Pɔɔlɩ kizuu waɖɛ nɖɩ ɛwɛna yɔ
9
1 Ma yɔ, mɛnfɛyɩ man-tɩ yɔɔ yaa we? Mɛntɛkɛ Krɩstʋ *tiyiyu naa we? Mantana ɖa-Kɩpaɣlʋ Yesu yaa we? Ɩtɛkɛ Kɩpaɣlʋ tʋmɩyɛ nɖɩ malaba yɔ ɖɩ-kazʋwa naa we? 2 Paa lɛlaa ɛtakpaɣ-m se mɛnkɛ Krɩstʋ tiyiyu yɔ, pʋwɛɛ se mɩ mɩkpaɣ-m se mɛnkɛ-ɩ. Mbʋ pʋyɔɔ yɔ, mɩ nɛ Kɩpaɣlʋ mɩ-kpɛndʋʋ taa lɛ, mɩ lɛ mbʋ pɩwɩlɩɣ toovenim se malabɩ Krɩstʋ tiyiyu tʋmɩyɛ yɔ.
3 Mba pɛkpɛɣnɩ-m yɔ, mɔnpɔzʋʋ-wɛ se: 4 pɩtamʋnɩ se ɩha-m mbʋ mɔntɔɔ nɛ mɔñɔɔ tʋmɩyɛ nɖɩ malakɩ yɔ ɖɩ-yɔɔ yaa we? 5 Pɩtamʋnɩ se mankpaɣ Yesu ɛgbɛyɛ taa halʋ nɛ ma nɛ ɩ ɖɩɖɔŋ nʋmɔʋ ɛzɩ e-*tiyiyaa lɛlaa nɛ Kɩpaɣlʋ newaa nɛ Pɩyɛ palakʋʋ yɔ yaa we? 6 Ɛzɩ ma nɛ Barnaabaasɩ ɖe-ɖeke pɩwɛnɩ se ɖɩla tʋmɩyɛ nɛ ɖɩcɔnɩ ɖa-tɩ yɔɔ yaa we? 7 Alakɩ sɔɔjatʋ nɛ paahɛyɩɣ-ɩ? Asɔʋ tɩʋ nɛ ɛɛtɔkɩ ki-pee? Aɖiyiɣ wondu nɛ ɛɛñɔʋ tɩ-naalɩm?
8 Pɩtɛkɛ mbʋ ɛyaa lakɩ yɔ, pi-ɖeke pʋ-yɔɔ mɔyɔɔdʋʋ mbʋ. Ɛlɛ, paɖʋ *Mooyiizi paɣtʋ taa mbʋ ɖɔɖɔ. 9 Mbʋ pʋyɔɔ yɔ, paɖʋ tɩ-taa se: “Nɔ weyi ɛmakɩ mɩla yɔ*fb*, paahɔkʋʋ ɛ-nɔɔ se ɛtaatɔɔ.” Naŋ yɔɔ Ɛsɔ maɣzaa nɛ ɛyɔɔdɩ yaa \fm b \fr (9.9) \fk Nɔ weyi ɛmakɩ mɩla yɔ: \f *Izrɛɛlɩ ñɩma tɛ lɛ, naŋ makɩnɩ mɩla. Ɩfɛyɩɣ a-yɔɔ nɛ pee lɩɣ. Ɩcɔnɩ pɩtɛ anjaʋ nɛ ɩna. 10 ɖɔ-yɔɔ ɖeke ɛmaɣzɩɣ nɛ ɛyɔɔdʋʋ mbʋ? Toovenim lɛ, ɖɔ-yɔɔ pama-tʋ. Pʋwɛɛ se weyi ɛhayɩɣ nɛ weyi ɛmakɩ mɩla yɔ, pataa liu se pɔkɔŋ hiɣu pe-ɖeɖe.ILLUSTRATION 24
11 Ɖisusi-mɩ Ɛsɔtɔm nɛ tɩwɛɛ mɩ-taa ɛzɩ poɖuu ɖomaɣ hayɩm taa yɔ. Pʋ-yɔɔ lɛ, ɖɩɩɖɛlɛsɩɣ niye alɩwaatʋ ndʋ ɖɩpɔzʋʋ-mɩ se ɩha-ɖʋ mbʋ ɖɩcakɩnɩ wezuu yɔ. 12 Ye Ɛsɔtɔm susiyaa lɛlaa ɛwɛnɩ waɖɛ se pɔtɔɔ pɛ-Ɛsɔtɔm susuu yɔɔ lɛ, ɖɩfɛyɩnɩ waɖɛ nɛ pɩkɩlɩ-wɛ yaa we?
Paa mbʋ yɔ, ɖɩtɔpɔzɩ-mɩ se ɩsɩnɩ-ɖʋ. Ɛlɛ, ɖitisaa nɛ ɖɩla kʋñɔŋ pɩtɩŋa pɩ-taa se ɖa-lakasɩ nasɩyɩ ɛtaaɖɩɣ ɛyaa nʋmɔʋ se pataanɩɩ Krɩstʋ Laŋhɛzɩyɛ Tɔm. 13 Ɩnawa se mba palakɩ Ɛsɔ ɖɩɣa taa tʋmɩyɛ yɔ, pa-tʋmɩyɛ yɔɔ pɔtɔkɩ. Mba paba ñalaɣ yɔ, kɩlaʋ ŋgʋ kɩ-taa pehikiɣ pɔtɔkɩ ɖɔɖɔ. 14 Mbʋ ɖɔɖɔ Kɩpaɣlʋ ɖʋwa se mba posusuu Laŋhɛzɩyɛ Tɔm yɔ, pɩtɩŋnɩ mba posusuu-wɛ-tʋ yɔ pɔ-yɔɔ nɛ pehiɣ pɔtɔɔ.
15 Paa mbʋ yɔ, mɔntɔpɔzɩ nɔɔyʋ pʋyʋ. Ndʋ mamawa yɔ, mantama se ɩha-m pʋyʋ. Mbʋ pʋyɔɔ yɔ, pɩkɩlɩ wee wee se mansɩ ɛzɩ maasʋlʋmɩ nɔɔyʋ pʋyʋ yɔ: nɔɔyʋ ɛɛkaɣ wɛɛkʋʋ mbʋ malabɩ falaa nɛ mankʋndʋʋnɩ-pʋ yɔ. 16 Ŋgʋ, Laŋhɛzɩyɛ Tɔm susuu tɛkɛnɩ-m mbʋ mankʋndʋʋna yɔ. Mbʋ pʋyɔɔ yɔ, Ɛsɔ ɖʋnɩ-m se monsusi-tʋ. Ye montosusi-tʋ yɔ, eyeki nɛ pɩnɩ-m siŋŋ. 17 Ye ma-maɣmaɣ maasɔɔlɩna se malakɩ tʋmɩyɛ nɖɩ yɔ, maaɖaŋaa se pɛhɛyɩ-m. Ɛlɛ, ɛzɩma mbʋ paɖʋ-m-ɖɩ kʋɖʋʋ lɛ, pɩkɛnɩ-m kɩcɛyʋʋ se malabɩ-ɖɩ. 18 Man-kɩhɛyʋʋ lɛ ŋgʋ yɔ? Ŋgʋ lɛ waɖɛ nɖɩ pɩha-m se monsusuu Laŋhɛzɩyɛ Tɔm falaa yɔ. Maapɔzʋʋ nɔɔyʋ se ɛlabɩ-m mbʋ pʋmʋnaa se palabɩ-m tɩ-yɔɔ yɔ.
19 Paa mɛnkɛ weyi ɛwɛ ɛ-tɩ yɔɔ ɛyaa tɩŋa ɛsɩndaa yɔ, manpɩsɩ man-tɩ patɩŋa payɩ po-yom se manpɩzɩ mansɩnɩ ɛyaa sakɩyɛ nɛ pɛwɛnɩ lidaʋ Krɩstʋ yɔɔ. 20 Mɛwɛɣ Yuda ñɩma cɔlɔ lɛ, mɛwɛ ɛzɩ mba yɔ se manpɩzɩ mansɩnɩ-wɛ nɛ pɛwɛnɩ lidaʋ Krɩstʋ yɔɔ. Ma nɛ mba pɔɖɔŋ *Mooyiizi paɣtʋ yɔɔ yɔ ɖɩwɛɣ lɛ, mɛwɛ ɖɔɖɔ ɛzɩ mba yɔ. Ŋgʋ, pɩtɛkɛnɩ-m kɩcɛyʋʋ se mɔnɖɔ tɩ-yɔɔ. Ɛlɛ, malakɩ mbʋ se manpɩzɩ mansɩnɩ mba pɔɖɔŋ tɩ-yɔɔ yɔ nɛ pɛwɛnɩ lidaʋ Krɩstʋ yɔɔ. 21 Mɛwɛɣ mba patasɩ *Mooyiizi paɣtʋ yɔ pɔ-cɔlɔ lɛ, mɛwɛ ɖɔɖɔ ɛzɩ mba yɔ. Malakɩ mbʋ se manpɩzɩ mansɩnɩ-wɛ nɛ pɛwɛnɩ lidaʋ Krɩstʋ yɔɔ. Ŋgʋ, ma-maɣmaɣ mɛntɛkɛ weyi ɛtasɩ Ɛsɔ paɣtʋ yɔ. Mbʋ pʋyɔɔ yɔ, mɔnɖɔŋ Krɩstʋ paɣtʋ yɔɔ. 22 Ma nɛ mba pɛkɛ ajamaa pe-lidaʋ wɛnaʋ taa yɔ ɖɩwɛɣ lɛ, mɛwɛ ɛzɩ mba ɖɔɖɔ yɔ se manpɩzɩ mansɩnɩ-wɛ nɛ pɛwɛnɩ lidaʋ siŋŋ Krɩstʋ yɔɔ. Pʋ-yɔɔ manpɩsɩ man-tɩ ɛzɩ paa weyi yɔ se paa pɩɩla ɛzɩma yɔ, manpɩzɩ mansɩnɩ nabɛyɛ nɛ Ɛsɔ ya pa-ñʋʋ. 23 Malakɩ pɩtɩŋa payɩ mbʋ Laŋhɛzɩyɛ Tɔm yɔɔ se mehiɣ ɖɔɖɔ ñɩm mbʋ pʋwɛ tɩ-taa yɔ.
24 Ɩtatɩlɩ se mba powoki seu yɔ, peseɣ patɩŋa payɩ, ɛlɛ, weyi ɛwakɩ yɔ e-ɖeke koŋ palakɩ kʋjɔʋ naa we? Pʋ-yɔɔ lɛ, ɩñaɣ pana nɛ ise lidaʋ nʋmɔʋ taa nɛ ɩwa nɛ palabɩ-mɩ kʋjɔʋ ŋgʋ. 25 Mba patɩŋa peseɣ yɔ, pɔsɔŋ mbʋ pɩtɩŋa payɩ pʋwɛɛ se pɔsɔ yɔ se pese nɛ pawa nɛ pehiɣ kʋjɔʋ. Ɛlɛ, kʋjɔʋ ŋgʋ kɩɩwɛɣ tam. Ɖa lɛ, ɖɩñɔɔzʋʋ ɖa-tɩ se ɖɩwa lidaʋ nʋmɔʋ taa nɛ palabɩ-ɖʋ kʋjɔʋ ŋgʋ kɩwɛɣ tam yɔ. 26 Pʋ-yɔɔ menseɣ se mowolo ɖenɖe pʋwɛɛ se mowolo yɔ, maaseɣ yem. Mɛwɛ ɖɔɖɔ ɛzɩ weyi ɛlʋkɩ nɛ ɛɛlʋkɩ yem se pɔtɔm se palʋ yɔ. 27 Mɛwɛɛ mankʋʋ man-tɩ se manpɩzɩ mɔnɖɔkɩ man-tɩ siŋŋ nɛ pɩtaakɔɔ pɩɖɩɣnɩ weyi ma monsusi lɛlaa Ɛsɔtɔm yɔ.