ꂘꅇꇐꀳ 15

ꑳꀊꊆꆹꑖꉬꎹꈹꌠꋍꄻꈴ

1 ꑖꈈꀕꃅꅇꀱꆏ，ꃃꌠꃃꐰꁧ；

ꊾꋦꅇꂷꉉꇬꆹ，ꇨꃃꂴꍀꄓ。

2 ꉪꑌꌧꋬꌠꉐꆂꆹꌧꇐꂿꇐꄜꁊ；

ꌺꇰꑴꅑꌠꈂꀸꆏꅇꇰꉏꅝꇫꅐꇁ。

3 ꑳꀊꊆꑓꋪꆹꇿꇬꑌꋌꂿ，

ꊿꂂꊿꄸꐯꇯꋌꇱꆫꃬꄉ。

4 ꑖꈈꀕꅇꉉꌠꉐꆂꆹꀑꇬꌩꁧꉬ；

ꄸꅇꅠꅇꉉꌠꉐꆂꆹꊽꉌꂵꆅ。

5 ꌺꇰꑴꅑꌠꆹ，ꀉꄉꉙꅇꂘꅇꉜꄸ；

ꊨꅇꂘꅇꅲꌠꆏ，ꀑꁮꉌꑳꇁ。

6 ꑖꊿꑱꈐꎆꋚꌐꀋꉆ；

ꊿꄸꊌꐨꀱꌊꉮꏣꐛ。

7 ꊿꉪꑌꌧꋬꌠꈂꀸꆹꌧꇐꄜꁊ；

ꊿꌺꇰꑴꅑꌠꉌꂵꆹꑠꃅꀋꐛ。

8 ꊿꄸꆦꑝꅍꆹꑳꀊꊆꇫꉌꁕ；

ꊿꂂꈼꅇꂟꅇꆏꋍꉌꃹ。

9 ꊿꄸꈝꃀꆹꑳꀊꊆꇫꉌꁕ；

ꑖꉬꎹꈹꌠꆏꋍꄻꈴ。