6
1 हामे ज़ोह दईबा रे सहकर्मी साहा यह भी समझा कि तेऊ रा अनुग्रह ज़ोह तमा पैंदे होऊ, तेऊ ब्यर्थ(बेकार) नांईं नाहंणे देआ | 2 किबेकि सह त बोला, “ आपणी ख़ुशी रे टाइमे माँईं तेरी शुणी, होर उदारा री ध्याड़ी माँईं तेरी साहायता करी |” हेरा, एबरे सह ख़ुशी रा टाइम साहा ; हेरा , एबरे सह उदारा री ध्याड़ साहा | 3 हामे कासी गला में ठोकर खाणे में कोई भी अबसर नांईं दिंदे ताकि महारी सेबा में कोई दोष नांईं इच्छे | 4 पर हर गला का दईबा रे सेबका रे बराबर आपणे सद्गुणा प्रगट करा, बड़े धैर्य का, क्लेशा का, दरिद्रता का, संकटा का, 5 कोड़े खाणे का, काईद हूँणे का, हुल्ल्डा का, मेहनता का, बयाते रहंणे का ,ब्रता करणे का, 6 पबित्रता का, ज्ञाना का, धिरजा का, कृपालुता का,पबित्र आत्मा का , 7 सचे प्रेमा का, सत्य रे बचना का, दईबा री सामर्थ्य का, धार्मिकता रे हथयारा का ज़ोह धुरे बाएँ हाथे साहा, 8 आदर होर निरादरा का, दुर्नाम होर सुनामा का | भरमाउण आल़े जेढ़े मालुम हुँदा तेबा भी सचे साहा ; 9 अनजाने रे सदृश साहा, तेबा भी प्रसिद साहा ; मरदे रे बराबर साहा होर हेरा जिउंदे साहा, मार खाहण आल़े रे सदृश साहा पर प्राणा का नांईं मारदे ; 10 शोक करणे आल़े बराबर साहा, पर सदा ख़ुशी करा, कंगाला रे बराबर साहा, पर बहू धनबान बणाउंदा ;एढ़े ही जेढ़े हामा सेटा किछे नांईं तेबा भी सब कुछ डाहंदा | 11 हे कुरिन्थियों, हामे तमे संघा खुली करे गला करी, म्हारा ह्रदय तमा फेरा बे होऊ | 12 तमा बे महारे मने कोई भी संकोच नांईं, पर थारे ही मना में संकोच साहा | 13 पर आपणे शोहरू ज़ाणी करे तमा बे बोला कि तमे भी तेऊरे बदल़े में आपणा ह्रदय खोला |असमान जूए में नांईं जूते
14 अबिश्बासी संघा असमान जूए में नांईं जुते, किबेकि धार्मिकता होर अधर्म रा कैह मेल जुल ? या ज्योति होर निहारे री कैह संगति ? 15 होर मसीहा रा बलियाले संघा कैह लगाब ?या बिश्बासी संघा अबिश्बासी रा कैह नाता ? 16 होर मूर्ति संघा दईबा रे देहुरे रा कैह सम्बन्ध ?किबेकि हामे त जिउंदे दईबा रे देहुरे साहा ; जेढा दईबे बोलूदा साहा तिही “ मांह तेऊ में बसणा होर तेऊ में हांडे फिरे करणा ; होर हाँऊं तया र दईब हूँणअं, होर तया मेरे लोका हूँणे |” 17 एतकि तणी दईब बोला, “ तया मेंजा का निखल़ा होर अलग रहा ; होर अशुद्ध बस्तु नांईं छुहाँ, तेबा मांह तमे ग्रहण करणे ; 18 होर हाँऊं थारअ बापू साहा ,होर तमे मेरे शोहरू होर शोहरी हूँणी | होर सर्बशक्तिमान दईब दईबा रा बचन साहा |”