కీర్తన 122

దావీదు ఏత్ర కీర్తన.

1 “యెహోవ గుడిఃదు సొనాట్”, ఇజి

కులం నా వెట వెహ్తివలె నాను గొప్ప సర్ద ఆత.

2 ఓ యెరూసలేము, నీ పట్నం వాజి అందితాపె నిహా మనాప్.

3 ఓ యెరూసలేమా, నిఙి నెగ్రెండ తోరితి.

సావ్‍డిః ఇల్కాఙ్, వర్‍స వీదిఙ్ వీదిఙ్ మనె.

4 యెహోవదిఙ్ సెందితి తెగ్గదికార్, నీ డగ్రు ఏత్రదిఙ్ వాజినార్.

ఇస్రాయేలురిఙ్ యెహోవ సితి రూలు వజ వన్నిఙ్ పొగ్‌డిఃదెఙ్

వన్నిఙ్ సెందితి జాతిదికార్ నీ డగ్రు వాజినార్.

5 ఇబ్బెనె, దావీదు తెగ్గదు మని రాజురిఙ్

సిమసనమ్‍దు బసి నాయమ్‍దాన్ ఏలుబడిః కిజినార్.

6 ఓ యెరూసలేమా, నీ లొఇ మని లోకుర్

సాంతి సమాదానమ్‍దాన్ మండ్రెఙ్ పార్దనం కిజినాప్.

“నిఙి ప్రేమిస్నికార్ విజెరె విజు కల్గిజి నెగ్రెండ మనిర్.

7 నీ లొఇ మని లోకుర్ సాంతి సమాదానమ్‍దాన్ మనిర్.

నీ రాజుర్‍ఙ ఇండ్రొ పర్మదమ్‍కు రెఎండ నెగ్రెండ మనిర్”, ఇజినె మా పార్దన.

8 ఇబ్బె మని నా అన్న తంబెరిఙ వందిఙ్ ఆజి,

నా బందుఙుల్‍ఙ వందిఙ్ ఆజి, నాను పార్దనం కిజిన

యెరూసలేమ్‍ది లోకుర్ విజెరె

సాంతి సమాదానమ్‍దాన్ కూడ్‍జి పాడ్ఃజి మనీర్

9 మా దేవుణు ఆతి యెహోవ గుడిః వందిఙ్ ఆజి

నీ మేలు వందిఙ్ నాను పార్దనం కిజిన.