ꆀꑭꂰꄯꒉ 9

ꑱꌝꆀ/ꊿ/ꋀ/ꑽꃤ/ꉉꏚ

1 ꃅꆪ/ꋋ/ꆪ/ꑍꊎꇖ/ꑍ/ꄹꉇ/ꌠ/ꆏ，ꑱꌝꆀ/ꊿ/ꆹ/ꋀ/ꑽꃤ/ꐛꅹ/ꃅ/ꐯꏑ/ꄉ/ꋚꈻ/ꇈ，ꇭꀧ/ꃆꁁ/ꃢꈜ/ꈚ、ꀂꏾ/ꌦꏭ/ꁊꌊ/ꐺ。 2 ꑱꌝꆀ/ꌺꇖ/ꊂꋊ/ꈧꌠ/ꆹ/ꉇꉻꊿ/ꌋꆀ/ꊨꄅ/ꂱꑱ/ꅉ/ꄉ/ꇈ，ꇬꉆ/ꄉ/ꋀ/ꊨꏦ/ꑽꃤ/ꌋꆀ/ꋀ/ꁍꁈ/ꑽꃤ/ꉉꏚ。 3 ꀊꋨꄹꉇ，ꋀ/ꂱꑱ/ꊨꏦ/ꉆ/ꅉ/ꉆ/ꄉ，ꄮꈉ/ꌕ/ꂷ/ꆏ/ꃚꐓ/ꄉ/ꑳꀊꊆ-/ꋀ/ꏃꃅꌋ/ꄹꏦ/ꄯꒉ/ꀘ；ꋍ/ꊂ/ꄮꈉ/ꌕ/ꂷ/ꆏ，ꋀ/ꌌ/ꑽꃤ/ꉉꏚ、ꑳꀊꊆ-/ꋀ/ꏃꃅꌋ/ꏭ/ꇗꅉꃅ。 4 ꑳꎺꑸ、ꀠꆀ、ꏧꂱ、ꏃꀠꆀ、ꀯꆀ、ꏃꆀꀘ、ꀠꆀ、ꏸꇁꆀ/ꏤ/ꐯꇯ/ꆺꃥꊿ/ꇓꄹ/ꊐ/ꌠ/ꇬ/ꉆ/ꄉ/ꇈ，ꃚꐓ/ꄉ/ꈧꊰꀕ/ꃅ/ꑳꀊꊆ-/ꋀ/ꏃꃅꌋ/ꏭ/ꇖꂟ。

5 ꆺꃥꊿ/ꌟꒉ/ꑳꎺꑸ、ꏧꂱ、ꀠꆀ、ꉳꎭꆀ、ꏃꆀꀘ、ꉼꄃꑸ、ꏃꀠꆀ、ꀙꄤꑭꑸ/ꏤ/ꆏ/ꉹꁌ/ꈧꌠ/ꏭ：

“ꄓ/ꇬꉆ/ꄉ/ꐩꋊꐩꍂ/ꃅ/ꇫꐥꌠ/ꑳꀊꊆ-/ꆍ/ꏃꃅꌋ/ꏭ/ꍖꀴ”ꄷ，ꋍꈭꐨꆏ，ꋀꊇ/ꑠꃅ/ꈼꂟ：“ꑳꀊꊆ/ꀋ！ꅽ/ꂓꒉꌗꒉ/ꆹ/ꌌ/ꀭꄒ/ꋭ，ꋍꉎꀋꐥ/ꃅ/ꌌ/ꉙꍗ、ꀮꄑ/ꋭ/ꌠꉬ。 6 ꆏ/ꀉꄂ/ꑳꀊꊆ/ꉬ！ꆎ/ꆹ/ꃅꃴ/ꉎ/ꃅꃴ、ꃅꃴ/ꌋꆀ/ꃅꃴ/ꇬ/ꈁꅑꌠ、ꃄꅉ/ꌋꆀ/ꃄꅉ/ꇬ/ꈀꐥꌠ、ꎿ/ꌋꆀ/ꎿ/ꇬ/ꈀꐥꌠ/ꃅ/ꆏ/ꄻ/ꄉ/ꌐ/ꌠꉬ；ꋋꈨ/ꈀꐥꃅ/ꀑꇬ/ꆏ/ꄻ/ꇬ/ꁳ/ꌐ/ꌠꉬ。ꉬꉎ/ꂽꑼ/ꈧꌠ/ꑌ/ꅽ/ꏯ/ꇗꅉꃅ/ꌐ。

7 ꆎ/ꆹ/ꑳꀊꊆ-/ꏃꃅꌋ/ꉬ，ꀋꉊ/ꂴꏭ/ꑸꀨꇂ/ꆏ/ꌊꄻ/ꄉ，ꏦꇍꄂ/ꃅꄷ/ꃷꇓ/ꇓꈓ/ꄉ/ꆏ/ꏃ/ꅐꇁ/ꇈ，ꋍ/ꂓ/ꆏ/ꄺꀱ/ꌊ/ꑸꀨꇁꉴ/ꂓ/ꄉ。 8 ꋌ/ꀋꎪꀋꑴ/ꃅ/ꆎ/ꊝ/ꌠ/ꆏ/ꂿ/ꇬꆏ，ꆏ/ꋋ/ꌋꆀ/ꈌꁧ/ꏤꐪ/ꒃ/ꄉ，ꏦꇂ/ꊿ、ꉿ/ꊿ、ꑸꃀꆺ/ꊿ、ꀘꆺꑭ/ꊿ、ꑳꀯꌦ/ꊿ、ꇱꏦꌒ/ꊿ/ꀀꅉ/ꈧꌠ/ꃅ/ꆏ/ꈌꁧ/ꋍ/ꌺꇖ/ꊂꋊ/ꁵ/ꀐ；ꆎ/ꆹ/ꑖꉬ/ꊒꆽꆼ/ꂷ/ꉬ/ꐛꅹ，ꅽ/ꉉꅇ/ꈧꌠ/ꃅ/ꅇꅐ/ꌐ/ꀐ。

9 ꉪ/ꁍꁈ/ꉞꏹ/ꃅꄷ/ꄉ/ꎭꇂꅦꈠ/ꊝ/ꌠ/ꆏ/ꂿ/ꀐ，ꋀꊇ/ꎿꅪ/ꂶꌠ/ꏢꁮ/ꄉ/ꈧꊰꀕ/ꃅ/ꅽ/ꏯ/ꇖꂟ/ꌠ/ꅇꂷ/ꑌ/ꆏ/ꇫ/ꅲ/ꀐ。 10 ꆎ/ꆹ/ꉞꏹ/ꊿ/ꆺꒉꄇꀋꉆ/ꃅ/ꉪ/ꁍꁈ/ꆼꍅꆹꆋ/ꌠ/ꆏ/ꅉꐚ。ꑠꅹ，ꆏ/ꃅꐨꑽꑌ/ꂵꇖꀕ/ꌠ/ꃅ/ꄉ，ꉞꏹ/ꃰꃅ、ꇛꌺ/ꈧꌠ/ꌋꆀ/ꋍ/ꇩꏤ/ꉹꁌ/ꈀꐥꌠ/ꊝ。ꆏ/ꂓꒉꌗꒉ/ꊌ/ꀐ，ꅑꅸ/ꀃꑍ/ꋋ/ꄮ/ꑟ。 11 ꆏ/ꉪ/ꁍꁈ/ꂾꄉ/ꎿ/ꒉ/ꆏ/ꁸ/ꑍ/ꄷ/ꎭ/ꇈ，ꋀ/ꁳ/ꎿ/ꒉ/ꇢꊭ/ꃄꅉ/ꀊꃶ/ꅉ/ꇬ/ꈴ/ꁧ/ꎻ，ꉞꏹ/ꊿ/ꋀ/ꈹ/ꇁ/ꈧꌠ/ꆏ，ꇓꂵ/ꍞ/ꎿ/ꇬ/ꊐ/ꌠ/ꌟꃅ/ꆏ/ꅝ/ꎿ/ꉱ/ꊐ/ꇫꎭ/ꀐ。 12 ꋍꈭꐨꆏ，ꆎ/ꆹ/ꂵꆧ/ꆏ/ꃅꄂ/ꌷꁧ/ꌊ/ꋀ/ꈜ/ꏁ；ꈊꃀ/ꆏ/ꃆꄔ/ꌷꁧ/ꁳ/ꋀ/ꈝꃀ/ꇬ/ꁨ/ꎻ。

13 ꆏ/ꑭꆾ/ꉘꁌ/ꇬ/ꌵ/ꇁ/ꇈ，ꉬꉎ/ꄉ/ꋀ/ꏭ/ꅇ/ꉉ/ꈭꐨꆏ，ꎃꊒ/ꌠ/ꏥꏦ、ꃶꐚ/ꌠ/ꄹꏦ、ꉾꃪ/ꌠ/ꏦꃤ/ꆏ/ꄻ/ꋀ/ꇖ/ꀐ。 14 ꆏ/ꉈꑴ/ꑱꌝꆀ/ꊿ/ꁳ/ꅽ/ꑬꆏ/ꃅꑍ/ꌃꎔ/ꑍ/ꌠ/ꃆꂮ/ꅉꐚ/ꎻ，ꅽ/ꁏꐚ/ꃀꑭ/ꇇꄧ/ꈴꄉ/ꏥꏦ、ꃷꋪꏦꃤ/ꌋꆀ/ꄹꏦ/ꑠ/ꄻ/ꋀ/ꁳ。 15 ꋀ/ꂮꐚ/ꄮꇬꆏ，ꆏ/ꉬꉎ/ꄉ/ꋚ/ꄻ/ꋀ/ꍈ/ꇁ；ꋀ/ꒉ/ꌤ/ꄮꇬꆏ，ꆏ/ꇓꆈꀋꃀ/ꁳ/ꀆꐒ/ꁖ/ꄉ/ꄻ/ꋀ/ꄎ/ꎽ。ꆏ/ꉈꑴ/ꋀ/ꏭ/ꃅꄷ/ꆏ/ꈌꁧ/ꋀ/ꁳ/ꄉ/ꈚꌠ/ꇬ/ꍆꀀ/ꆹ/ꄷ/ꉉ。

16 ꄚ/ꉪ/ꁍꁈ/ꆹ/ꆺꒉꄇꒉ/ꇨ/ꄉ，ꆸꉈꆸꁁ/ꌊ/ꅽ/ꏥꏦ/ꍬ/ꀋ/ꅲ。 17 ꋀꊇ/ꅽ/ꅇꃅꉐꃅ/ꀋ/ꅲ，ꆏ/ꋀ/ꈬꄔ/ꄉ/ꈀꃅ/ꌠ/ꃅꐪꑽꑌ/ꂵꇖꀕ/ꈧꌠ/ꋀ/ꇬ/ꀋ/ꎺ。ꋀꊇ/ꆸꉈꆸꁁ，ꉇꉈꃅ/ꆎ/ꆼꁏ，ꋀ/ꊨꏦ/ꏲꌋ/ꂷ/ꋀ/ꌊꄻ/ꄉ/ꇈ，ꀱ/ꉈꑴ/ꋀ/ꁏꐚ/ꃅ/ꀊꄶ/ꐥ/ꋺ/ꅉ/ꉞꏹ/ꃅꄷ/ꁧ/ꏭꄐ。ꄚ/ꆎ/ꆹ/ꄸꈐ/ꊿ/ꏆꑭꑌ、ꉌꆓꑌ、ꊾ/ꎭꃅꉈ、ꈝꐮꃅ/ꇨꇅꀋꃃ、ꉂꐪ/ꈁꅼꀕ/ꃅ/ꑌ/ꌠ/ꏃꃅꌋ/ꉬ/ꐛꅹ，ꋀꊇ/ꆏ/ꇤ/ꇬ/ꀋ/ꎭ。 18 ꋀꊇ/ꆹ/ꊨꏦ/ꎁꃅ/ꇌꉘꌺ/ꁰ/ꏢ/ꋀ/ꏸ/ꋀ/ꎵ/ꄉ/ꇈ，ꋋ/ꏢ/ꆹ/ꉞꏹ/ꄉ/ꋀ/ꋌ/ꏃ/ꅐꇁ/ꌠ/ꌋ/ꉬ/ꑴꄷ/ꉉ，ꑠꅹ，ꋀꊇ/ꆹ/ꑽꃤꆈꒉ/ꀕ/ꌠ/ꐆ/ꄉ/ꆎ/ꍍꋉꄸꄀ/ꀐ。

19 ꄚ/ꑠꃅꑴꇬ，ꆎ/ꆹ/ꎭꃅꉇꑭ/ꈁꅼꀕ/ꌠ/ꑌ/ꐛꅹ，ꋀꊇ/ꆏ/ꍞ/ꇈꈬꅔꈋ/ꇬ/ꀋ/ꎭ。ꂵꆧ/ꆏ，ꃅꄂ/ꌷꁧ/ꋀ/ꀋ/ꐞ/ꃅ/ꋀ/ꈜ/ꏁ；ꈊꃀ/ꆏ，ꃆꄔ/ꌷꁧ/ꁳ/ꋀ/ꈝꃀ/ꇬ/ꁨ/ꎻ。 20 ꆎ/ꆹ/ꅽ/ꂄꎔ/ꌠ/ꒌ/ꂶꌠ/ꆏ/ꁆꌌ/ꋀ/ꉗ/ꋀ/ꂘ/ꇁ，ꋠꅍ/ꂸꆆ/ꀋꆏꃅ/ꆏ/ꄻ/ꋀ/ꍈ，ꀆꐒ/ꀋꈘꃅ/ꆏ/ꄻ/ꋀ/ꄎ。 21 ꋀꊇ/ꇈꈬꅔꈋ/ꇖꊰ/ꈎ/ꐥ，ꄚ/ꆏ/ꋀꊇ/ꀨꎹ/ꆽꃴ/ꐛꅹ，ꋀꊇ/ꆹ/ꀋ/ꇎ/ꅍ/ꀋ/ꐥ，ꃢꈜ/ꑌ/ꈚ/ꆽ/ꀋ/ꈘ，ꑭꁆ/ꑌ/ꊉ/ꀋ/ꋻ。

22 ꆎ/ꆹ/ꀉꁁ/ꇩꏤ/ꌋꆀ/ꌞ/ꊿꋅ/ꈧꌠ/ꆏ/ꏮ/ꋀ/ꇇꈐ/ꇬ/ꊐ/ꇈ，ꃄꅉ/ꈪꇑꈪꍣ/ꈀꐥꅉ/ꃅ/ꆏ/ꏮ/ꋀ/ꁳ/ꌐ/ꀐ。ꑠꃅꄉ，ꋀꊇ/ꆹ/ꑭꉼ/ꃰꃅ/ꏱ/ꅉ/ꑝꏃꀘ/ꃅꄷ/ꌋꆀ/ꀔ/ꃰꃅ/ꏱ/ꅉ/ꀠꎭ/ꃅꄷ/ꋀ/ꇑ/ꅜ/ꀐ。 23 ꆏ/ꉈꑴ/ꋀ/ꁳ/ꌺꇖ/ꊂꋊ/ꃅꃴ/ꃅꏸ/ꌟꃅ/ꐍꐷꀕ/ꎻ，ꄷꀋꁧ/ꋀꊇ/ꆏ/ꏃꌊ/ꃅꄷ/ꆏ/ꈌꁧ/ꋀ/ꁍꁈ/ꁵ/ꄉ/ꁍꑗ/ꄉꈁ/ꃅ/ꎻ/ꈚ/ꌠ/ꇬ/ꃹ/ꆹ。 24 ꑠꃅꄉ，ꋀꊇ/ꏦꇂ/ꃅꄷ/ꀊꋩ/ꈚ/ꇬ/ꃹ/ꆹ/ꈭꐨꆏ，ꊿ/ꂴ/ꀊꄶ/ꀀ/ꇊ/ꈧꌠ/ꋀ/ꂾꄉ/ꆏ/ꆼꍅ/ꇂꃴ/ꅞ/ꇈ，ꏦꇂ/ꃅꄷ/ꃰꃅ/ꈧꌠ/ꌋꆀ/ꊿꋅ/ꀊꄶꇬ/ꈁ/ꀀ/ꈧꌠ/ꃅ/ꐯꇯ/ꆏ/ꏮ/ꑱꌝꆀ/ꊿ/ꇇꈐ/ꊐ/ꄉ，ꋀ/ꁳ/ꈁꏾꃅ/ꇫ/ꊝ/ꎻ。 25 ꋀꊇ/ꆹ/ꇓꈓ/ꈫꈈ/ꈧꌠ、ꃄꅉ/ꈁꂄꀕ/ꌠ、ꑳꇤ/ꎊꈬ/ꈀꉾꀕ/ꑠ/ꐛ/ꃅ/ꀀ/ꌠ、ꀆꐒ/ꊐ/ꅉ/ꅤ/ꄉ/ꌠ、ꑌꃀꌧꊈ/ꉻꈫ、ꏝꃴꀋꍰ/ꉻꈫ/ꌋꆀ/ꀉꁁ/ꌩꋚꇓꂷ/ꁦꀕ/ꈧꌠ/ꐯꇯ/ꋀ/ꇑ/ꅜ/ꌐ/ꀐ。ꋀꊇ/ꋟ/ꀕ/ꌋꆀ/ꉆꐦꉆꆽ/ꅍ/ꇫꎍ/ꀐ；ꋀꊇ/ꆹ/ꅽ/ꑆꊋ/ꐛꅹ/ꃅ/ꄉ/ꐥꌒꄻꌒ/ꇧꁠ/ꀐ。

26 ꄚ，ꋀꊇ/ꆹ/ꅽ/ꅇꃅ/ꀋ/ꅲ/ꃅ，ꀱꌊ/ꆎ/ꆼꁏ/ꇁ。ꋀꊇ/ꅽ/ꄹꏦ/ꋀ/ꍞ/ꋀ/ꊂꆈ/ꎭ/ꇈ，ꅽ/ꅇꄜꊿ/ꋀ/ꏭ/ꀱ/ꅽ/ꄹ/ꇁ/ꄷ/ꅇꈪꊐ/ꈧꌠ/ꋀ/ꌉ/ꇫꎭ/ꄉ，ꇨꐯꇨ/ꃅ/ꆎ/ꍍꋉꄸꄀ/ꀐ。 27 ꑠꅹ，ꑱꌝꆀ/ꊿ/ꆹ/ꆏ/ꇱ/ꏭ/ꁮꐚ/ꇇꈐ/ꊐ/ꇈ，ꁮꐚ/ꁳ/ꌌ/ꇴꐔꆽꍀ/ꎽ。ꄚ/ꋀꊇ/ꎭꇂꅦꈠ/ꊝ/ꄉ/ꈧꊰꀕ/ꃅ/ꀱꌊ/ꅽ/ꏭ/ꇖꂟ/ꇀ/ꄮꇬꆏ，ꆎ/ꆹ/ꉬꉎ/ꄉ/ꋀꊇ/ꈼꅇꂟꅇ/ꅲ。ꆎ/ꆹ/ꎭꃅꉇꑭ/ꈁꅼꀕ/ꌠ/ꑌ/ꄉ，ꈭꋏ/ꊾ/ꈨ/ꆏ/ꁆ/ꎼ/ꇁ/ꇈ，ꋀꊇ/ꋌ/ꇱ/ꈭꋏ/ꌊ/ꁮꐚ/ꇇꈐ/ꐞ。

28 ꄚ/ꋀꊇ/ꆹ/ꐥꌒꄻꌒ/ꋬꂻ/ꁣꀋꐥ/ꄮꇬꆏ，ꉈꑴ/ꅽ/ꂾꄉ/ꄸꃅꅠꑽ/ꌦ/ꀐ，ꑠꅹ，ꋀꊇ/ꆏ/ꍞ/ꇫꎭ/ꇈ，ꆏ/ꇱ/ꏮ/ꁮꐚ/ꇇꈐ/ꊐ/ꄉ，ꁮꐚ/ꁳ/ꌌ/ꇧꊋ/ꎻ；ꑠꃅꑴꇬ，ꋀꊇ/ꈧꊰꀕ/ꃅ/ꀱꌊ/ꉈꑴ/ꅽ/ꏯ/ꇖꂟ/ꇁ/ꇬꆏ，ꆎ/ꆹ/ꉬꉎ/ꄉ/ꋀ/ꇖꅇꂟꅇ/ꅲ/ꌦ/ꀐ，ꄷꀋꁧ/ꎭꃅꉇꑭ/ꑌ/ꄉ/ꈍ/ꑍ/ꃢ/ꃅ/ꋀ/ꈭꋏ/ꇬꎷ。

29 ꆏ/ꋀ/ꏭ/ꅇꈪꊐ/ꄉ，ꋀ/ꁳ/ꀱ/ꅽ/ꄹꏦ/ꍬ/ꇁ/ꎻ。ꄚ/ꋀꊇ/ꆹ/ꆺꒉꄇꒉ/ꌊ/ꅽ/ꏥꏦ/ꀋ/ꍬ/ꃅ，ꀱꌊ/ꅽ/ꏥꏦ/ꐆ/ꐺ；ꊾ/ꆹ/ꏥꏦ/ꋍ/ꑠ/ꍬ/ꑲꆀ/ꐥꐨ/ꇯꍝꃅ/ꉾꃪ/ꄎ/ꌠꉬ。ꋀꊇ/ꇴꏂꆸꏂ、ꆸꉈꆸꁁ/ꌊ/ꅽ/ꅇꃅ/ꀋ/ꅲ。 30 ꆏ/ꃅꈎ/ꈍꑋ/ꈓ/ꃅ/ꋰꄉ/ꋀ/ꐊ/ꅷꇁ/ꇬꎷ，ꉈꑴ/ꅽ/ꒌ/ꂶꌠ/ꁳ/ꇁ/ꅽ/ꅇꄜꊿ/ꌵ/ꄉ/ꋀ/ꏭ/ꅇꈪꊐ/ꎻ，ꑠꃅꑴꇬ，ꋀꊇ/ꄡꇗ/ꅽ/ꅇ/ꀋ/ꅲ，ꑠꅹ，ꋀꊇ/ꆏ/ꏮ/ꀉꁁ/ꊿꋅ/ꇇꈐ/ꊐ/ꇫꎭ。 31 ꄚ/ꆎ/ꆹ/ꎭꃅꉇꑭ/ꈁꅼꀕ/ꌠ/ꑌ/ꐛꅹ，ꋀꊇ/ꆏ/ꈔꋏ/ꉱꇤ/ꇫꎭ/ꀋ/ꌐ，ꐥꍂꃅ/ꆏ/ꍞ/ꇫꎭ/ꌠ/ꑌ/ꀋ/ꉬ，ꑞꃅꆏ，ꆎ/ꆹ/ꉌꆓꑌ/ꇈ/ꊾ/ꎭꃅꉈ/ꌠ/ꏃꃅꌋ/ꉬ。

32 ꉪ/ꏃꃅꌋ/ꀋ！ꆎ/ꆹ/ꋍꉎꀋꐥꌠ、ꀋꄐꅍꀋꐥꌠ、ꊽꃪꉬꌠ、ꏤꐪ/ꁨ/ꇈ/ꀋꑍꀋꈤ/ꉂꐪ/ꑌ/ꌠ/ꏃꃅꌋ/ꉬ；ꉪ/ꃰꃅ、ꏲꌋꂠꌋ、ꆦꑝꊿ、ꌋꅇꄜꊿ、ꁍꁈ/ꌋꆀ/ꅽ/ꉹꁌ/ꈧꌠ/ꆹ/ꑸꎽ/ꃰꃅ/ꈧꌠ/ꏱ/ꄮ/ꅑꅸ/ꀃꑍ/ꋋ/ꄮ/ꑟ/ꌠ/ꃅ，ꎭꇂꅦꈠ/ꈀꇨꀕ/ꌠ/ꊝ/ꅗ/ꀐ，ꆏ/ꑴꌠ/ꋍꑠ/ꉜ/ꌊ/ꀄꊭꀄꑐꌠ/ꃅ/ꄡ/ꄉ/ꅊꇈ。 33 ꑗꉘ/ꆏꄻ/ꉪ/ꀂꏽ/ꌸ/ꎻ/ꋍꑠ/ꃆꂮ/ꇬ，ꆎ/ꆹ/ꑖꉬꊒꆽꀕꌠꉬ，ꑞꃅꆏ，ꅽ/ꃅꐨ/ꆹ/ꀋꎪꀋꎙ，ꉪ/ꃅꐨ/ꆹ/ꄷꅠ/ꆈꒉꀕ。 34 ꉪ/ꃰꃅ、ꏲꌋꂠꌋ、ꆦꑝꊿ/ꌋꆀ/ꁍꁈ/ꐯꇯ/ꅽ/ꄹꏦ/ꀋ/ꈴ，ꅽ/ꏥꏦ/ꀋ/ꍬ，ꆏ/ꋀ/ꏭ/ꅇꈪꊐ/ꅇ/ꑠꑌ/ꋀ/ꇬ/ꀋ/ꅲ。 35 ꋀꊇ/ꊨꏦ/ꇩꏤ/ꄉ/ꅽ/ꑆꊋ/ꈀꄖꀕ/ꌠ/ꋀ/ꊌ/ꄮꇬ，ꃄꅉ/ꈁꂄꈁꎔ/ꀕ/ꑠ/ꆏ/ꄻ/ꋀ/ꇖ/ꀐ/ꑴꇬ，ꄚ/ꋀꊇ/ꆹ/ꋀ/ꄸꃤꅠꃤ/ꈧꌠ/ꐞ/ꄉ/ꅽ/ꎁꃅ/ꌤꃅ/ꇁ/ꀋ/ꅲ。

36 ꀊꇷ！ꀃꑍ/ꆏ/ꉪꊇ/ꇁ/ꌞ/ꁏꐚ/ꐛ/ꀐ！ꃅꄷ/ꋌ/ꈚ/ꆹ/ꆏ/ꄻ/ꉪ/ꁍꁈ/ꇖ/ꄉ，ꋀ/ꁳ/ꅐꇐ/ꌋꆀ/ꋠꇐ/ꈁꎔꀕ/ꌠ/ꊌ/ꎻ/ꌠ，ꄚ/ꉪꊇ/ꆹ/ꃅꄷ/ꋌ/ꈚ/ꇬꄉ/ꇁ/ꌞ/ꁏꐚ/ꐛ/ꀐ。 37 ꉪꊇ/ꑽꃤ/ꐆ/ꐛꅹ，ꌞ/ꃰꃅ/ꈨ/ꆏ/ꁆ/ꌌ/ꉪ/ꄩ/ꏲ/ꇁ/ꎻ/ꄉ，ꃅꄷ/ꋌ/ꈚ/ꇬ/ꅐꇐ/ꈀꐥꌠ/ꃅ/ꃰꃅ/ꈧꌠ/ꃤ/ꐛ/ꁧ/ꌐ/ꀐ。ꋀꊇ/ꈁꏾꃅ/ꉪ/ꇭꀧ/ꌋꆀ/ꉪ/ꎇꃀꍅꑓ/ꄩ/ꇧꊋ/ꐛꅹ，ꉪꊇ/ꆹ/ꑗꉘ/ꃴꇉꀕ/ꌠ/ꊝ/ꀐ”ꄷ。

38 ꌤꆿ/ꈀꅐ/ꋌꈧ/ꐛꅹ/ꃅ，ꉪꊇ/ꏤꐪ/ꏟꈯꀕ/ꑠ/ꏢ/ꒃ/ꄉ/ꇈ/ꄯꒉ/ꃅ/ꁱ/ꇬ/ꐓ/ꄉ/ꀐ。ꉪ/ꏲꌋꂠꌋ、ꆺꃥꊿ/ꌋꆀ/ꆦꑝꊿ/ꐯꇯ/ꇇꃀ/ꍅ/ꄉ/ꌐ/ꀐ。