मत्ती 7

दूजे पैंदे दोष नाईं लाउणा

1 “ दोष नाईं ला कि तमा पैंदे भी दोष लाए । 2 किबे कि जासू साबे तमे लाउंदा , तेहू साबे तमा पैंदे भी दोष लाउंणा ; होर ज़ा नापे संघा तमे नापा , तेहू नापे संघा तमा बे भी नापणा । 3 तुह किबे आपणे भाई री आछी रे धुडा हेरा , होर आपांणी आछी रा धुडा ताह नाईं हेरदा ? 4 जेबा तेरी आछी में धुडा साहा , तेबा तुह आपणे भाई केड़े बोली सकदा , “ इछ हाँऊं तेरी आछी का धुडा काढू ?' 5 हे कपटी पहिले आपांणी आछी का धुडा काढह , तेबा तुह आपणे भाई री आछी का धुडा रांबडे ढंगे हेरी करी काढी सका । 6 “ रांबड़ेी चीज़ा कुते बे नाईं देआ , होर आपणे मोती सूरा ज़ेंह नाईं फेंका ; एडा नाईं होए कि तया मोती ज़ांघा थंईं फींजी पाए होर फिरी करे तमा खाए (चिरी पाए ) । माँगा तेबा भेटणा 7 “ माँगा , तेबा तमा भेटणा ; लोडा तेबा तमा भेटणा ; खटखटाउले , तेबा तमा बे खोलणा । 8 किबे कि ज़ोह कोई माँगा , तेऊ भेटा ;होर ज़ोह लोडा ; तेऊ भेटा ; होर ज़ोह खटखटाउंदा , तेऊबे खोलणा । 9 तमा मेज़ा का एढअ कुण मणश साहा , कि अगर तेऊर शोहरू तेऊ का रोटी माँगे , तेबा तेऊ बे पाथर दे ? 10 या माछी माँगे , तेबा तेऊ बे सर्प दे ? 11 जेबा तमे बुरे होई करे , आपणे शोहरू बे रांबड़ेी चीज़ा दींणी ज़ाणा , तेबा थारअ स्बर्गीय बापू आपणे माँगण आल़े बे शोभली चीज़ा किबे नाईं देलअ ? 12 एतकी तणी ज़ोह कुछ तमे चाहंदा कि मणश तमे संघा करे , तमे भी तयाहे संघा तेडा करा ; किबेकि कनुना होर ज़ोह द्शी री यहे शिक्षा साहा । सकरा होर खुली बात 13 “ सकेत फाटका का प्रबेश करा , किबेकि खूलअ साहा सह फाटक सरल साहा सह मार्ग बिनाशा बे पजेरा; होर बहू साहा ज़ोह तेऊ मार्गे नाहंदा 14 किबेकि सकेत साहा सह फाटक बहू कठण साहा सह मार्ग ज़ोह जीबना बे पजेरा ; होर थोड़े साहा ज़ोह तेऊ मार्गे नाहंदा । 15 “ झूठे ज़ोह द्शी का साबधान रहा , ज़ोह भेडा रे भेशा में तमा सेटा बे इहंदा , पर अंतरा में तया चिरन आल़ेए भेड़िया साहा । 16 तया रे फल़ा का तमे तया पछेंणने । कैह लोका झाखडा का अंगूर , या ऊंटकटारो का अंजीर चोडा ? 17 एउ साबे हर एक शोभलअ बूटअ शोभलअ फल़ आंणा ।होर नकाम्म बूटअ बुरअ फल़ आंणा । 18 शोभलअ बूटअ बुरअ फल़ नाईं आंणी सकतअ होर ना नकाम्म बूटअ शोभलअ फल़ नाईं आंणी सकतअ 19 ज़ोह - ज़ोह बूटअ शोभलअ फल़ नाईं आंणदअ , तेबा तेऊ काटा होर आगि में ज़ाल़ा । 20 एउ साबे तया फल़ा का तमा तया पछेंणने । 21 “ ज़ोह मांह का ! हे दईबा , हे दईबा ! ' बोला , तया मेज़ा का हर एक सरगा रे राज्य में प्रबेश नाईं करना , पर तूह ज़ोह मेरे स्बर्गीय बापू री इच्छा पैंदे चला । 22 तेसा धियाड़े बहु लोका मांह बोलणाा , ' हे दईबा , हे दईबा , कैह हामे तेरे ना री भबिष्यबाणी नाईं करी , होर तेरे ना का दुष्टात्मा नाईं काढी , होर तेरे ना का बहू ज़ा आशा ्चर्यकर्म नाईं करी ? ' 23 तेबा हाँऊं तया बे खुली करे बोललअ , ' माँईं तमे कधी नाईं ज़ाणी । हे कुकर्म करने आल़ो , मांह सेटा का नाहां । ' घरा बणाउण आल़े दुई मणश बुदीमान होर मुर्ख 24 “ एतकी तणी ज़ोह कोई मेरी या गला शुणी करे तया मना , सह टू बुदिमाना मणशा बराबर हूँणअं जूणी आपणअं घरअ शाफडा पैंदे बणाऊं 25 होर बादल बरसी , होर बाढ़ आई , होर आंधी चली , होर तेऊ घरा रा का टकराई , तेबा भी सह नाईं डूल़ु , किबेकि तेउरी निब शाफड़े पाई दी , 26 पर ज़ोह कोई मेरी या गला शुणा होर तेता में नाईं चलदअ , सह तेऊ निर्बुदि मणशा बराबर रहंणअं जूणी आपणअं घर रेते पैंदे बणाऊं । 27 होर बादल बरसी , होर बाढ़ आई , होर आंधी चली , होर तेऊ घरा रा का टकराई होर सह डुल़ी क्रुसा त्यनाश होऊ ।” 28 यीशु या गला बोली छेकी , तेबा एडा होऊ की भीड़ तेऊ रे उपदेशा का हेरान होई , 29 किबेकि तया तयारे शास्त्री रे बराबर नाईं , पर अधिकारी रे बराबर रे बराबर तया बे उपदेश दिंदा ।