ꂘꅇꇐꀳ 27

ꐋꀨꀋꎪꌠꎹ

1 ꃆꏂꄑꎁꃅꈌꄡꒉ，

ꑞꃅꆏ，ꃅꑍꋍꑍꇬꌤꆿꑞꇫꅐꇁꌠꆏꋋꅉꀋꐚ。

2 ꊨꏦꑴꅉꍖꌋꀋꌸ，ꌞꀉꁁꊿꁳꆎꍗꎻ；

ꈌꋊꄉꊨꏦꀮꄑꌋꀋꌸ，ꉇꉻꊿꁳꆎꀮꆏꄑꎻ。

3 ꇓꂵꀉꇖ，ꂤꏂꑌꀉꇖ，

ꌤꆿꌺꇰꑴꅑꑠꈀꐆꌠꆹꋋꑍꑵꏭꀋꋌꃅꀉꇖ。

4 ꇨꇅꃃꐨꀋꂄꁴꍂꅿ，ꇨꇅꃃꑭꒈꂃꒊꆱꄓꌠꌡ，ꋍꑠꄽꇨꄽꊋꑴꇬ，

ꄚꃴꆉꉘꉩꑠꆹꈀꄸꇬꄽꄐꂯ？

5 ꑓꊒꀕꃅꐮꏯꊨꀖꌠꆹ，

ꁠꆈꄉꐮꉂꐮꅉꌠꏭꀋꋌ。

6 ꐋꀨꆏꁳꉈꃚꑗꄜꎻꌠꆹ，ꀋꎪꀋꎙꌠ；

ꁮꐚꀋꆏꃅꅽꁧꇉꁬꌠꆹ，ꂿꄐꀋꐥꌠ。