ꉙꍗ/ꄯꒉ 96

ꏃꃅꌋ/ꆹ/ꃰꃅ/ꋍꉎꀋꐥ/ꂶꌠ/ꉬ

1 ꆍꊇ/ꑳꀊꊆ/ꏭ/ꑵꉙ/ꀊꏀ/ꑵ！

ꃄꇖꄹꊂ/ꃅ/ꑳꀊꊆ/ꏭ/ꉙꑵ！

2 ꑳꀊꊆ/ꏭ/ꉙꑵ，ꋍ/ꂓ/ꀮꄑ！

ꋍ/ꑍ/ꋑꀋꋒ/ꋍ/ꈭꋏ/ꑆꊋ/ꄜꁊ。

3 ꇩꏤ/ꈀꐥꌠ/ꈬ/ꇬꄉ/ꋍ/ꀑꒉꑊꒉ/ꄜꉺ！

ꊿꋅ/ꈀꐥꌠ/ꈬ/ꇬꄉ/ꋍ/ꃅꐨ/ꂵꇖꀕ/ꌠ/ꉉꄜ！

4 ꑞꃅꆏ，ꑳꀊꊆ/ꆹ/ꇰꀋꃀ/ꂶꌠ/ꉬ，ꌌ/ꋍꉎꀋꐥ/ꃅ/ꍖꀴ/ꄡꑟ；

ꋋ/ꆹ/ꄙꀕꃪꀕ/ꌦꌋ/ꈧꌠ/ꏭꀋꋌ，ꊿ/ꃅ/ꇫ/ꁌꒉꏦꃪ/ꌐ/ꄡꑟ。

5 ꑞꃅꆏ，ꀉꁁ/ꊿꋅ/ꌦꌋ/ꈀꐥꌠ/ꆹ/ꌩꁱꇓꁱ/ꂿꄐꀋꐥ/ꈨ/ꀉꄂ；

ꄚ/ꑳꀊꊆ/ꆹ/ꃅꃴ/ꂿꃅ/ꈀꐥꌠ/ꃅ/ꋌ/ꄻ/ꄉ/ꌐ/ꌠ/ꉬ。

6 ꀑꒉꑊꒉ/ꌋꆀ/ꐤꒉ/ꌠ/ꐯꇯ/ꋍ/ꂾ/ꎍ，

ꊋꃤ/ꈀꇨꀕ/ꌠ/ꌋꆀ/ꎔꇂꃨ/ꌠ/ꐯꇯ/ꋍ/ꌃꎔꑷꂿ/ꇬ/ꐛ。

7 ꐧꋦ/ꊿꋅ/ꈧꌠ/ꊈ/ꀋ! ꆍꊇ/ꀑꒉꑊꒉ/ꌋꆀ/ꊋꃤ/ꐯꇯ/ꏮ/ꑳꀊꊆ/ꁵ/ꌐ!

ꉬꇮ/ꃅ/ꏮ/ꑳꀊꊆ/ꁵ/ꌐ！

8 ꀑꒉꑊꒉ/ꑳꀊꊆ/ꂓ/ꈁ/ꊌ/ꋭ/ꌠ/ꃅ/ꏮ/ꋌ/ꄀ，

ꌞꅍ/ꌌ/ꋍ/ꑷꂿ/ꐷꈭ/ꇬꄉ/ꌞ/ꋌ/ꁳ/ꇁ。

9 ꆍꊇ/ꌃꎔ/ꇈ/ꀑꒉꑊꒉ/ꌠ/ꑳꀊꊆ/ꏭ/ꇗꅉꃅ/ꄡꑟ，

ꃄꇖꄹꊂ/ꃅ/ꋍ/ꂾꄉ/ꑑꃹ/ꏾꌌꀕ/ꄡꑟ！

10 ꇩꏤ/ꈀꐥꌠ/ꈬ/ꇬꄉ：“ꑳꀊꊆ/ꃰꃅ/ꄻ/ꀐ！

ꋧꃅ/ꋦꈬꋦꈈ，ꀋꇙꀋꑐ；

ꋋ/ꆹ/ꊒꆽꀕ/ꃅ/ꐧꇁꃰꊿ/ꀞꇽ/ꇁ/ꌠ/ꉬ”ꃅ/ꄛꇰ。

11 ꃅꃴ/ꈧꌠ/ꉌꇿꑓꇿ/ꅊꇈ，ꃄꅉ/ꉬꇮ/ꉌꈯꑓꈜ/ꅊꇈ！

ꎿ/ꌋꆀ/ꎿ/ꇬ/ꈀꐥꌠ/ꃅ/ꀏꀱꄩꆽ/ꏽ/ꄉ/ꇳꉔ/ꌐ/ꅊꇈ！

12 ꃄꅉ/ꌋꆀ/ꃄꅉ/ꇬ/ꈀꐥꌠ/ꃅ/ꉌꇿꑓꇿ/ꌐ/ꅊꇈ！

ꀊꋨꄮꇬꆏ，ꌩꏪꇬꌩꁧꈀꐥꌠꃅꑳꀊꊆꂾꄉꉌꇿꃅꇳꉔꌐꌠꉬ。

13 ꑞꃅꆏ，ꋌ/ꇁ/ꀐ，ꋌ/ꃄꇖꄹꊂ/ꃅꄉ/ꀞꇽ/ꇁ/ꉬ。

ꋋ/ꆹ/ꑖꉬ/ꇬ/ꈴ/ꄉ/ꋧꃅ/ꀞꇽ/ꇁ，

ꀋꎪꀋꎙ/ꌠ/ꇬ/ꈴ/ꄉ/ꐧꇁꃰꊿ/ꀞꇽ/ꇁ/ꌠ/ꉬ。