ꑱꆀꎭ/ꇁꌊ/ꎺꆃ/ꌋꅪ/ꂷ/ꇇꀤ
4
8 ꋍꑍ/ꆏ，ꑱꆀꎭ/ꎺꆃ/ꇓꈓ/ꈴꒉ/ꇈ，ꀊꄶ/ꇬ/ꌣꈚ/ꀋꃀ/ꑠꂷ/ꆏ/ꄀꇗ/ꄉ/ꑱꆀꎭ/ꋌ/ꇴꌊ/ꋍꏤ/ꁹ/ꁧ；ꋋꇈꉈ/ꆏ，ꑱꆀꎭ/ꋍꃢꋑꀋꋒ/ꀊꄶ/ꇬ/ꈴꒉ/ꑲꆏ，ꋀ/ꅍ/ꁹ/ꆹ/ꇬꎷ。 9 ꀋꃀ/ꂶꌠ/ꆏ/ꋍ/ꌐꃶ/ꏭ：“ꉢ/ꅽ/ꏯ/ꉉ！ꊿ/ꄚ/ꉪ/ꅍ/ꈴꁧ/ꇬꎷ/ꋋꂷ/ꆹ/ꌃꎔꌠ/ꌋꅇꄜꊾ/ꂷ/ꉬꌠ/ꉢ/ꅉꐚ。 10 ꉪꊇ/ꋍ/ꎁꃅ/ꑲꏾ/ꇬ/ꑳꁥ/ꌹꍈ/ꋉꄉ/ꑲꆀ，ꀀꈤ、ꋠꄜ、ꀨꄂ、ꂷꇭ/ꑠ/ꄻ/ꇫꄉ/ꇈ，ꋌ/ꉪꅍ/ꇀ/ꄮꇬꆏ，ꋌ/ꁳ/ꀊꄶ/ꇬ/ꀀ/ꎽ/ꂿ”ꄷ。11 ꊁ/ꋍꑍ/ꆏ，ꑱꆀꎭ/ꇁꌊ/ꎺꆃ/ꇓꈓ/ꑞ/ꌦ/ꇈ，ꋌ/ꆹꌊ/ꑳꁥ/ꌺꍇ/ꌠ/ꇬꄉ/ꑬꆏ。 12 ꑱꆀꎭ/ꆏ/ꋍ/ꁏꐚ/ꏸꉳꑭ/ꏭ：“ꆏ/ꎺꆃ/ꌋꅪ/ꂶꌠ/ꇴꌊ/ꄩꇁ”ꄷ/ꉉ。ꄚꄉ，ꌋꅪ/ꂶꌠ/ꋌ/ꇴꌊ/ꇁ/ꇈ，ꀃꈈ/ꁭꑭ/ꉆ/ꀐ。 13 ꑱꆀꎭ/ꆏ/ꋍ/ꁏꐚ/ꂶꌠ/ꏭ：“ꆏ/ꇬ/ꏭ：‘ꆏ/ꉪ/ꎁꃅ/ꈁꄽ/ꎭꏿ/ꀐ，ꉢ/ꈍꃅ/ꅽ/ꇇꀤ/ꂯ/ꀋ？ ꆏ/ꌤꆿ/ꉢ/ꅽ/ꎁꃅ/ꃰꃅ/ꏭ/ꅀ/ꂽꏃꌊꁈ/ꏭ/ꉉ/ꆹ/ꈇꅍ/ꐤꀕ？’ꄷ/ꅲ”ꄷ。
ꌋꅪ/ꂶꌠ/ꆏ/ꇬ/ꏭ：“ꉉ/ꈇ/ꅍ/ꀋ/ꐥ！ꉢ/ꉠ/ꏣꃀꏣꑟ/ꈬ/ꇬ/ꀀ”ꄷ/ꅇꀱ。
14 ꑱꆀꎭ/ꆏ/ꁏꐚ/ꏸꉳꑭ/ꏭ：“ꉢ/ꋍ/ꎁꃅ/ꑡꍈ/ꃅꄈ/ꍑ/ꏭꐛ/ꀋ？”ꄷ。
ꏸꉳꑭ/ꆏ/ꇬ/ꏭ：“ꋌ/ꌹꍈ/ꀋ/ꐥ，ꋍ/ꌐꃶ/ꑌ/ꃀꌠ/ꀐ”ꄷ。
15 ꑱꆀꎭ/ꆏ/ꁏꐚ/ꂶꌠ/ꏭ：“ꆏ/ꌋꅪ/ꂶꌠ/ꇴꌊ/ꇀ/ꌦ”ꄷ。ꑠꃅꄉ，ꌋꅪ/ꂶꌠ/ꋌ/ꇴꌊ/ꇁ/ꇈ，ꀃꈈ/ꁭꑭ/ꉆ/ꌦ/ꀐ。 16 ꑱꆀꎭ/ꆏ/ꌋꅪ/ꂶꌠ/ꏭ：“ꑎꄻꈎ/ꀋꃅ/ꋍꄮ/ꇬꆏ，ꆏ/ꀋꎪꃅ/ꄉ/ꌹꍈ/ꊌ/ꇁ/ꌠꉬ”ꄷ。
ꌋꅪ/ꂶꌠ/ꆏ：“ꏃꃅꌋ/ꅇꄜꊿ-ꉠ/ꌌꁈ/ꀋ！ꆏ/ꑠꃅ/ꈱ/ꅽ/ꁏꃀ/ꄡ/ꊏ”ꄷ。
17 ꄚ/ꊁꆏ，ꑱꆀꎭ/ꋍ/ꏭ/ꈁꉉꌠ/ꌟꃅ，ꌋꅪ/ꂶꌠ/ꆹ/ꇯꍝꃅ/ꃴꑌ/ꇈ，ꊁ/ꄹꈎ/ꀊꋨ/ꄮꇬꆏ，ꌹꍈ/ꒆ/ꀐ。
18 ꀉꑳ/ꍇꌠ/ꋍꑍꋍꉙ/ꃅꄉ/ꒆ/ꀉꒉ/ꀐ。ꋍꑍ/ꆏ，ꋌ/ꁖꌌ/ꉈꏭ/ꋚꒇꒈꋩ/ꊿ/ꈧꌠ/ꈬꄔ/ꇬ/ꋍ/ꀉꄉ/ꄷ/ꆹ。 19 ꋋꇅꃅ/ꀉꑳ/ꍇꌠ/ꋍ/ꀉꄉ/ꏭ：“ꉠ/ꀂꏾ/ꆅ！ꉠ/ꀂꏾ/ꆅ/ꇧꁠ/ꀐ！”ꃅꄉ/ꏅ。
ꋍ/ꀉꄉ/ꆏ/ꁏꐚ/ꂷ/ꏭ：“ꄌꏁ/ꋍ/ꀉꂿ/ꄷ/ꒉ”ꄷ。
20 ꁏꐚ/ꂶꌠ/ꆏ/ꀉꑳ/ꋌ/ꄌꌊ/ꁧ/ꇈ，ꄻ/ꋍ/ꀉꂿ/ꁵ/ꀐ；ꀉꑳ/ꍇꌠ/ꋍ/ꀉꂿ/ꄌ/ꂣꈐ/ꇬ/ꊐꄉ/ꅷ/ꂵꆧ/ꑟ/ꇬꆏ，ꌦ/ꆘꅝ/ꀐ。 21 ꀉꑳ/ꀉꂿ/ꆏ/ꀉꑳ/ꍇꌠ/ꋌ/ꄌꌊ/ꄩ/ꌋꅇꄜꊿ/ꂶꌠ/ꀀꅉ/ꇬ/ꅞꄉ/ꇈꀕ，ꀃꈈ/ꁬꌠ/ꋌ/ꈢ/ꄉ/ꁖ/ꇁ/ꀐ。 22 ꋍꈭꐨꆏ/ꋌ/ꋍ/ꌐꃶ/ꂶꌠ/ꇴ/ꄉ，ꇬ/ꏭ：“ꆏ/ꉆꐥꃅ/ꁏꐚ/ꂷ/ꇤꅷ/ꑾꃅꏷꀕ/ꂷ/ꈻꌊ/ꉢ/ꁳ/ꇁ/ꎻ，ꉢ/ꉆꐥꃅ/ꌋꅇꄜꊿ/ꂶꌠ/ꂿꁧ/ꑲꆀ，ꀱ/ꇁ/ꂿ”ꄷ。
23 ꌐꃶ/ꂶꌠ/ꆏ/ꇬ/ꏭ：“ꀃꑍ/ꅂꀨꄹꉇ/ꌠ/ꀋ/ꉬ，ꑬꆏ/ꃅꑍ/ꄹꉇ/ꌠ/ꑌ/ꀋ/ꉬ，ꆏ/ꑞꃅ/ꇫ/ꂿ/ꁧ/ꄷ/ꌠꉬ？”ꄷ。
ꀋꃀ/ꂶꌠ/ꆏ/ꇬ/ꏭ：“ꌤ/ꀋ/ꐥ/ꇆ”ꄷ。
24 ꑠꃅꄉ，ꀋꃀ/ꂶꌠ/ꆹ/ꑾꃅꏷꀕ/ꋌ/ꊀꄅ/ꄉ/ꇈ，ꁏꐚ/ꂶꌠ/ꏭ：“ꑷ！ꉢ/ꅽ/ꏯ/ꀅꌳ/ꃅ/ꑷ/ꄷ/ꉉ/ꌠ/ꀋ/ꉬ/ꑲꆏ，ꆏ/ꐳꃅꄉ/ꏶ/ꅸ/ꑷ/ꇬꎷ”ꄷ。 25 ꀋꃀ/ꂶꌠ/ꆏ/ꏦꂱ/ꉘꁌ/ꏭꄉ/ꌋꅇꄜꊿ/ꂶꌠ/ꎹ/ꁧ/ꀐ。
ꑱꆀꎭ/ꆹ/ꀋꃀ/ꂶꌠ/ꈜꎴ/ꃅꄷ/ꇁ/ꑴꌦ/ꇯꆐ/ꋌ/ꊌꂿ/ꄉ，ꋍ/ꁏꐚ/ꏸꉳꑭ/ꏭ：“ꇬꉚ！ꎺꆃ/ꇓꈓ/ꌋꅪ/ꂶꌠ/ꇁ/ꀐ！ 26 ꆏ/ꀋꃅ/ꀥ/ꇫ/ꋩ/ꒉ/ꑲꆀ，ꋍ/ꏭ：‘ꆍ/ꏤ/ꋬꂻ/ꑴ/ꀞ？ ꅽ/ꀋꁧ/ꀉꑳ/ꐯꇯ/ꒉꄚꇁꄿ/ꑴꄹ？’ꄷ/ꅇꄜ/ꒉ”ꄷ。
ꌋꅪ/ꂶꌠ/ꆏ/ꏸꉳꑭ/ꏭ：“ꋬꂻ/ꌐ！”ꄷ。
27 ꌋꅪ/ꂶꌠ/ꇁꌊ/ꉘꁌ/ꇬ/ꌋꅇꄜꊿ/ꑱꆀꎭ/ꂾ/ꑟ/ꈭꐨꆏ，ꋌ/ꌦ/ꇁ/ꑱꆀꎭ/ꏸꑭ/ꇬ/ꎑ。ꄚꄉ，ꏸꉳꑭ/ꆹꌊ/ꁨꄉ/ꌋꅪ/ꂶꌠ/ꆷ/ꉈꑴ/ꎭ/ꂿꄷ/ꇬꆏ，ꑱꆀꎭ/ꇬ/ꏭ：“ꆷ/ꌋꀋꌸ！ꑞꃅꆏ，ꋌ/ꉌꂵ/ꐒꅍꊀꅍ/ꐥ/ꀐ，ꄚ/ꑳꀊꊆ/ꆹ/ꉠ/ꃀ/ꂁ/ꄉ，ꌤ/ꋌ/ꐘ/ꋌ/ꉉ/ꉢ/ꀋ/ꇰ”ꄷ。
28 ꄚꄉ，ꌋꅪ/ꂶꌠ/ꇬ/ꏭ：“ꌌꁈ/ꀋ！ꉢ/ꅽ/ꏯ/ꌹꍈ/ꇖꂟ/ꋺ/ꑴꅀ？ ꉢ/ꅽ/ꏯ/ꆏ/ꈱ/ꉢ/ꄡ/ꊏ/ꄷ/ꉉ/ꀋ/ꋻ/ꅀ？”ꄷ。
29 ꑱꆀꎭ/ꆏ/ꏸꉳꑭ/ꏭ：“ꆏ/ꉆꐥꃅ/ꄐꏤ/ꄉ，ꉠ/ꄯꁯ/ꏡꌠ/ꄻ/ꇇꊭ/ꌊ/ꋀ/ꅍ/ꉜꄉ/ꒉ，ꀋꄸꄷ/ꈝꃀ/ꇬ/ꊿ/ꆎ/ꋒ/ꇁ/ꇬ，ꋍ/ꏭ/ꅇ/ꄡ/ꄜ；ꊿ/ꅽ/ꏯ/ꅇꄜ/ꇬꑌ，ꆏ/ꇫ/ꅇ/ꄡ/ꀱ。ꇫꑟ/ꈭꐨꆏ，ꆏ/ꑴꌠ/ꉠ/ꄯꁯ/ꏡꌠ/ꄻ/ꀉꑳ/ꍇꌠ/ꈁꑓ/ꄩ/ꅞ/ꄉ”ꄷ。
30 ꀉꑳ/ꀉꂿ/ꂶꌠ/ꆏ/ꇬ/ꏭ：“ꉢ/ꐩꋊꐩꍂ/ꃅ/ꇫꐥꌠ/ꑳꀊꊆ/ꏭ/ꄐꄉ/ꅇꏤ/ꒃ，ꉈꑴ/ꅽ/ꏯ/ꑌ/ꅇꏤ/ꒃ，ꆏ/ꉡ/ꐊ/ꀋ/ꁧ/ꑲꆏ，ꉡ/ꆹ/ꈍꃅꑌ/ꀱ/ꀋ/ꁧ/ꌠꉬ”ꄷ。ꑠꅹ，ꑱꆀꎭ/ꑌ/ꑭꄑ/ꇫꐊ/ꁧ/ꀐ。
31 ꏸꉳꑭ/ꆹ/ꂴ/ꁧ/ꇈ，ꄯꁯ/ꏡꌠ/ꋌ/ꄻ/ꀉꑳ/ꍇꌠ/ꈁꑓ/ꄩ/ꅞ/ꄉ/ꀐ，ꄚ/ꀉꑳ/ꍇꌠ/ꌗꍈ/ꑌ/ꀋ/ꈴ，ꇙꁱꑌꀋꋏ。ꄚꄉ，ꏸꉳꑭ/ꀱ/ꈝꂾ/ꇬꄉ/ꑱꆀꎭ/ꂿ/ꇁ/ꇈ，ꇬ/ꏭ：“ꀉꑳ/ꍇꌠ/ꇬ/ꄑ/ꀋ/ꇁ！”ꄷ。
32 ꑱꆀꎭ/ꇫꑟ/ꇁ/ꇈ，ꑳꁥꌺ/ꇬ/ꉜ/ꆹ/ꇬꆏ，ꀊꁣ！ꀉꑳ/ꍇꌠ/ꌦ/ꋍ/ꀀꈤ/ꇬ/ꀀ/ꀐ/ꅊꇈ。 33 ꑱꆀꎭ/ꈐꏭ/ꃹ/ꆹ/ꈭꐨꆏ，ꀃꈈ/ꁬꌠ/ꋌ/ꈢ/ꐯꇯ/ꄉ/ꇈ，ꋌ/ꀉꄂ/ꀉꑳ/ꂶꌠ/ꏢꁮ/ꇬꄉ/ꑳꀊꊆ/ꏭ/ꈼꂟ， 34 ꋍꈭꐨꆏ，ꋌ/ꅂ/ꀀꈤ/ꇬꄉ/ꈂꀸꈂꀸ/ꐯꊒ，ꑓꋪꑓꋪ/ꐮꊒ，ꇇ/ꌋꆀꇇ/ꐮꊒ/ꃅꄉ/ꃃꇵꀕ/ꀉꑳ/ꍇꌠ/ꄩ/ꀀ/ꇬꆏ，ꀉꑳ/ꍇꌠ/ꑅꎸ/ꀅꌳꀅꌳ/ꃅꄉ/ꊷꆣ/ꃅ/ꐙ/ꇁ/ꀐ。 35 ꄚꄉ，ꑱꆀꎭ/ꆹ/ꄓꇁ/ꈭꐨꆏ，ꑳ/ꂶꌠ/ꇬꄉ/ꀱꒊꀱꇁ/ꋍꏮꀕ/ꇈ，ꋌ/ꅂ/ꀀꈤ/ꇬꄉ/ꃃꇵꀕ/ꀉꑳ/ꂶꌠ/ꄩ/ꀀ/ꌦ/ꀐ。ꋋꇅꇬꆏ，ꀉꑳ/ꍇꌠ/‘ꉏ-ꄟ！’ꄷ/ꑠ/ꏃ/ꇬ/ꃅ/ꇈ，ꑓꋪ/ꁉ/ꎼꇁ/ꀐ。