Kọ̃kọ̃bị́ Páũlũ ní sĩí sẽé
Fĩlĩmónã
ní rĩ
Tã búkũ rĩ vé rĩ ã ũlũngárá
Páũlũ sĩ kọ̃kọ̃bị́ ꞌdĩri sẽé Fĩlĩmónã ní, Fĩlĩmónã ri ꞌbá Kúrísítõ vé ni, ĩri ãꞌbú be ambamba. Fĩlĩmónã vé tụ́gẹ̃rị̃ ãzi rụ́ ni Õnésĩmũ ꞌi, nga ápá rá, vụ́drị̃ ni gé, gõ ꞌi újá ícá ꞌbá Kúrísítõ vé ni, ko Páũlũ ẽ ĩzã lókí ĩri ní adrizú jó ãngũ ũꞌyĩzú rĩ agá ꞌdãá nĩ. Páũlũ pẽ Õnésĩmũ ri mụụ́ vúlé Fĩlĩmónã vú ꞌdãá, sĩ kọ̃kọ̃bị́ sẽé Õnésĩmũ drị́gé Fĩlĩmónã ní ĩndĩ. Kọ̃kọ̃bị́ rĩ agá, Páũlũ sĩ ꞌdíni, tãị́mbị́ Rómã vé rĩ ã ãꞌyĩ dõ ꞌyozú kínĩ ꞌbá rĩ dõ tụ́gẹ̃rị̃, ápá dõ gí ã ꞌdịkí ĩri drãá rá drãáãsĩyã, lẽ Fĩlĩmónã ã trũ Õnésĩmũ ri rá. Páũlũ ꞌyo kpá Fĩlĩmónã ní kĩnĩ, lẽ Fĩlĩmónã ẽ ẹ́ꞌyị́ ívé tụ́gẹ̃rị̃ Õnésĩmũ ri adrií ꞌí ní ẹ́drị́pị rú Kúrísítõ agá.