Lawar Yushawua kajalla kǝriwuyero galaduye
2
12 Kǝmandeye:
«Musa,
curo kauwa tayiro Abarim canidǝyen kau kura adǝro tadde,
lardu Israyilawuro yikkidǝa rui.
13 Tia rumiya,
koro Haruna gai bawonǝme amwurawando sanunadǝa naami.
14 Sa jama wua lawalaro masanadǝn,
ni-a ti-a manani ngodu wayew.
Ingi tuluwuwilan,
kolluwe darajani fuwu Israyilawuyen fǝleyekkǝni.»
(Lamar adǝ lamar ingi lawala Meriba caniye.
Lamardǝ Kadesnin curo karaa Sinnen wakkayeno.)
15 Musa:
16 «Kǝmande,
ni adamgǝna sammaro ro fuduwuma,
kam laa kǝrene kura jamayero waljo.
17 Tia kajalla kǝriwuyero galane,
bare jamanǝm lǝman sǝni bawo gairo waljanniro.»
18 «Yushawua ngone.
Tilan Ruhuni kǝrga.
Mukkowanǝm kǝlanjuro gǝnagǝne.
19 Fuwu ɍiman Yeliyasarren koro fuwu jama sammayen,
sim curuilan,
tiro kidanju bǝɍin ye.
20 Jama Israyilawuye samma tia jaaro kǝnduwonǝmdǝn laa tiro ye.
Fuwu ɍimannero isiya,
ɍimandǝ ti nangaro wua karenju wua koroyen suworiya,
tia jaammǝkki.
Mana ɍiman wuljidǝman Yushawu-a jama samma-a kidanja kǝriwuye cado.»
22 Musa awo Kǝmande wuljǝgǝnadǝa kido.
Yushawua ngoje fuwu ɍiman Yeliyasar-a jama samma-ayen gǝnaje mukkowanju kǝlanjuro gǝnajiye tia galayeno.