10 «Kida mukkoye diowu maskuwa samma isa,

awo Kǝmande wuljǝnadǝa cado:

11 leima Alaye,

sanduwu jaktuwuramnjua,

juwa gǝraduye,

tewur,

fatǝla gǝnaduram,

kaajiram,

laya duwaduram,

kalwo wolloye,

juwawa balballaye,

kareyanja samma,

19 kajǝmu nanɍimanne Haruna-a tadawanju-aye.»

20 Jama Israyilawuye na Musayen sapkadara.

21 Kamun kal,

kwan kal,

wundu yaye kam kǝredǝ bananju Kǝmandero kikkudo.

22 Am karwunjan caraana samma awo dinarlan tǝgarǝna jiɍi jiɍi,

sisi,

kulum,

sǝmola,

mukkoram Kǝmandero kekkudo.

23 Am wulu kime kime shawa so,

kaila siriri linne so,

kanduɍi kaniye so,

karawi ngǝlaroye kimero dallada so,

bi ngiri kibbu so cadanadǝ tayia kewudo.

24 Am Kǝmande nangaro ɍiwulla bi kullo gǝnajanadǝ ye tayia kewudo.

Am kǝska kangarre cadanadǝ ye kewudo.

25 Kamuwa maskudǝ mukkonjan kaila linne-a wulu kime kime shawa-a fǝriyera.

26 Kamuwa masku rawonjan kanduɍi kaniye fǝriyera.

27-28 Amwurawa jamaye kauwa tamanna jiɍi jiɍi-a kǝndawu jaitunne fatǝla wastuye-a awowa buwuccaiso kǝndawu samduye-a kaajiro fidaaye-a kewudo.

29 Kida Kǝmande Musaro wuljǝgǝna adǝ tǝdo nangaro,

Israyilawu samma kamun kwan wundu yaye banaro awo ronju cǝraana kiwudo.

30 Musaye:

«Israyilawu,

ngo Kǝmande Basalel kaduwu Yahudaye kǝreje tiro Ruhunju cakke jauro masku ye,

hangalla ye,

ilmua ye,

32-33 kida jiɍi jiɍi cǝdiro kido.

34 Kǝmande koro ti-a Wofoliyab kaduwu Danne-aro ilmu nodunja am gadero njǝkkǝraiye cina.

35 Tayiro hangal awo sammaa dioye cina,

kida faidaa faidaa kagǝlmayen kal,

kafintayen kal,

foto kurdamayen kal,

fǝkka fidamayen kal,

caamayen kal.

41 Basalel-a Wofoliyab-a am gade Kǝmande tayiro nanmasku kida mukkoye dioye cina-a Kǝmande jiɍi wuljǝnadǝ gainin kǝndǝgairam Alayedǝa kalkallo cadi.»

42 Musa Basalel-a Wofoliyab-a am masku-a kida mukkoye diowu karwunja caraana samma-aa bowoje tayiro bana Israyilawu kǝndǝgairam Alaye tandoro cawudǝnadǝa mukkonjaro kekko.

43 Was wajiya jama bananja caraanadǝa Musaro cakkudi.

44 Ngai duwon kidawu kǝndǝgairam Alayedǝa tandoro ngǝssanadǝ tilo tiloyen kidanja koljane isane:

45 «Nawi Musa,

awo jama cawudǝnadǝ kida dioye duno koyena!»

46 Sadǝman Musa cakke wormajane:

«Adǝn fuwun kamu bi kwa bare wunduma bana kǝndǝgairam Alaye tandoro kare cuwudǝnni!»

Jamadǝ ye bana kudo kolyera.

Awo cawudǝnadǝ kidadǝa cǝde har gapci.

51-81 Maskuwa awo ani sammaa kedo:

leima Alaye,

sanduwu jaktuwuramnjua,

juwa gǝraduye,

tewur,

fatǝla gǝnaduram,

kaajiram,

laya duwaduram,

kalwo wolloye,

juwawa balballaye-a kareyanja samma-a,

kajǝmu nanɍimanne Haruna-a tadawanjuye-a.

Awo Kǝmande Musaro wuljǝgǝnadǝa awima faldǝnniro kedo.

82 Kida sammaa keserǝnniya,

Israyilawu Musaro kǝndǝgairam Alaye-a awo curonjun dǝgana-a kekkudo.

83 Musa kida cadǝna sammaa tilo tiloyen kiro.

Awo Kǝmande wuljǝnadǝa kalkallo kedo.

Daji Musa Israyilawuro barga dǝpkeyeno.

91 Kǝmandeye:

92 «Musa,

kǝndawu burwoye yim burwoyeadǝ leima Ala-a tadoram kǝndǝgairammidǝa kongowo.

93 Sanduwu bam amanneadǝa curonjun gǝnanuwiya,

bare tia carunni nangaro fuwunjun juwa gǝraduyedǝa laskǝnowo.

94 Tewurdǝa kudowo,

burodi wu nangaro cawudǝnadǝa kǝlanjun sǝreddowo.

Fatǝla gǝnaduramdǝa kudowo,

fatǝlawadǝa tilan gǝnanowo.

95 Kaajiram dinarlan jakkadadǝa fuwu sanduwu bam amanneayen gǝnanowo.

Juwadǝa ci leimaniyedǝro laskǝnowo.

96 Laya duwaduramdǝa fuwu ci leimadǝyen gǝnanowo.

97 Kalwo wolloyedǝa katte leima-a laya duwaduram-ayen gǝnanowo,

ingin yimbǝɍowo.

98 Juwawa balballayedǝn leimadǝa dirinowo kǝllowo,

koro juwa ngaworam balballadǝyero laskǝnowo.

99 «Kǝndawu samduyedǝa ngone leima-a awo curonjun dasaana-a samma-aro figǝne cingǝne,

yakke ti-a awo curonjun dasaana-a samma tayirro walja.

100 Kǝndawudǝa laya duwaduram-a kareyanju-a sammaro figǝne samgǝne,

yakke jauro tayirro walja.

101 Koro kalwo wolloye-a gǝnaduramnju-aro samgǝne,

tayirro walja.

102 «Haruna-a tadawanju-a bowone isa,

cinna leima Ala-a tadorambedǝn tayia kasalle.

103 Daji Harunaro kajǝmunju darajaa luwune,

koro kǝndawudǝn samme,

yakke wu nangaro nanɍiman cǝdo.

104 Tadawa Harunayedǝa yakke isa,

tayi yero gǝmaje luwune,

105 kǝndawudǝn jiɍi bawanjaa sammǝmmadǝ gainin samme,

kidani nanɍimanne saddo.

Kǝndawu tayiro samgǝmma adǝ cakke tayi-a kaduwunja-a kullumbo nanɍiman saddi.»

106 Musa awo Kǝmande tiro wuljǝgǝna sammaa kalkallo kido.

107 Kǝndawu burwoye yim burwoyea,

saa fal ngawo Masarra koljanayen,

leima Alaye kokkeno.

Ngainin Musa kida sammaa tǝmoyeno.

134 Fofou ise leima Alayedǝa jakce,

kǝrmai Kǝmandeye ye tia kimbǝɍo.

135 Musa rakce leimadǝro ngayiwawo,

dalilnjudǝ fofou kǝla leimayero jǝpciye kǝrmai Kǝmandeye curodǝn dama bawo dǝgana nangaro.

136 Sa adǝn tamiya har daduram bǝlawuronja kuruwu fettero yaden,

Israyilawu sa fofou kǝla leima Alayedǝn cijiya,

tayi ye cijane jawal cadai.

Fofou adǝ cijǝnnia,

tayi ye na dasaanadǝn cijaiwawo.

137 Napcane kawu ndawu cadiman,

cidu fofouyedǝa gurejai.

138 Curo bǝlawuro cadiyen Kǝmande Israyilawuro ti dawunjanno nojaro,

dunia kausua,

fofou leimanju jakci adǝn fǝlediyi,

koro bunea,

kannu curo fofou adǝyen cambidǝn fǝlediyi.