कलीसिया रे सदस्या संघा बर्ताब
5
1 कासी भी बूढले मणशा नांई डांडे; पर तेउ बापू समझी करे समझा होर जुआना भाई जणी करे समज । 2 बूढली वेटढी माँ जणी करे ;होर जुआन न वेटढी पूरी पबित्रता संघे भीणअ जणी करे समज।बिधबा री सहायता
3 ज़ोह बिधबा साहा त्याह रा आदरे करे* । 4 अगर ज़ासु बिधव रे शोहरु होर पोचे पचेरु हो; तेवा सह पहिले आपणे ही घराने क भक्ति करना शुरू करे होर आपने आम बपू वै त्याह रा हक दीणा सीख, किबेकि यह दईब रांबडा लागदा । 5 होर ज़ोह सची बिधवा साहा, होर तेसकअ कोहे नांई आनद तेवा सह दईबा पेंदे आशा डांहदा, होर राच धियाड प्रार्थना में लागी रंहदा । 6 होर जोह भोग बिलासा मैं पड़ी जिउंदी रही करे भी मरी दी हुंदा । 7 याह गला री भी आज्ञा भी दे सह निर्दोष रहे । 8 पर अगर आपण होर आपण घरे री चिंता नांई करे तेवा सह बुशाह क मुकरू होर अबिश्वासी क भी बुरअ होऊ । 9 तेसी बिधबा रा ना लिखु ज़ोह साठ साल री हो होर एकी मर्दा री वेटढी रहीदी हो । 10 होर सह भल कम में ठीक रहीदी हो, होर तेसे बच्चे पालीदे हो ,होर प्राऊणे री सेबा करी दी हो, होर पबित्र लोका री जांघा धोई दी हो तिही दुखी लोका री सहायता करी दी हो, होर हर एकी भले कमा में मन लऊद हो । 11 पर ज़ोह जुआन बिधबा साहा त्याह रे नम नांई लिख, किबेकि ज़ेबा त्याह मसीहे यीशु रे बिरोध करी करे सुख बिलास में इंहदा तेवा त्याह व्याह करना चाहन्दा । 12 होर दोषी ठहरदा, किबेकि त्याहे आ पणा पहिला बुशाह छाडी दिना । 13 एता बाद त्याह घरे फिरी करे आलसी बणा होर सिधी आलसी नांई पर बक-बक भी करदी रंहदा होर दूज रे कमा हाथ भी पांऊद होर ज़ोह गला नांई बोलणाी त्याह बोला । 14 तेबा हाँऊं यह चाहन्दा, ज़ोह जुयान बिदवा ब्याहे करे; होर शोहरू पैदा करे होर घरा-बारा सम्भाले, होर कासी बरोध करे न आल़े वै बदनाम हुणे रा मोका न दे । 15 किबेकि कई तो वैहकाबे में ईछी करे शैतान रे पीछ होई मुकी । 16 अगर कासी बिश्वासी वेटडी सेटा बिधबा साहा तेवा सह त्याह ह री सहायता करे, की कलीसिया पेंदे बजन नांई हो की सह त्याह रे सहायता करे ज़ोह सची में बिधबा साहा ।
बचना सखाऊण आल़े प्राचीना रा आदर
17 ज़ोह प्राचीन सिखउण आल़े खास करे ज़ोह सुणऊण आल़े होर सिखऊण में सहायता करे त्याह दुई गुण आदरे लईक समझी जय । 18 किबेकि पबित्र शास्त्र बोला तिही " कि हल़ण आल़े बल़दा रे मुँह नांई बानणे तिही " किबेकि मज़दूर आपणी मज़दूरी र हकदार साहा । 19 अगर कोइ दोष कासी प्राचीना पेंदे लाए, तेवा दुई यह ची गुआही रे बिन तत नांई शुण । 20 पाप करे न आल़े वै सभी रे सामने समझ की तेउ हेरी करे भी होर लोका भी डरे 21 दईब होर मसीहे यीशु, होर चुनी दे स्वर्गदूता रे सामने जणी करे, हाँऊं तेवा चतौनी दिंद की तू यह हे गला मन खोली करे मना कर, होर कोहे भी कम भेदभाब संघे नांई करे 22 होर कासी पेंदे एक दम हाथ नांई डाहे, होर दूज रे पाप में शमिल नांई होए, होर आपण आप वै पबित्रे डाहे । 23 इण आल़े टईम में सिधी पाणी झूटदअ नांई रहे, पर आपण पेट होर बीमर हुणे रे तणी केबरे थोड़े -थोड़े दख रे रसा भी झूटे करे । 24 कुछ मणशा रे पाप प्रगट हुन्दा, होर न्याय री तणी पहिले पूजदा पर दूजे रे पाप बादहा मैं हेरा । 25 तेहड़े भी कथरे भले काम प्रगट हे हुंदा, होर त्याह जो एडहे नांई हो, त्याह भी नांई गोजी सकदे ।