ꉙꍗ/ꄯꒉ 73

ꑸꌒ/ꉙꇐ

ꏃꃅꌋ/ꆹ/ꑖꉬꊒꆽꀕ

1 ꏃꃅꌋ/ꆹ/ꇯꍝꃅ/ꂄ/ꃅꄉ/ꑱꌝꆀ/ꊿ/ꉌꂵ/ꐙꎴ/ꀕ/ꈧꌠ/ꊝ！

2 ꄚ/ꉡ/ꆹ/ꑭꁆ/ꄔ/ꎪ/ꀋ/ꇊ，

ꑭꁘ/ꄔ/ꎙ/ꀋ/ꇊ；

3 ꑞꃅꆏ，ꉡ/ꆹ/ꊿ/ꆺꒉꄇꒉ/ꈧꌠ/ꉠ/ꉈꈻꃴꆅ，

ꊿꄷ/ꌤꆿ/ꁟꑻꀕ/ꌠ/ꉢ/ꊌꂿ。

4 ꋀꊇ/ꆹ/ꊋꑌꇷꄙ，

ꀋ/ꆅ/ꀋ/ꈻ/ꃅ/ꅷ/ꌥ/ꄮ/ꑟ。

5 ꋀꊇ/ꆹ/ꌞ/ꊿ/ꌟꃅ/ꎭꇁꅦꇨ/ꑌ/ꀋ/ꊝ；

ꋀꊇ/ꆹ/ꀉꁁ/ꌟꃅ/ꉮꃤ/ꋒꃤ/ꑌ/ꀋ/ꌸ。

6 ꑠꅹ，ꆺꒉꄇꒉ/ꑠ/ꆹ/ꏂ/ꎸꉗ/ꌺ/ꌟꃅ/ꋀ/ꄻ/ꇵꆹ/ꇬ/ꄀ/ꄉ，

ꊋꒉꊋꁧꅸ/ꑠ/ꆹ/ꃢꈜ/ꌟꃅ/ꋀ/ꄻ/ꇭꀧ/ꇬ/ꇢ/ꄉ。

7 ꋀꊇ/ꉆꐦꉆꆽ/ꅍ/ꑓꂷ/ꍻ/ꄉꏽ，

ꋀ/ꄸꈐ/ꄷꅠ/ꆈꒉꀕ/ꌠ/ꐛ。

8 ꋀꊇ/ꊿ/ꒈ/ꊿ/ꈧ/ꐺ，ꈁꏾꃅ/ꅇꄸꉐꄸ/ꌊ/ꄉ/ꊾ/ꆼꍅ，

ꅇꉉ/ꇬꑌ/ꈌꍓꑓꍓ/ꏽ。

9 ꋀ/ꈂꀸ/ꆹ/ꉬꉎ/ꏃꃅꌋ/ꍍꋉꄸꄀ，

ꋀ/ꉐꆂ/ꆹ/ꉬꐮ/ꃰꊿ/ꊂꀠ/ꅇ/ꉉ。

10 ꑠꅹ，ꏃꃅꌋ/ꉹꁌ/ꈧꌠ/ꀱ/ꋀ/ꊂꈹ/ꄉ，

ꋀ/ꅇꑇ/ꉐꑅ/ꁧ/ꌐ/ꀐ。

11 ꋀꊇ/ꆹ：“ꏃꃅꌋ/ꈍꃅ/ꇫ/ꅉꐚ/ꄎ？

ꋍꉎꀋꐥ/ꂶꌠ/ꇬ/ꌥ/ꑴꅀ？”ꄷ。

12 ꇬꉚ！ꊿ/ꋋ/ꈨ/ꆹ/ꊿꄸ/ꊾꅠ/ꈧꌠ/ꉬ，

ꋀꊇ/ꅉꀕꃅ/ꐥꌒꄻꌒ、ꐤ/ꅉ/ꈚ/ꅉ/ꑟ/ꀐ。

13 ꉡ/ꆹ/ꇯꍝꃅ/ꉠ/ꉌꂵ/ꐙꎴꀕ/ꌊ/ꂿꄐ/ꀋ/ꐥ/ꀐ，

ꉠ/ꇇ/ꉢ/ꋌ/ꁦꎴ/ꃅꄉ/ꇬꑌ/ꀈꈥꀕ/ꌠ/ꉬ/ꀐ。

14 ꑞꃅꆏ，ꉡ/ꆹ/ꃅꑍ/ꋋ/ꑍ/ꃅꄉ/ꉮꃤ/ꌸ，

ꃅꄜ/ꋍ/ꑍ/ꋑꀋꋒ/ꆏ/ꌌ/ꇇꇩꍈ/ꇬꎷ。

15 ꀋꄷꄸ/ꉠ/ꉌꂵ/ꇬ‘ꉢ/ꀋꎪꃅ/ꑠ/ꃅ/ꉉ’ꃅ/ꉪ/ꑲꆏ，

ꉡ/ꆹ/ꃅꋊ/ꋋ/ꋏ/ꇬ/ꅽ/ꌺꇖ/ꈧꌠ/ꂾ/ꈴꀋꄿ/ꀐ。

16 ꉡ/ꆹ/ꌤ/ꋍ/ꑠ/ꊨꄅ/ꂿꉂ/ꄉ/ꉪꏡ，

ꄚ/ꉢ/ꋌ/ꉨ/ꌊ/ꀑꁌꂪꀘ/ꀋ/ꄐ。

17 ꉢ/ꇁ/ꌊ/ꏃꃅꌋ/ꌃꎔꑷꂿ/ꃸ/ꄮꇬ/ꑲꆀ，

ꋀ/ꌐꂫ/ꈍꃅ/ꐙ/ꌠ/ꉢ/ꅉꐚ/ꅜ。

18 ꆎ/ꆹ/ꇯꍝꃅ/ꋀ/ꆏ/ꄻ/ꉔ/ꈜ/ꇬ/ꉆ/ꄉ，

ꋀ/ꁳ/ꐚ/ꈔ/ꈜ/ꇬ/ꊐ/ꎻ/ꌠ/ꉬ/ꅊꇈ。

19 ꋀꊇ/ꋋꇅꃅ/ꄉ/ꈔꑍ/ꌐ！

ꐬꆠꑓꆠ/ꈬ/ꇬꄉ/ꈔꑍ/ꉱꇤ/ꀐ。

20 ꋀꊇ/ꆹ/ꀄꂼ/ꂷ/ꌡ，ꀀꐚ/ꇁ/ꄷꆏ/ꐘꀋꈨ，

ꌋ/ꀋ！ꆏ/ꀀꑌ/ꇀꄮ/ꇬꑌ，ꋀꊇ/ꆏ/ꉜ/ꌊ/ꁰꒌ/ꈨ/ꀉꄂ/ꌡ/ꌠ/ꉬ。

21 ꑠꅹ，ꉢ/ꉌꎭꑓꅧ，

ꉠ/ꋍꃀ/ꉌꂵ/ꅅꃅ/ꉀ/ꌠ/ꌡ/ꄮꇬ，

22 ꉡ/ꆹ/ꊾꇰꑴꅑ/ꌧꅍ/ꇤꀠꀕ，

ꎇꃀ/ꂷ/ꌟꃅ/ꅽ/ꂾ/ꐥ/ꌠ/ꉬ/ꅊꇈ。

23 ꑠꃅ/ꑴꇬ，ꉢ/ꅉꀕꃅ/ꄉ/ꆏ/ꈽ/ꐥ，

ꆎ/ꆹ/ꉠ/ꇇ/ꇀꑳ/ꁆ/ꌠ/ꄷ/ꆏ/ꄏ/ꄉ/ꇬꎷ。

24 ꆏ/ꅽ/ꉙꅇꂘꅇ/ꌊ/ꉡ/ꏃꂠ/ꄉ，

ꊂ/ꇁ/ꋍ/ꑍ/ꆏ，ꉢ/ꀋꎪꃅ/ꆏ/ꋩ/ꌊ/ꀑꒉꑊꒉ/ꅉ/ꇬ/ꐥ/ꁧ/ꌠ/ꉬ。

25 ꆏ/ꀉꄂ/ꑲꆏ，ꉬꉎ/ꇬ/ꉢ/ꀉꁁ/ꈀꄸ/ꂷ/ꐥ/ꑴꌦ/ꂯ？

ꆏ/ꀉꄂ/ꑲꆏ，ꉬꐮ/ꀉꁁ/ꉢ/ꇫ/ꉂ/ꌠ/ꀋ/ꐥ/ꀐ。

26 ꉠ/ꇭꀧ/ꌋꆀ/ꉌꂵ/ꐯꇯ/ꊋꁧꌗꁧ/ꇁ/ꑴꇬ，

ꏃꃅꌋ/ꆹ/ꉠ/ꈏꊋꉌꊋ/ꉬ，

ꐩꋊꐩꍂ/ꃅ/ꉠ/ꌒꃤ/ꑌ/ꉬ。

27 ꉜꄉ/ꅊꇈ！ꊿ/ꆎ/ꐞ/ꁧ/ꌠ/ꆏ，ꀋꎪꃅ/ꄉ/ꌦ/ꌠ/ꉬ；

ꊿ/ꆎ/ꐞ/ꌊ/ꎼꃅꃏꑽ/ꁧ/ꌠ/ꆹ，ꆏ/ꈔꋏ/ꇫ/ꎭ/ꌐ/ꌠ/ꉬ。

28 ꄚ/ꉢ/ꏃꃅꌋ/ꊫꁠ/ꄉ/ꐥ/ꇬ/ꉠ/ꈲꏣ/ꐥ。

ꉡ/ꆹ/ꌋ/ꑳꀊꊆ/ꉢ/ꄻ/ꉠ/ꁾꅉ/ꃅꄉ；

ꉢ/ꀋꎪꃅ/ꅽ/ꃅꐨꑽꑌ/ꈀꐥꌠ/ꄜꁊ/ꌠ/ꉬ。