कलीसियहा में बिशप
3
1 यह गला सची साहा की ज़ोह बिशप हुणा चाहन्दा, सह भल कम री इच्छा डांहदा साहा। 2 यह ज़रुरी साहा की बिशप निर्दोष, होर एकी वेटढी रे पति, शुशील, संयमी, सभ्य,होर मेहमाना रे स्बगत करे न आल होर सिखऊण मैं निपुण लोढ़ी हे होऊ । 3 पियक्ड होर न झगड़ करने आल़े होए ईमानदार हो, होर न झगड़ करे न आल, होर न धन रे लालची हो । 4 होर आपण घरा री रांबडी रखबाली करने आल़े हो, होर आपण बाल-बच्चे सारीी गंभीरता क दूर डांहदा । 5 ज़ेबा कोई आपणे घरा रा प्रबन्ध करणा ही नांई ज़ाणे, तेवा दईबा री कलीसिया री रखबाली केड़े करणी ? 6 तेहुकि यह नउंअं चेलअ नांई होए, एडा नांई होए कि घमण्ड करी करे शैतान रे बराबर दण्ड पाए । 7 होर बाघले भी तेउरा रांबडा ना हो एडा न हो की निदित होई करे शैतान रे फंद में फसे।कलीसियहा में सबक
8 तेड ही सेबक* भी रांबडे लोढ़ी होई ,न की दो रंगी, होर न पियक्ड होर नींच कमाई रे लोभी न हो । 9 पर बिश्वसा रे विबेका शुद्ध मना संगे सुरक्षित डाहे। 10 होर यह भी पहिले सारीी गला परखे, तेता बाद अगर निर्दोष निखले तेवा प्रभु री सभे काम करे । 11 एउ सावै बैटडी भी रांबडी होई लोड़ी, दोष लऊण आली नांई लोड़ी होई पर सचेत होर सभी गला में विश्वाश करने आली लोढ़ी होई । 12 होर ज़ोह सेबक होलअ तउरे एक बैटडी लोडी होई, होर बाल-बच्चे होर घरा रा रांबडा प्रबंध करना जाणदा । 13 किबेकि ज़ोह सेबका रा काम रांबडे ढंगे संघे करी सका त्याह आपणी तणी रांबडा स्थान अपनांऊंदा होर तेउ विशवस में ज़ोह मसीहे यीशु में साहा होर भी पक हे हुंद।
महान रहस्य
14 हाँऊं त सेटा छकअ ईंहंणे री आशा डाह करे यह गला तेवा लिखदा । 15 की अगर मेरे इन्हणे में देर होई तेवा तू ज़ाणे की, दईबा घरे ज़ोह जिउंदे दईबा रे घरे साहा, होर ज़ोह सात सचा रे थाम्बअ होर नींब साहा, तो तेवा तत में केहडा व्यबहार करू लोढ़ी। 16 होर एता में कोइ शख नांई आंदा की भक्ति रा भेद बहू ज़रुरी साहा ; मतलब ज़ोह शरीरा में प्रगट होउ, होर आत्मा में धर्मी ठेहरू, स्वर्गदूत हेरू, अन्यजाती में तेउरा प्रचार होऊ होर, पृथ्बी में तेउरा बिश्वास होऊ, होर महिमा में उझे स्वर्ग वै चुआकू।