Kọ̃kọ̃bị́ ãlu ni
Yũwánĩ
ní sĩí rĩ
Tã búkũ rĩ vé rĩ ã ũlũngárá
Yũwánĩ Yẹ́sụ̃ vé ꞌbá áyúãyũ rĩ sĩ kọ̃kọ̃bị́ ꞌdĩri ꞌbá ụrụkọ adriꞌbá Kũrĩsĩtĩyánĩ rú rĩ pi ní, lẽ kộpi sụ̃ anji ívé ni tị́nị. Kĩnĩ, lẽ kộpivé ãsámvú Múngú be rĩ, ãzini Kúrísítõ be rĩ ã adri múké. ꞌYo kộpi ní ꞌbá ãngũ ímbáꞌbá kãnísã agá ũnjõ sĩ rĩ pi vé tã. Yũwánĩ kĩnĩ, ọ́tụ́ ĩ rikí adrií Yẹ́sụ̃ be trụ́, ꞌí nị̃ rá, Yẹ́sụ̃ ri ꞌbá áda, ĩri Mvá Múngú vé ni. Kĩnĩ, kộpi ꞌbãkí dõ ẹ́sị́ Yẹ́sụ̃ drị̃gé rá, kộpi ídri ꞌdániꞌdáni rĩ ị́sụ́ rá. Kĩnĩ, kộpi Kũrĩsĩtĩyánĩ rú, lẽ kộpi ã lẽkí Múngú ri lẽlẽ, ãzini kộpi ã lẽkí ĩ lẽlẽ ĩ ãsámvú gé sĩ.