ज़ासु पेंदे माँईं विश्वास करूदा साहा हाँउ जांदा , होर माह वुशाह साहा कि श मेरी रखवाली तेसा दिहाड़ी तणी करा । 13 ज़ोह राम्बडी गल्ला तांईं माह का शुणी त्या रा तेऊ वुशाह होर प्रेमे संघे , ज़ोह मसीह यीशु में साहा , आपणा आदर्श बणाई करे डाहे । 14 होर पवित्र आत्मा का ज़ोह हामा में ब्सुदा असा एसा चिजा री रखवाली डाह । 15 तू जांदा कि असिया आल़े माह का साभे फिरिदे साहा ज़ासु में फुगिलुस हो र हिर्मुगिनेस साहा । 16 उनेसिफुरुस रे घराने में प्रभु दया करे किवैकी तेऊ बहू बारी हाँउ खुश करू होर मेरी जंजिरा का नांइ शरमाऊ । 17 पर जेब्रे सह रोमा में आऊअ , तेवा सारीा लोडी करे माह का भेटअ । 18 प्रभु करे कि तेसा दिहाड़ी प्रभु तेऊ पेंदे कृपा करे होर ज़ोह-ज़ोह सेवा तेऊ इफिसुस में करीदी साहा त्या भी तुह रामबडे ढंगे जाणा ।