Bildad
25
Giŏng anŭn, Bildad mơnuih mơ̆ng plei pơnăng Suh laĭ tui anai:
2 “Ơi Adai dưi kơtang git gai abih bang tơlơi tui anŭn abih bang mơnuih mơnam khŏm huĭ pơpŭ hăng pơpŭ pơyom kơ Ñu yơh;
Ñu pơkơjăp tơlơi tŏ tơroai amăng khul anih glông hăng adai adih.
3 Arăng ƀu dưi yap ôh ƀing ling jang hiam jing ƀing mă bruă kơ Ñu.
Ƀu hơmâo anih pă ôh Ñu ƀu pơčrang nao tơlơi bơngač.
4 Ƀu hơmâo hlơi pô ôh dưi jing tơpă hơnơ̆ng ƀơi anăp Ñu.
Ƀu hơmâo hlơi pô ôh jing pô tơkeng rai mơ̆ng đah kơmơi dưi jing hĭ rơgoh jơngeh.
5 Anai nê, tơdah Ơi Adai yap yang blan ƀu bơngač ôh,
laih anŭn khul pơtŭ kŏn rơđah lơi,
6 jai ƀai yơh ƀu yom pơphan ôh kơ mơnuih mơnam, jing kơnơ̆ng kar hăng hlăt drŭt đôč,
mơnuih mơnam kơnơ̆ng jing kar hăng hlăt đôč yơh!”