मत्ती 14

यहुन्ना बपतिस्मा दिहंण आल़े री हत्याह

1 तेऊ टाइमे चौथाई देशा रे राजा हेरोदेशे यीशु री चर्चा शुणी , 2 आपणे सेबका बे बोलू , “ यह यहुन्ना बपतिस्मा दिहंण आल़अ साहा ! सह मुंएदे मेज़ा का जिउंदअ होऊद , एतकी तणी तेऊ का सामर्थ्य रे काम हुँदा ।” 3 किबेकि हेरोदेस आपणे भाई फिलिप्पुस री बेटढ़ी हेरोदियासा रे कारण , यहुन्ना वै ढाकी करे बानहूँ होर जेलखाने में पाऊ , । 4 किबेकि तेऊ बे बोलू , कि यह डाहंणअं ताह बे ठीक नाईं आँन्धा । 5 एतकी तणी तेऊ मारना चाहंदा , पर लोका का डरा , किबेकि लोका तेऊ ज़ोह द्शी मना , । 6 पर जेबा हेरोदेसा रा जन्म दिन आउआ , तेबा हेरोदियासा री शोहरीए उत्सबा नाच रिहाई करे हेरोदेस खुश करू । 7 एता में तेऊ शपथ खाई करे बचन दिना , “ज़ोह कुछ तुह माँगली , हाँऊं ताह बे देलअ ।” 8 सह आपांणी आमा रे बोलणाे में बोलू , “यहुन्ना बपतिस्मा दिहंण आल़े र मुंडे अखी मांह बे शाद ।” 9 राजा दुखी होऊ , पर आपांणी शपथा रे , होर संघा बेशण आल़े रे कारण , आज्ञा दिनी कि देया । 10 होर तेऊ जेलखाने में लोक भेजी करे यहुन्ना र मुंडे काटू ; 11 होर तेऊ र मुंडे थाल़ी में आणु होर शोहरी बे दिनअं , ज़ोह तेसे आपांणी आमा सेटा बे निऊं । 12 तेबा यहुन्ना रे चेले आए होर तेऊ र शफ़ नी करे आटू , होर नाहीं करे यीशु बे खोजी करे शुणाउं । पांज़ हज़ार लोका बे खलाउंणा 13 यीशु यह शुणु , तेबा किस्ती में चढ़ी करे तखा का कासु सुनसान ज़ाघा बे , केल्हे में नाठअ । लोका यह शुणी करे नगरा -नगरा का पैदल ही तेऊ पीछे चली । 14 तेऊ निखल़ी करे एक बड़ेी भीड़ हेरी होर तयाह पैंदे तरस खाऊ , होर तया रे बमार ठीक करी । 15 जेबा बयाल्क होई तेबा तेउरे चेले सेटा इच्छी करे बोलू , “ यह सुनसान ज़ाघा साहा देर होई ; लोका बिदा करा ताकि या बस्ती में नाहीं करे आपु बे रोटी लए ।” 16 यीशु तया बे बोलू , “ तया रा नाहंणा जरूरी नाईं ! तमे ही याह बे खाणा देया ।” 17 तयाहे तेऊ बे बोलू , “ अखे हामा सेटा पांज़ रोटी होर दुई माछी छाढी करे होर किछे नाईं आंधा ।” 18 तेऊ तया बे बोलू , “ तया अखे मांह सेटा बे आँणा ।” 19 तेबा तेऊ लोका बे घाहू पैंदे बेशणे बे बोलू , होर तया पांज़ रोटी होर दुई माछी करी ; होर सरग ा फेरा बे हेरी करे धन्यवाद करू होर रोटी चोड़ी करे चेले बे दिंनी , होर चेले लोका बे । 20 जेबा खाई क्रुसा बे तृप्त होई , तेबा चेले बची दे टुकड़े री भरी दी बारह टोकरी चुआकी । 21 होर खाणे आल़े में बेटढ़ी होर शोहरू छाढी करे पांज़ हज़ारा मर्दा रे लगभग , । यीशु रा पाणी पैंदे हाँडणा 22 तेबा तेऊ तेभरी आपणे चेले किस्ती में चढ़ने बे मज़ेबाूर करी की तया तेऊ का पहिले पारा बे नाहें , जेबरे तणी सह लोका बिदा करे । 23 तेबा लोका बिदा करी करे , प्रार्थना करने बे अलग ज़ोह ता बे नाठअ ; होर बयाले (बयाल्के) सह तखे केलह , । 24 तेऊ टाइमें किस्ती समुद्रा रे मझे छाली में डगमगाउंदी , किबेकि बागुर सामने री , ।आँधी रे करण जिला छाली उठती लागी । 25 होर यीशु राचके चहुथे पहरे समुद्रा पैंदे हाँडदे तया सेटा बे आउअ । 26 चेले तेऊ समुद्रा पैंदे हाँडदे हेरी करे घबराई । होर बोलदे लागे , “ यह भूत साहा ।”होर डरा रे मारे चिलाऊंदे लागे । 27 यीशु तेभरी तयाहे संघा गला करी होर बोलू , “ढाढ़स बान्हा !हाँऊं साहा नाईं डरे !” 28 पतरसे तेऊ बे उतर दिना , “ हे दईबा , अगर तुह ही साहा , तेबा मांह आपु सेटा बे पाणी पैंदे हाँडणे री आज्ञा दे ।” 29 तेऊ बोलू , “ ईच्छ !”तेबा पतरस किस्ती का उतरी यीशु सेटा नाहंणे बे पाणी पैंदे हाँडदअ लागअ । 30 पर बागुरी हेरी करे डरू , होर जेबा डूबदअ लागअ तेबा चलाई करे बोलू , “ हे दईबा , मांह बचाह !” 31 यीशु तेभरी बढाई क्रुसा ह ढाकु होर तेउबे बोलू , “ हे अल्पविश्वासी , तांईं किबे सन्देह करू ?” 32 तेबा तया किस्ती में चढ़ी , तेबा बागुर रुकी । 33 एता में तयाहे ज़ोह किस्ती में , तेउबे दण्डबत करी करे बोलू , “सच्ची , तूह दईबा र शोहरू साहा ।” गत्रेसरता में रोगी ठीक करनअं 34 तया पार उतरी करे गत्रेसरता में पूजी । 35 तखले लोके सह पछेंणु होर साहा -पासा रे सारीे देशे समाचार भेजू , होर सभे बमार तेऊ सेटा बे आँणी , 36 होर तेऊ सेटा बिनती करदे लागे की सह तया आपणे झिकड़े रे आँचला ही छुंहंणे दे ; जेतारे भी सह छुंहूँ , तया सारीे ठीक होई ।