Karmo Nawi Musaye
1
Daji Musa toɍi kau kuruwu laa sawada lardu Mowabben dǝganayero giwa.
Kǝmande lardu Kan'anaye sammaa tiro fǝlejiye:
4 «Musa,
lardu Ibrahim-a Isaku-a Yakuba-aro yikki nǝkkǝnadǝa rui.
Tayiro kansi yibbukke:
"Lardu adǝa kaduwundoro yikki,"
yekko.
Niro fǝlenjǝgǝkke simnǝmnin rumi,
amma ngaambawo!»
5 Kǝmande wuljǝnadǝ gai,
wakkilnju Musa lardu Mowabben bawoyeno.
6 Ala ti kǝlanju Musaa lardu Mowabben curo ngor laayen fuwu na Bait-Fuwor canidǝyen sittǝrayeno.
Kun kundenno wunduma na kaurinju dǝganadǝa nojǝnni.
7 Musa kǝrwunju mian findin duwon bawoyeno.
Adǝ ngama simnju-a dunonju-a tagardǝnni.
8 Israyilawu kawu fiakkuro lagaran sawada Mowabben kedo.
10 Curo jama Israyilawuyen ngaltema Nawi Musa gai tuwandǝnni.
Ti-a Kǝmande-a ci-a ci-aro jandejai.
11 Tima awowa ajabba ajabba Masarnin fuwu Fira'auna-a kowonawanju-a jamanju samma-ayen cǝdo.
12 Dunia duniajǝnaman wunduma fuwu Israyilawuyen kǝnduwo kura fǝleje awowa ajabba ajabba ridua Musa cǝdǝna adǝgai cǝdǝnni.