5
1 Taabalaa! Pɩtacazɩ pɔzʋʋ se ɖɩma alɩwaatʋ ndʋ yaa wɛtʋ ndʋ tɩ-taa pʋkɔŋ labʋ mbʋ yɔ, pʋ-tɔm nɛ ɖiheyi-mɩ. 2 Mbʋ pʋyɔɔ yɔ, mɩ-maɣmaɣ ɩsɩm ɖeu se kɩyakʋ ŋgʋ Kɩpaɣlʋ kɔŋ yɔ, kʋkɔŋ-mɩ tuduu ɛzɩ mɩlʋ tuduu ɛyaa ɖoo taa yɔ. 3 Ɛyaa kɔŋ yɔɔdʋʋ se: “Lɛɛlɛɛyɔ, laŋhɛzɩyɛ wɛɛ, you nakʋyʋ fɛyɩ!” Alɩwaatʋ ndʋʋ asayʋʋ nakʋyʋ tuduu-wɛ yem ɛzɩ halʋ hoa tʋ wɩzasɩ yɔ nɛ paapɩzɩɣ palɩɩ kɩ-taa. 4 Ɛlɛ, taabalaa! Mɩ lɛ, ɩfɛyɩ cɩkpɛndʋʋ taa se paatɔ se kɩyakʋ ŋgʋ kutuduu-mɩ ɛzɩ mɩlʋ yɔ. 5 Toovenim lɛ, mɩtɩŋa payɩ ɩkɛ wɩsɩ nɛ ñalɩmɩyɛ pa-taa ñɩma. Ɖɩtɛkɛ ɖoo taa yaa cɩkpɛndʋʋ tɛɛ ñɩma. 6 Pʋ-yɔɔ lɛ, ɖitaaɖoo ɛzɩ lɛlaa yɔ. Ɛlɛ, pʋwɛɛ se ɖɩcaɣ ɖɛ-ɛza yɔɔ nɛ ɖɩwɛnɩ ɖɛ-ɛza camɩyɛ. 7 Ɖoo taa poɖou, a-taa ɖɔɖɔ ɛyaa ñɔʋ sʋlʋm nɛ pʋkʋʋ-wɛ. 8 Ɛlɛ, ɖa ɖɛkɛ wɩsɩ taa ñɩma. Pʋ-yɔɔ lɛ, ɖɩwɛnɩ ɖɛ-ɛza camɩyɛ. Lidaʋ nɛ sɔɔlɩm pɛkɛnɩ-ɖʋ ñɩɣyʋʋ wondu nɛ ɖisuu nɛ pʋyʋ nɔɔyʋ ɛtaalabɩ-ɖʋ. Ɖa-ñʋʋ yabʋ ɖaŋʋʋ ɛkɛnɩ-ɖʋ you hulaɣ nɛ ɖɩpaŋ. 9 Mbʋ pʋyɔɔ yɔ, Ɛsɔ taɖʋ se ɛ-pana ɛkpanɩ-ɖʋ, ɛlɛ, ɛɖʋwa se pɩtɩŋnɩ ɖa-Kɩpaɣlʋ Yesu Krɩstʋ yɔɔ nɛ ɖihiɣ ñʋʋ yabʋ. 10 Krɩstʋ ɛnʋ ɛsɩbɩnɩ ɖɔ-yɔɔ se paa ɖɩsɩba yaa ɖɩwɛnɩ ɖɛ-ɛza yɔ, ɖa nɛ ɩ ɖɩkpɛndɩ ɖɩwɛɛ wezuu. 11 Pʋ-yɔɔ lɛ, ɩsazɩ ɖama nɛ ɩsɩnɩ ɖama nɛ ɩkpa ɖoŋ ɛzɩ ɩtɛm pazʋʋ labʋ yɔ.
12 Taabalaa! Ɖitendiɣ-mɩ se ɩña mba pɛwɛ mɩ-hɛkʋ taa nɛ palakɩ tʋmɩyɛ yɔ. Mba Kɩpaɣlʋ lɩzaa se pɔcɔnɩ mɩ-yɔɔ nɛ paka mɩ-ñʋŋ taa. 13 Pɔ-tɔm ɛkɛdɩnɩ-mɩ siŋŋ nɛ ɩsɔɔlɩ-wɛ pa-tʋmɩyɛ yɔɔ. Laŋhɛzɩyɛ ɛwɛɛ mɩ-hɛkʋ taa.
14 Taabalaa! Ɖɩsazɩɣ-mɩ se ɩka fendinaa ñʋŋ taa nɛ ɩtasɩ tɔm mba pitibi po-toma taa yɔ. Ɩsɩnɩ ajamaa nɛ ɩɖɔkɩ mɩ-hɔ nɛ paa weyi. 15 Ɩkpa mɩ-tɩ nɛ ɖama kɩmɩyɛ kpaʋ. Ɩwɛɛ ɖama camɩyɛ labʋ yɔɔ nɛ ɩkpɛndɩnɩ lɛlaa tɩŋa payɩ. 16 Mɩ-taa ɛhʋlʋmɩ tam yɔɔ. 17 Ɩsɛɛ Ɛsɔ tam yɔɔ. 18 Ɩsam-ɩ pɩtɩŋa pɩ-taa, mbʋ e-liu wɛɛ se ɩla mɩ nɛ Krɩstʋ Yesu mɩ-kpɛndʋʋ yɔɔ. 19 Ɩtaaɖizi Ɛsɔ Kalɩzaɣ miŋ. 20 Ɩtaaniɣzi tɔm ndʋ lɔɔyɩsɩ tɩnaa yɔɔdʋʋ yɔ. 21 Ɛlɛ, ɩtakɩ pɩtɩŋa pɩ-taa camɩyɛ nɛ ɩɖɔkɩ mbʋ pʋwɛ ɖeu yɔ nesi naalɛ. 22 Ɩkpa mɩ-tɩ nɛ paa kɩdɛkɛdɩm mbʋ.
23 Ɛsɔ laŋhɛzɩyɛ tʋ maɣmaɣ eyele nɛ ɩtɛzɩ wɛʋ cɩɖɩcɩɖɩ. Ɛɖɔkɩ mɩ-kalɩzasɩ nɛ mi-ciyamnaa nɛ mi-tomnasɩ camɩyɛ nɛ pataana kawanaɣ nakɛyɛ pɔ-yɔɔ puwiye nɖɩ Kɩpaɣlʋ Yesu Krɩstʋ kɔŋ yɔ. 24 Weyi ɛya-mɩ yɔ, ɛlakɩ mbʋ ɛɖʋwa yɔ: ɛnʋ kɔŋnɩ-pʋ labʋ.
25 Taabalaa! Ɩsɛɛ Ɛsɔ ɖɔ-yɔɔ.
26 Ɩsɛɛ taabalaa tɩŋa payɩ ɖeu nɛ sɔɔlɩm.
27 Mankaŋ mɩ-ñʋʋ taa nɛ Kɩpaɣlʋ nɔɔ se ɩkalɩ takayaɣ kanɛ nɛ taabalaa tɩŋa nɩɩ.
28 Ɖa-Kɩpaɣlʋ Yesu Krɩstʋ ɛlabɩ-mɩ lootiye!