కీర్తన 127

సొలొమోను ఏత్ర కీర్తన

1 ఇల్లు తొహ్నివలె యెహోవ తోడుః సిల్లెండ మహిఙ,

తొహ్నికార్ కస్టపడిఃజినిక పణిదిఙ్ రఎద్.

యెహోవ, పట్నమ్‍దిఙ్ కాపాడ్ఃఎండ మహిఙ,

దన్నిఙ్ తెలి మంజి కాపు మంజినిక పణిదిఙ్ రఎద్.

2 ఉణి తిండి వందిఙ్ నండొ కస్టబడిఃజి పెందాల్‍దాన్ అసి

పొదొయ్ దాక పణి కితిఙ్‍బా అయాక పణిదిఙ్ రఎద్.

ఎందన్నిఙ్ ఇహిఙ, యెహోవ వాండ్రు ప్రేమిసిని వరిఙ్,

వారు నిద్ర కిని వలెబ ఉండెఙ్ తిండి సీనాన్.

3 కొడొఃర్ పుట్‍నిక యెహోవ సీని ఆస్తి,

పొట లొఇ మంజిని బయి దేవుణు దీవిసి సీని ఇనాయం.

4 దఙ్‍డః కాలమ్‍దు కొడొఃర్ కాస్తి అపొసి,

గొట్టెం నిండ్రు అప్కు అసి ఉద్దం కిదెఙ్

నిల్సి మంజిని వన్నిలెకెండ్ సత్తుదాన్ మంజినాన్.

5 నండొ కొడొఃర్ మహిఙ గొప్ప నెగెద్,

ఎందన్నిఙ్ ఇహిఙ, నీ పగ్గదికార్ తగ్గుదు నీ వెట తర్కిస్‍నివలె,

జంకు సిల్లెండ నీ వెట తోడుః నిల్సి వారు వర్గినార్.