ꂘꅇꇐꀳ 20

ꃅꐨꊒꆽꀕꌠꌒꃤꊌ

1 ꎧꏸꊿꋌꑱꊾꁒꊿꐀꇁ，

ꎦꆈꊿꋌꑱꏟꇁꏈꄑꏿ，

ꊿꎧꅝꎧꑱꀿꑠꆹ，ꌧꅍꂿꅍꀋꐥꌠ。

2 ꃰꃅꇨꇅꃃꇬꆿꅪꏅꌠꌡ，

ꊿꇫꌾꇬꀖꌠꆹꋍꈔꋌꎹꌠ。

3 ꊿꏟꃆꏈꑘꋌꉉꆏꌠꆹꀑꒉꑊꒉꊌ，

ꌺꇰꑴꅑꌠꀉꄂꐯꊨꐮꏈꆏꇁꑲꀋꌧ。

4 ꊿꐵꑷꑓꀠꀕꌠꊪꏽꄮꇬꀋꊪꀋꏿꄉ，

ꒇꋩꄮꐰꉈꏭꎹꒉꇬ，ꑞꍈꑌꋀꋌꀋꊌ。

5 ꃰꊿꉌꂵꏂꇐꇫꇐꒊꄜꌟꃅꆈꃃꃆ，

ꄚꊿꌧꐚꂿꐚꌠꀉꄂꋍꑠꋌꈻꋌꏶꅐꇁꄎ。

6 ꊿꀉꑌꈨꀂꀋꎪꀋꎙꑴꄷꉉ，

ꄚꊿꀋꎪꀋꎙꂷꈀꄸꋌꎷꊌꄎ？

7 ꑖꊿꃅꐨꊒꆽꀕꌠꆹ，

ꋍꌺꇖꊂꋊꌒꃤꊌꌠꉬ！