1 अब्राहम रअ शोहरू , दाऊद रअ शोहरू , यीशु मसीहा री बंशाबली । 2 अब्राहम रअ इसहाक होऊ इसहाका रअ याकूब होऊ याकुबा रअ यहूदा होर तेउरे भाई होई , 3 अब्राहम रअ इसहाक होऊ इसहाका रअ याकूब होऊ , याकुबा रअ यहूदा होर तेउरे भाई होई 4 एरामा का अम्मीनादाब होऊ अम्मीनादाब का नहशोन होर नहशोना का सलमोन रे होऊ ; 5 सलमोन होर राहबा से बोअज होऊ बोअज होर रुता रे ओबेद होऊ होर ओबेदा रे यिशै होऊ , 6 होर यिशै रे दाऊद राज़ा होऊ । होर दाऊद रे सुलैमान तेसा बेटढ़ी रे होऊ ज़ोह पहिले उरिय्याह री बेटढ़ी 7 सुलैमाना रे रहबाम होऊ रहबामा रअ बिय्याह होऊ होर अबिय्याह रे आसा होऊ 8 आसा रे यहोशाफात होऊ यहोशाफाता रे योरम होऊ , होर योरामा रे उज्जियाह होऊ , 9 उज्जियाह रे योताम होऊ योतामा रे आहज होऊ होर आहाजा रे हिजकिय्याह होऊ 10 हिजकिय्याह रे मनशिशह होऊ मनशिशहा रे आमोन होऊ होर आमोना रे योशिय्याह होऊ ; 11 होर बंदी होई करे बेबीलोना बे नाहंणे रे टाईमे योशिय्याह रे यकुन्याह होर तेऊ रे भाई होई । 12 बंदी होई करे बेबीलोना पजेरने का बाद यकुन्याह रे शालतिएल होऊ होर शालतिएला रे जरुब्बबिल होऊ 13 जरुब्बबिला रअ बिहूद होऊ , अबिहुदा रे इल्याकीम होऊ होर इल्याकीमा रअ जोर होऊ 14 अजोरा रे सदोक होऊ , सदोका रअ खिम होऊ अखीम इलिहूद होऊ 15 इलीहूदा रे इलियाजर होऊ , इलियाजरा रे मत्तान होऊ तहोर मत्ताना रे याकूब होऊ 16 यकुबा रे युसुफ होऊ ज़ोह मरियमा र लाढअ होर मरियमा जासू बे यीशु मसीह बोला , सह होऊ । 17 एउ साबे अब्राहम का दाऊदे तणी चौउदा पीढ़ी(बरशोढ़ी) होई होर दाऊदा का बेबीलोना बे बंदी होई करे पजेरने तणी चौउदा पीढ़ी होर बंदी होई करे बेबीलोना बे पजेरने टाईमे का मसीह तणी चौउदापीढ़ी होई । : 18 एबा यीशु मसीहा रा जन्म एउ साबे होऊ कि जेवा एउ री आमा मरीयम री मंगनी युसूफा संघे होई , तेवा तेऊ रे कठे हुणे का पहिले का सह पवित्र आत्मा का सुईदी होई तिही । 19 होर तेसरो लाडो युसुफ ज़ोह धर्मी , होर तेसा बदनाम करना नाईं चांहदअ , तेसा चुप चारे त्याह गणे (छाढने ) रा बिचार करू , । 20 जेबा सह या गला रे बिचारा में , तेबा दईबा र स्वर्गदूत तेऊ रे सुपने में हेरू हेरअ करे बोलदअ लागअ , “हे युसुफ !दाऊदा रे शोहरू , तूह आपांणी बेटढ़ी मरियमा बे अखे आणने का नाईं डरे , किबे कि ज़ोह तेसके गर्भा में साहा , सह पवित्र आत्मा री ओरा का साहा । 21 सह शोहरू जनेगी (होलअ )होर तू तेऊ रा ना यीशु डाहे , किबेकि तेऊ आपणे लोका रा तया रे पापा रा उदार करना ।” 22 यह सब एतकी तणी होऊ ज़ोह बचन भबिष्यद्क्ता रे साबे बोलू , सह पूरा हो : 23 “हेरा , एक कुआरअ गर्भवती हूँणी होर एक शोहरू जनेगी (हूँणअं) , होर तेऊ रा ना इम्मानुएल डाहंणा , ”जासू का अर्थ साहा - दईब हांमे संघा । 24 तेबरे तणी यूसुफ निजा का जागी करे दईबा रे दूता री आज्ञा रे साबे आपांणी बेटढ़ी आपणे घरा बे आँणी ; । 25 होर जेबरे तणी शोहरू नाईं होऊ तेबरे तणी सह तेसा सेटा बे नाईं नाठअ होर तेऊये तेऊ रा ना यीशु डाहु ।