उदारतापूर्वक दान दींणा
8
1 एबा हे भाइयो, हामे तमा बे दईबा रे तेऊ अनुग्रह रा समाचार दिंदा ज़ोह मकिदुनिया री कलीसिया में होऊ | 2 कि क्लेशा री बड़ी परीक्षा में तया रे बड़े ख़ुशी होर भारी कंगालपना में तयाह री उदारता बहू बढ़ी | 3 त्याह रे बारे में मेरी यह गुआही साहा कि त्याह आपणी सामर्थ्य भर बरन सामर्थ्य का भी बागे, मना का दिंना | 4 होर एउ दाना में होर पबित्र लोका री सेबा में भागी हूँणे री सेबा में भागी हूँणे रे अनुग्रहा रे बारे में, हामे संघा भी -भी बहू बिनती करी, 5 होर जेढ़ी हामा का आशा करी, तेढी ही नांईं पर त्याहे दईब भी दईबा री ईच्छा का हामा बे भी आपणे आपु बे दिंना | 6 एतकि तणी हामे तीतुस समझाऊ कि जेढा तेऊ पहिले शुरू करू तिही, तेढा ही तमा मंझे यह काम भी पूरा करा | 7 एतकि तणी जेढ़े हर गला में अर्थात बुशाह, बचन ,ज्ञान होर सब प्रकारा रे यत्ना में, होर तेऊ प्रेमा में , ज़ोह हामे संघा डाहंदा, बढ़दे नाहंदा ,तेढ़े ही एउ दाना रे कामा में भी बढ़दे नाहाँ | 8 हाँऊं आज्ञा री रीति में त नांईं*, पर दूजे उत्साह का थारे प्रेमा री सच्चाई परेखणे बे बोला | 9 तमे म्हारे दईब यीशु मसीहा रा अनुग्रह ज़ाणा कि सेठ होई करे भी थारी तणी कंगाल बणु, ताकि तेऊरे कंगाल हूँणे का तमे सेठ बणा | 10 एसा गला में मेरी यह सलाह साहा : यह तमा बे ठीक साहा ; ज़ोह एकु साला का नाह त सीधी एउ कामा करणे ही में तिही पर एसा गला रे चाहंणे में भी प्रथम होई तिही 11 एतकि तणी एबा एउ कामा पुरे करा कि जेढ़े इच्छा करणे में तमे तयार तिही, तेढा ही आपणी -आपणी पूंजी (कमाईं) रे साबे पूरा करा | 12 किबेकि अगर मना री तयारी हो तेबा दान तेऊरे साबे ग्रहण हुँदा ज़ोह तेऊ सेटा साहा, नाह तेऊरे साबे ज़ोह तेऊ सेटा नांईं आँधा | 13 यह नांईं कि दूजे बे चेन(राम)होर तमा बे क्लेश भेटे | 14 पर बराबरी रे बिचारा का एउ टाइमे थारी बढ़दी तया री घटती में कामे इच्छे कि बराबरी होए | 15 जेढ़ा लिखुदा साहा तिही “ जूणी बहू बटोरू(कठे करू) तेऊ रा किछे ज्यादा नांईं निकता,होर जूणी थोडा बटोरू(कठे करू) तेऊरा किछे कम नांईं निकता |”तीतुस होर तेऊरे सहकर्मी
16 दईबा रा धन्यवाद हो, जूणी तमा बे सहे उत्साह तितुसा रे ह्रदय में पाऊ दा साहा 17 कि तेऊ म्हारा समझाउंणा मनु पर बहू उत्साही होई करे सह आपणी इच्छा का तमा सेटा नाठअ | 18 हामे तेऊ संघा तेऊ र भाई भी भेजू ज़ासका ना सुसमाचारा रे बारे में सभी कलीसिया में फैलुदा साहा ; 19 होर एतरा ही नांईं , पर सह कलीसिया दुआरा भी ठराऊ कि एउ दाना रे कामा री तणी हामे संघा नाहें | हामे यह सेबा एतकि तणी करा कि दईबा री महिमा होर म्हारे मना री तयारी प्रकट होए | 20 हामे एसा गला में चौकस रहंदा कि एउ उदारता रे कामा रे बारे में ज़ासकी सेबा हामे करा कोई हामा पैंदे दोष नांईं लाए | 21 किबेकि ज़ोह गला सीधी दईबा ही रे नेढ नांईं, पर मणशा रे नेढ भी भली साहा हामे त्याह री चिंता करा | 22 हामे तेऊ संघा आपणे भाई भी भेजी, ज़ोह हामे भी-भी परेखी करे बहू गला में उत्साही पाऊ ; पर एबा तमा पैंदे तेऊ बड़ा भरोसा साहा तिही एउ कारण सह होर भी ज्यादा उत्साही साहा | 23 अगर कोई तितुसा रे बारे में पूछे, तेबा सह मेरअ सा होर थारी तणी मेरअ सहकर्मी साहा ; होर अगर म्हारे भाई रे बारे में पुछे, तेबा तया कलीसिया रे भेजी दे होर मसीहा री महिमा साहा | 24 पर आपणा प्रेम होर म्हारा सह घमण्ड ज़ोह थारे बारे(बारे) में साहा कलीसिया रे सामने सिद करी करे तया बे रिहा |