ꉙꍗ/ꄯꒉ 118

ꊋꐛ/ꄉ/ꏃꃅꌋ/ꏭ/ꈀꎭꀕ

1 ꆍꊇ/ꑳꀊꊆ/ꏭ/ꈀꎭꀕ，

ꑞꃅꆏ，ꋋ/ꆹ/ꊇꅉ/ꇯꆐ/ꂄꇁꎔꌠ/ꉬ，

ꋍ/ꉂꐪ/ꆹ/ꐩꋊꐩꍂ/ꃅ/ꀋꑍꀋꈤ！

2 ꑱꌝꆀ/ꊿ/ꆹ：

“ꋍ/ꉂꐪ/ꆹ/ꐩꋊꐩꍂ/ꃅ/ꀋꑍꀋꈤ！”ꃅ/ꉉ/ꅊꇈ。

3 ꑸꇍ/ꄰ/ꑌ：

“ꋍ/ꉂꐪ/ꆹ/ꐩꋊꐩꍂ/ꃅ/ꀋꑍꀋꈤ！”ꃅ/ꉉ/ꅊꇈ。

4 ꊿ/ꑳꀊꊆ/ꁌꒉꏦꃪ/ꈧꌠ/ꑌ：

“ꋍ/ꉂꐪ/ꆹ/ꐩꋊꐩꍂ/ꃅ/ꀋꑍꀋꈤ！”ꃅ/ꉉ/ꅊꇈ。

5 ꉡ/ꆹ/ꎭꇂꅦꇨ/ꈬ/ꇬꄉ/ꈧꊰꀕ/ꃅ/ꑳꀊꊆ/ꏭ/ꇖꂟ，

ꑳꀊꊆ/ꈌꁧ/ꄉ，ꉢ/ꋌ/ꄻ/ꅔꈋ/ꀊꐯ/ꅉꇬ/ꐥ/ꎻ。

6 ꑳꀊꊆ/ꉡ/ꐊ/ꑲꆏ，ꉡ/ꆹ/ꈍꃅꑌ/ꏸ/ꀋ/ꏦ，

ꊾ/ꆹ/ꉢ/ꋀ/ꌌ/ꑞꃅ/ꄎ/ꂯ？

7 ꑳꀊꊆ/ꉢ/ꈽ/ꐥ/ꄉ/ꉡ/ꇇꀤ/ꐛꅹ，

ꉡ/ꆹ/ꊿ/ꉡ/ꌂ/ꈧꌠ/ꀋꎪꃅ/ꑗꉘ/ꊝ/ꌠ/ꉢ/ꂿ/ꇁ/ꌠ/ꉬ。

8 ꑳꀊꊆ/ꊫꁠ/ꇬꆹ/ꊾ/ꉘꇉ/ꌠ/ꏭꀋꋌ/ꌠ/ꉬ；

9 ꑳꀊꊆ/ꊫꁠ/ꇬꆹ/ꃰꃅ/ꌺ/ꉘꇉ/ꌠ/ꏭꀋꋌ/ꌠ/ꉬ。

10 ꇩꏤ/ꈧꌠ/ꃅꄉ/ꇁꌊ/ꉠ/ꈭ/ꉠ/ꇍ/ꇊ/ꑴꇬ，

ꉡ/ꆹ/ꑳꀊꊆ/ꂓ/ꉘꇉ/ꄉ/ꀋꎪꃅ/ꋀꊇ/ꉢ/ꇱ/ꈔꋏ/ꇫꎭ/ꌠ/ꉬ。

11 ꋀꊇ/ꇁ/ꌊ/ꉠ/ꈭ/ꉠ/ꇍ/ꇊ，ꋀ/ꇊ/ꇤꏢꀕ/ꃅꄉ，

ꄚ/ꉡ/ꆹ/ꑳꀊꊆ/ꉘꇉ/ꄉ/ꀋꎪꃅ/ꋀꊇ/ꉢ/ꇱ/ꈔꋏ/ꇫꎭ/ꌠ/ꉬ。

12 ꋀꊇ/ꐙ/ꈨ/ꌟꃅ/ꋍꊈ/ꃅꄉ/ꉢ/ꂅ/ꇁ/ꌐ，

ꄚ/ꋀꊇ/ꆹ/ꃆꄔ/ꍲꇪ/ꌌ/ꏦ/ꄉ/ꑠ/ꇤ/ꌟꃅ/ꋋꇅꃅ/ꌦ/ꁧ；

ꉡ/ꆹ/ꑳꀊꊆ/ꉘꇉ/ꄉ/ꀋꎪꃅ/ꋀꊇ/ꉢ/ꇱ/ꈔꋏ/ꇫꎭ/ꌠ/ꉬ。

13 ꆏ/ꊋꑌꊋꀮꍝ/ꄉ/ꉢ/ꋋ/ꂷ/ꆷ/ꇬ/ꄚ/ꏢꉨ/ꑴꇬ，

ꄚ/ꑳꀊꊆ/ꇁ/ꉡ/ꇇꀤ/ꀐ。

14 ꑳꀊꊆ/ꆹ/ꉠ/ꊋꃤ/ꉬ，ꉠ/ꉙꇐ/ꑵꇐ/ꉬ；

ꋌ/ꇁ/ꉡ/ꈭꋏ/ꂶꌠ/ꐛ/ꀐ。

15 ꑖꊿ/ꁁꑳ/ꈐꏭ/ꆏ，ꊋꐛ/ꄉ/ꉌꇿꌠ/ꃚꋒ/ꑠ/ꃅ/ꇳꉔ：

“ꑳꀊꊆ/ꇇ/ꇀꑳ/ꁆ/ꌠ/ꆹ/ꌤꆿ/ꈀꇨꀕ/ꌠ/ꃅ/ꀐ。

16 ꑳꀊꊆ/ꇇ/ꇀꑳ/ꁆ/ꌠ/ꐕ/ꀊꂥ/ꃅꄉ/ꀐ，

ꑳꀊꊆ/ꇇ/ꇀꑳ/ꁆ/ꌠ/ꆹ/ꌤꆿ/ꈀꇨꀕ/ꌠ/ꃅ/ꀐ”。

17 ꉡ/ꆹ/ꀋ/ꌦ/ꌠ/ꄹ，ꇫ/ꐥ/ꄎ/ꑴꌦ/ꌠ/ꉬ，

ꄷꀋꁧ/ꑳꀊꊆ/ꃅꐨꑽꑌ/ꈧꌠ/ꄜꁊ。

18 ꑳꀊꊆ/ꇨꐯꇨ/ꃅ/ꉡ/ꇇꇩꍈ/ꑴꇬ，

ꋋ/ꆹ/ꉢ/ꋌ/ꏮ/ꌦꃤ/ꇇꈐ/ꊐ/ꀋ/ꋻ。

19 ꑖꉬ/ꄇꂿ/ꁉ/ꉢ/ꁳ，

ꉢ/ꈴ/ꈐꏭ/ꄉ/ꑳꀊꊆ/ꏭ/ꈀꎭꀕ/ꆹ/ꂯ！

20 ꄇꂿ/ꋋ/ꐬ/ꆹ/ꑳꀊꊆ/ꃤ/ꉬ，

ꑖꊿ/ꈧꌠ/ꆹ/ꈐꏭ/ꃹ/ꆹ/ꉆ！

21 ꉢ/ꅽ/ꏯ/ꈀꎭꀕ，

ꑞꃅꆏ，ꆎ/ꆹ/ꉠ/ꈼꅇꂟꅇ/ꅲ，ꇁ/ꉡ/ꈭꋏ/ꂶꌠ/ꐛ/ꀐ！

22 ꇓꂵ/ꑷꋉꇔꇷ/ꇱ/ꍞ/ꇫꎭ/ꂶꌠ/ꆹ，

ꇁ/ꑳꎏꄅꇓ/ꇬꂾ/ꂶꌠ/ꐛ/ꀐ。

23 ꋍ/ꑠ/ꆹ/ꑳꀊꊆ/ꈀ/ꃅ/ꌠ，

ꉪ/ꉜ/ꇬ/ꃅꐨ/ꂵꇖꀕ/ꌠ/ꉬ。

24 ꋋ/ꆹ/ꑳꀊꊆ/ꄻ/ꄉ/ꌠ/ꃅꑍ/ꉬ，

ꉪꊇ/ꋋ/ꄹꉇ/ꉌꇿꑓꇿ/ꌐ！

25 ꑳꀊꊆ/ꀋ！ꆏ/ꈀꎭꀕ/ꃅ/ꉪꊇ/ꈭꋏ/ꇁ！

ꑳꀊꊆ/ꀋ！ꆏ/ꈀꎭꀕ/ꃅ/ꉪ/ꁳ/ꑞꑌ/ꁟꑻꀕ/ꎻ！

26 ꑳꀊꊆ/ꂓ/ꄜ/ꄉ/ꇁ/ꂶꌠ/ꆹ/ꌌ/ꀮꄑ/ꋭ/ꌠ/ꉬ！

ꉪꊇ/ꑳꀊꊆ/ꑷꂿ/ꇬꄉ/ꋬꂻ/ꄻ/ꆍ/ꁳ！

27 ꑳꀊꊆ/ꆹ/ꏃꃅꌋ/ꉬ，

ꋍ/ꁨꑭ/ꇁ/ꉪ/ꌶ/ꀐ。

ꆍꊇ/ꏦꀨ/ꌊ/ꆦꑝꎇꃀ/ꏣ/ꄀ/ꌌ/ꆦꑝꅉ/ꎏꀕ/ꇬ/ꇁ。

28 ꆎ/ꆹ/ꉠ/ꏃꃅꌋ/ꉬ，ꉢ/ꅽ/ꏯ/ꈀꎭꀕ！

ꉠ/ꏃꃅꌋ/ꀋ！ꉡ/ꆹ/ꀑꒉꑊꒉ/ꏮ/ꆏ/ꄀ！

29 ꆍꊇ/ꑳꀊꊆ/ꏭ/ꈀꎭꀕ，

ꑞꃅꆏ，ꋋ/ꆹ/ꊇꅉ/ꇯꆐ/ꂄꇁꎔꌠ/ꉬ，

ꋍ/ꉂꐪ/ꆹ/ꐩꋊꐩꍂ/ꃅ/ꀋꑍꀋꈤ！