1 Thessalonians
थिस्लुनिकियो री ना री पौलुसा री पहिली पत्री
अभिबादन
1
1 पौलुस होर सिलावानुस होर तीमुथियुसा री तरफा का थिस्सलुनीकियों* री कलीसिया रे ना , ज़ोह दईब बापू होर दईब यीशु मसीह में साहा | अनुग्रह होर शान्ति तमा बे भेटती रहे |थिस्सलुनीकियों रा बुशाह
2 हामे आपणी प्रार्थना में तमा याद करा होर तमा सभी रे बारे में दईबा रा धन्यवाद करा, 3 होर आपणे दईब होर बापू रे सामने थारे बुशाह रे काम , होर प्रेमा री मेहनत, होर म्हारे दईब यीशु मसीह में आशा री धीरता लागातार याद करदा । 4 होर हे भाईयो, दईबा रे प्यारे लोको , हामे ज़ाणा की तमे दईबा री तरफा का चुनी दे साहा | 5 किबेकि म्हारा सुसमाचार तमा सेटा सीधी बचना में ही पर सामर्थ्य* होर पबित्र आत्मा में , होर बड़े निश्चय संघा पूजा; जेड़ा तमे ज़ाणा , कि हामे तमा बीचे तमा बे कड़े बणी । 6 तमे बड़े कलेशा में पबित्र आत्मा री ख़ुशी संघे दईबा रे वचना मनी करे म्हारे दईबा री चाला में च़लदे लागे । 7 अखे तणी की मकिदुनिया होर आखाया रे सभ विश्बासी बे तमे सिखणे रा कारण होई । 8 किबेकि थारे अखे सीधी मकिदुनिया होर अखाया में दईबा रा वचन शुणाऊ , पर थारे बुशाह री ज़ोह दईबा में साहा , हर जागहा एढी चर्चा फेली , कि हामा बोलने री जरूरत नांईं । 9 किबेकि त्या आपे म्हारे बारे में बोला कि तमा सेटा म्हारा ईहंणा केड़ा होऊ; होर तमे किबे मूर्ति का दईबा फेरा बे फिरे ताकि जीबते होर सच्चे दईबा री सेवा करा । 10 होर दईबा रे शोहरू स्बर्गे ईंहंदे नयाल़े रहा जूण तेऊ मुंएँदे में जिउंदअ करू मतलब यीशु मसीहा , ज़ोह हामा ईंहंण आल़े प्रकोपा का बचाउंदा ।