रोमियों 15

दूजे री उन्नति करे

1 हामे ज़ोह रामडे हटेकटे साहा , की कमजोर साहा त्याह आपु संघे ढाहे होर तेउरी कामा सहायता करे , होर तेउ आपु संघे खुश डाहे । 2 हामा में सभी आपणे पड़ोसी वै तेउरी भलाई री तणी होर सुधरणे री तणी तेउ खुश ढाहे । 3 किबेकि मसीहा भी आपणे आपु वै खुश नांई होऊ , पर जेड़ा लिखू दा साहा , तेरे निंदा करण आले री निंदा महामें आई। 4 जेथरी गला पहिले लिखी दतिही त्याह हमारी शिक्षा री तणी लिखी दी साहा । की हामे धीरज होर पवित्र शास्त्र री शान्ति संघे आशा ढाहे । 5 होर धीरजा होर शान्ति रे दाता दईब तमा बे यह बरदान दे , की मसीह यीशु रे साबे आपु में एक मन होई करे रहा । 6 की तमे एक मन होर एक मुंह होई करे हमारे दईबा यीशु मसीहा में पिता दईबा री बड़ाई करे

एकी जुटा का दईबा री महिमा

7 तेवा मसीहा भी दईबा री महिमा री तणी तमे लई दे साहा । 8 हांऊं तमे वै बोला की ज़ोह गला पूराणे बजुर्गा बे दीनी दी थतिही त्याह गला पाकी करने वै मसीहा दईब री सचाई री प्रतिज्ञा दीणे री तणी खतना करी दे लोका रे सेबक बणु। 9 होर अन्यजाति भी दया रे कारण दईबा री बड़ेाई करे जेड़ा लिखू दा साहा की तेवा महा जाति- जाति में तेरा धन्यवाद करणा होर तेरे ना रे भजन गाऊंणे। 10 भी बोलू हे जाति - जाति रे लोको , साबे लोका तेउरे लोका संघे मजे करा । 11 भी एक फेरे बोलू दा साहा हे जाति - जाति रे लोको दईबा री स्तुति करा , होर हे राज्य - राज्य रे सभी लोको दईबा री स्तुति करा । 12 होर तेउकी यशायाह बोला तिही यिशै री एक जड़ प्रकट हुणी होर अन्यजाति रे हाकिम हुणे वै एक उठण , तेउ पेंदे अन्यजाति आशा ढणी। 13 तेवा दईबा ज़ोह आशा र दाता साहा , तमे विशवास करणे में सभी तरहा री ख़ुशी होर शान्ति संघे पूरी करे , की पवित्र आत्मा री समर्था संघे थारी आशा बढदी रहे ।

यरूशलेमा का इल्लुरिकुम

14 हे मेरे भाईयो हांऊं थारे बारे में ज़ाणा की तमे भी आपांणी भलाई संघे भरे होर दईबा रे ज्ञाने संघे भरपूर होए , होर एकी दूजे री चिंता करी सका । 15 तेवा भी माए तमे वै कही यादा दिलाउणे बे तमा बे जो विश्वासे करे लिखू दा साहा , यह तेउरे अनुग्रह संघे होऊ , ज़ोह दईबा महाबे दीना दा सा , 16 कि हांऊं अन्यजाति वै मसीहा यीशु र सेबक होई करे दईबा रे सुसमाचार री सेबा याजका रे समान करू जासुक अन्यजाति रे चडाउणा माना पवित्र आत्मा क पवित्र बणी करे ग्रहूण करे । 17 तेवा त्याह गला रे बारे में ज़ोह दईबा संघे साहा , मसीहा यीशु में बड़ेाई करी सका । 18 किबेकि त्याह गला छाडी होर कासु गला रे बारे में बोलणाे री हिमत नांई आन्धतिही ज़ोह मसीहे अन्यजाति री दया री तणी बचन होर कर्म । 19 होर निशान होर अधभुत कामा री समर्थे संघे , होर पवित्र आत्मा संघे यरूशलेम क एलुरीकुम तक मसीहा रे सुसमाचार रा पूरा -पूरा प्रचार करू । 20 पर मेरे मना री इच्छा यह साहा कतिही जखे मसीहा रे नांई आंनधे तखी सुसमाचार शुणउण , कही एडा न होए की दूजे री जमीना पेंदे घर बडाणे । 21 पर जेड़ा लिखूदा साहा तेहडा लोढ़ी होऊ , जासू तेउरा सुसमाचार नांई शुणू त्याही हेरणा होर जासू ये नांइ शुणू त्याहा ही समझणा।

रोमा बे नाहंणे री स्कीमा

22 तेवा हांऊं तमे सेटा हीणे री तणी भी रुकू । 23 पर एबा यहा देशा में मेरे काम वै जागहा नांई रहतिही होर बहु साला ओरी महा तमा सेटा ईंहंणे री लालसा , । 24 तेउकी जेवा इसपानीया वै नाहल तेवा तमा बाती, इलअ , किबेकि महा आशा साहा की तेसा यात्रा में महा तमे भी भेटणे , होर तमे थारी संगती क मेरा जी भरला तेवा तमे महा जेह भेजले । 25 पर एब्रे तक पवित्र लोका री सेबा करने री तणी यरुश्लेमा बे नाहंदा । 26 किबेकि मदिकुनियहे होर अखाया य रे लोका यह ठीक लागा की यरुश्लेमा रे पवित्र लोका कगाला बे ढबे कठे करे । 27 पर त्याह ठीक भी लागे , पर त्याह त्याहरे कर्जदार भी आसा ,किबेकि अगर अन्यजाति रे लोका भी त्याह री आत्मिक गल्ला रे भगी साहा , होर त्याह वै ठीक साहा की त्याह री शरीर रूपी में त्याह री सेवा करे । 28 तेवा हांऊं एउ कामा पूरे करी करे होर या ढबे त्याह वै देई करे तमा सेटा बे , इसपानिया बे नाहणा । 29 होर हांऊं जाणा कि जब्ररे महा तमा सेटा वै इहणा तेवा मसीहा री पूरी आशीष संघे इहणा । 30 हमारे भइयो हमारे दईबा यीशु मसीहामें हे होर पवित्र आत्मा रे प्रेमा री याद दिलाई करे तमाक विनती करा कि महा वै दईबा क प्रार्थना करने वै माई संघे रहे । 31 की हांऊं यहूदिया रे अविशवासी क बची रहे , होर मेरी सह सेवा ज़ोह यरुश्लेमा वै साहा , पवित्र लोका वै भाए । 32 होर हांऊं दईबा की इच्छा संघे तमा सेटा ख़ुशी संघे इच्छी करे आराम करू । 33 शान्ति रअ दईब तमे संघे रहे । आमीन