ꌋꅇꄜꊿ/ꂰꇠꑸ/ꆹ/ꑸꉳ/ꏭ/ꏣꇤꇔꇤ
22
1 ꑸꇂ/ꇩꏤ/ꌋꆀ/ꑱꌝꆀ/ꇩꏤ/ꈬꄔ/ꃅꈎ/ꌕ/ꈎ/ꊛꄉ/ꐯ/ꀋ/ꌉ/ꀐ。 2 ꌕ/ꈎ/ꄹꈎ/ꑞ/ꄮꇬꆏ，ꒀꄊ/ꃰꃅ/ꒀꎭꃔ/ꆹ/ꄓꌊ/ꑱꌝꆀ/ꃰꃅ/ꑸꉳ/ꂿ/ꒉ。 3 ꑸꉳ/ꃰꃅ/ꆏ/ꋍ/ꇛꌺ/ꈧꌠ/ꏭ：“ꏸꆺ/ꃅꄷ/ꇂꃀ/ꇓꈓ/ꂶꌠ/ꆹ/ꉪꊇ/ꃤ/ꉬꌠ/ꆍ/ꋋ/ꅉꀋꐚ/ꅀ？ꉪꊇ/ꑸꇂ/ꃰꃅ/ꇇꈐ/ꇬꄉ/ꇓꈓ/ꋋꂷ/ꇑꌊ/ꉈꑴ/ꀋꇁꃅ/ꇙꀋꋏꃅ/ꇬꀀ/ꉆ/ꑴꅀ？”ꄷ。4 ꑸꉳ/ꆏ/ꒀꎭꃔ/ꏭ：“ꆏ/ꉡ/ꐊꄉ/ꏸꆺ/ꃅꄷ/ꇂꃀ/ꇓꈓ/ꂶꌠ/ꌉ/ꆹ/ꇬ/ꍑꀕ？”ꄷ。
ꒀꎭꃔ/ꆏ/ꑱꌝꆀ/ꃰꃅ/ꑸꉳ/ꏭ：“ꅽ/ꉣꑊ/ꆹ/ꅽ/ꃤ/ꉠ/ꃤ/ꈨ/ꀋꐥ/ꌠꄹ，ꉠ/ꂽꑼ/ꑌ/ꅽ/ꂽꑼ，ꉠ/ꃆꀞ/ꑌ/ꅽ/ꃆꀞ/ꉬ”ꄷ。
5 ꒀꎭꃔ/ꉈꑴ/ꑱꌝꆀ/ꃰꃅ/ꏭ：“ꆏ/ꂴ/ꑳꀊꊆ/ꏭ/ꊼꇅ/ꅲ/ꉚꉏ”ꄷ。 6 ꑠꃅꄉ，ꑱꌝꆀ/ꃰꃅ/ꑸꉳ/ꆹ/ꌋꅇꄜꊿ/ꇖꉐ/ꑹ/ꀋꇈꐥ/ꑠꈨ/ꋌ/ꇴꌊ/ꋍꈜ/ꄉ，ꋀ/ꏭ：“ꉢ/ꏸꆺ/ꃅꄷ/ꇂꃀ/ꇓꈓ/ꂶꌠ/ꌉ/ꆹ/ꇬ/ꍑꀕ？”ꄷꅲ。
ꋀꊇ/ꆏ/ꇬ/ꏭ：“ꍑ！ꆏ/ꁨ/ꌉ/ꆹ！ꑞꃅꆏ，ꌊ/ꆹ/ꀋꎪꃅ/ꇓꈓ/ꀊꋨ/ꂷ/ꋌ/ꏮ/ꃰꃅ/ꅽ/ꇇꈐ/ꇬ/ꊐ/ꌠꉬ”ꄷ/ꅇꀱ。
7 ꒀꎭꃔ/ꆏ/ꑸꉳ/ꏭ：“ꄚꇬ/ꀉꁁ/ꑳꀊꊆ/ꅇꄜꊿ/ꇫꐥꀕ/ꑴꌦ/ꀋ？ꐤꆹꐥ/ꑲꆏ，ꋌ/ꁳ/ꉪ/ꎁꃅ/ꑳꀊꊆ/ꏭ/ꊼꇅ/ꅲ/ꎻ/ꂿ”ꄷ。
8 ꑱꌝꆀ/ꃰꃅ/ꑸꉳ/ꆏ/ꒀꎭꃔ/ꏭ：“ꋍꂷ/ꐥ/ꑴꌦ，ꋋ/ꆹ/ꑱꇁ/ꄰ/ꌺ/ꂰꇠꑸ/ꉬ，ꉪꊇ/ꋌ/ꁳ/ꉪ/ꎁꃅ/ꑳꀊꊆ/ꏭ/ꅲ/ꎻ/ꉆ。ꄚ/ꊿ/ꋋ/ꏢ/ꆹ/ꉢ/ꇫꌂ/ꏢ/ꉬ，ꑞꃅꆏ，ꅇꂷ/ꋌ/ꈀꄜ/ꉡ/ꇰ/ꈧꌠ/ꆹ，ꅇ/ꂄ/ꑠꇬꀕꀋꐊ/ꃅ，ꅇ/ꉩ/ꑠ/ꀉꄂ/ꉉ/ꇬꎷ/ꏢ/ꉬ”ꄷ。
ꒀꎭꃔ/ꆏ/ꇬ/ꏭ：“ꃰꃅ/ꆏ/ꑠꃅ/ꄡ/ꉉ/ꃅꄉ！”ꄷ。
9 ꄚꄉ，ꑱꌝꆀ/ꃰꃅ/ꑸꉳ/ꆏ/ꋍ/ꇛꌺ/ꂷ/ꋌ/ꇴꌊꇁ/ꇈ，ꇬ/ꏭ：“ꁨ/ꒉ！ꆏ/ꉆꐥ/ꃅꄉ/ꑱꇁ/ꄰ/ꌺ/ꂰꇠꑸ/ꂶꌠ/ꇴꌊ/ꄚꇁ”ꄷ。
10 ꑱꌝꆀ/ꃰꃅ/ꑸꉳ/ꌋꆀ/ꒀꄉ/ꃰꃅ/ꒀꎭꃔ/ꑋ/ꆏ，ꌒꂷꆀꑸ/ꇓꈓ/ꄇꂿ/ꑭ/ꋙꋩ/ꄸꉺ/ꂶꌠ/ꇬꄉ，ꈀꄸꑌ/ꃰꃅ/ꃢꈜ/ꈚꄉ/ꃰꃅ/ꑋꅉ/ꇬ/ꑌ；ꌋꅇꄜꊿ/ꈧꌠ/ꈀꐥꃅ/ꋍꑊ/ꂾꄉ/ꅇꂷ/ꉉ/ꌐ。 11 ꏸꇂꀕ/ꄰ/ꌺ/ꑭꄂꏦ/ꂓ/ꑠꂷ/ꆏ/ꎸꅍ/ꌊ/ꀑꃚ/ꈨ/ꋌ/ꋩ/ꄉ/ꇈ，ꇬ/ꏭ：“ꑳꀊꊆ/ꄹꇬ：‘ꀑꃚ/ꋋꈨ/ꌊ/ꑸꇂ/ꊿ/ꄘꑣ，ꅑꅸ/ꊿ/ꀊꋨꈨ/ꆍ/ꈔꋏ/ꇫꎭ/ꌐ/ꄮꇬ/ꑟ’ꄷ/ꉉ”ꄷ。
12 ꌋꅇꄜꊿ/ꀉꁁ/ꈧꌠ/ꑌ/ꈀꐥ/ꃅꄉ：“ꆏ/ꁨ/ꏸꆺ/ꃅꄷ/ꇂꃀ/ꇓꈓ/ꌉ/ꆹ，ꀋꎪꃅ/ꊋꐛ/ꌠꄹ！ꑞꃅꆏ，ꑳꀊꊆ/ꆹ/ꀋꎪꃅ/ꇓꈓ/ꀊꋨꂷ/ꋌ/ꏮ/ꃰꃅ/ꅽ/ꇇꈐ/ꇬ/ꊐ/ꌠꉬ”ꃅ/ꉉ/ꌐ。
13 ꊩꌺ/ꃰꃅ/ꇤꅷ/ꂰꇠꑸ/ꇴ/ꒉ/ꎻ/ꂶꌠ/ꆏ/ꂰꇠꑸ/ꏭ：“ꁦꋠ/ꀋ！ꌋꅇꄜꊿ/ꀉꁁ/ꈧꌠ/ꐯꇯ/ꈌꏓ/ꋍꏢ/ꃅꄉ/ꃰꃅ/ꏭ/ꅇꂄꅇꎔ/ꉉ/ꌐ/ꀐ，ꆎ/ꑌ/ꁨ/ꋀ/ꌟ/ꃅꄉ/ꅇꂄꅇꎔ/ꉉ/ꍰ”ꄷ。
14 ꄚ/ꂰꇠꑸ/ꆏ/ꇬ/ꏭ：“ꉢ/ꐩꋊꐩꍂꃅ/ꇫꐥꌠ/ꑳꀊꊆ/ꏭ/ꄐꄉ/ꅇꏤ/ꒃ，ꑳꀊꊆ/ꉠ/ꏯ/ꑞ/ꉉꆏ，ꉢ/ꑞ/ꄜ/ꌠꉬ”ꄷ。
15 ꂰꇠꑸ/ꇁꌊ/ꑱꌝꆀ/ꃰꃅ/ꂾ/ꑟ/ꇈ，ꃰꃅ/ꑸꉳ/ꇬ/ꏭ：“ꂰꇠꑸ/ꀋ！ꉪꊇ/ꏸꆺ/ꃅꄷ/ꇂꃀ/ꇓꈓ/ꂶꌠ/ꌉ/ꆹꇬ/ꍑꀕ？”ꄷ/ꅲ。
ꂰꇠꑸ/ꆏ/ꇬ/ꏭ：“ꍑ！ꆏ/ꁨ/ꌉ/ꆹ！ꑳꀊꊆ/ꀋꎪꃅ/ꇓꈓ/ꀊꋨ/ꂷ/ꋌ/ꏮ/ꃰꃅ/ꅽ/ꇇꈐ/ꊐ/ꄉ，ꆏ/ꁳ/ꊋꐛ/ꎻ/ꌠꉬ”ꄷ。
16 ꑸꉳ/ꃰꃅ/ꆏ/ꇬ/ꏭ：“ꉢ/ꅽ/ꏯ/ꈍꑍ/ꃢ/ꉉ/ꑲꆀ，ꆏ/ꑳꀊꊆ/ꎁꃅꄉ/ꅇꐚ/ꉉ/ꉡ/ꇰ/ꂿꄷ/ꌠꉬ？”ꄷ。
17 ꂰꇠꑸ/ꆏ/ꇬ/ꏭ：“ꉡ/ꆹ/ꑱꌝꆀ/ꉹꁌ/ꈧꌠ/ꑌ/ꑿ/ꆫꃀ/ꀋꐥ/ꈨ/ꌟꃅ/ꁗꏒ/ꉘꁌ/ꏮꐺ/ꌠ/ꉢ/ꂿ/ꀐ。ꑳꀊꊆ/ꄹꇬ：‘ꉹꁌ/ꋋꈨ/ꆹ/ꌌꁈ/ꀋꁨ/ꀐ，ꋀꊇ/ꋬꂻ/ꁣꀋꐥ/ꃅ/ꀱ/ꂱꑱ/ꀁꇬ/ꁧ/ꉆ/ꀐ’ꄷ”ꄷ。
18 ꑱꌝꆀ/ꃰꃅ/ꑸꉳ/ꆹ/ꒀꎭꃔ/ꏭ：“ꉢ/ꅽ/ꏯ：‘ꊿ/ꋋꏢ/ꉠ/ꏯ/ꅇꎔ/ꇬ/ꀋ/ꉉ/ꃅ，ꅇꉩ/ꀉꄂ/ꉉ/ꇬꎷ/ꏢ/ꉬ’ꄷ/ꀐ/ꃅꄉ！”ꄷ。
19 ꂰꇠꑸ/ꆏ/ꊛꄉ/ꇬ/ꏭ：“ꑠꅹ，ꆏ/ꑳꀊꊆ/ꅇꂷ/ꅲ/ꄉ！ꉡ/ꆹ/ꑳꀊꊆ/ꉬꉎ/ꑋꅉ/ꁌꇐꈤ/ꂶꌠ/ꇬ/ꑌ/ꌠ/ꉢ/ꊌꂿ/ꀐ；ꉬꉎ/ꐏꁇ/ꂽ/ꄙꀕꃪꀕ/ꃅ/ꋍꈫꋍꇋ/ꉆ/ꐺ。 20 ꑳꀊꊆ/ꆏ：‘ꈀꄸꂷ/ꑸꉳ/ꋋꂷ/ꊏꅰꌊ/ꏸꆺ/ꃅꄷ/ꇂꃀ/ꇓꈓ/ꌉꈿ/ꅉ/ꇬꄉ/ꌦ/ꆹ/ꎻ/ꂯ？’ꄷ。
22 ꑳꀊꊆ/ꆏ/ꇬ/ꏭ：‘ꆏ/ꏡꁈ/ꑞ/ꑵ/ꌌ/ꇫꊏ/ꒉ/ꂯ？’ꄷ/ꅲ。
ꒌ/ꂶꌠ/ꆏ/ꑳꀊꊆ/ꏭ：‘ꉢ/ꀁꋌꒉ/ꑲꆀ，ꌋꅇꄜꊿ/ꈧꌠ/ꊏꅰ/ꄉ，ꋀ/ꁳ/ꈱꅇꏅꅇ/ꑠ/ꉉ/ꎻ/ꂿ’ꄷ。
ꑳꀊꊆ/ꆏ/ꇬ/ꏭ：‘ꍑ！ꆏ/ꁨ/ꊏꅰ/ꒉ，ꋌ/ꀋꎪꃅ/ꆏ/ꊏ/ꅜ/ꌠꉬ！’ꄷ/ꉉ/ꀐ。
23 ꀋꃅ/ꇬ/ꉚ！ꑳꀊꊆ/ꆹ/ꈰꏅꌠ/ꒌ/ꑠꂷ/ꋌ/ꄻ/ꅽ/ꌋꅇꄜꊿ/ꈧꌠ/ꈌ/ꇬ/ꊐꄉ/ꃸꆽ/ꎻ/ꀐ，ꄷꀋꁧ/ꑳꀊꊆ/ꆹ/ꑗꉘ/ꁳ/ꇁ/ꆏ/ꌶ/ꎻ/ꄷ/ꄛꇰ/ꄉ/ꀐ”ꄷ。
24 ꏸꇂꀕ/ꄰ/ꌺ/ꑭꄂꏦ/ꂶꌠ/ꆏ/ꇁꌊ/ꁨ/ꄉ，ꋌ/ꏶ/ꂰꇠꑸ/ꁧꇉ/ꇬ/ꄀ/ꇈ，ꇬ/ꏭ：“ꑳꀊꊆ/ꒌ/ꂶꌠ/ꇿꇬꄉ/ꉡ/ꐞꌊ/ꅽ/ꏯ/ꅇ/ꉉ/ꁧ/ꇆ？”ꄷ。
25 ꂰꇠꑸ/ꆏ/ꇬ/ꏭ：“ꆏ/ꉜꄉ/ꅊꇈ！ꆏ/ꂁ/ꅽ/ꉱꈐ/ꇬ/ꀀ/ꀊꋨ/ꄹꉇ/ꆏ，ꌤ/ꋌꐘ/ꀋꎪꃅ/ꆏ/ꂿ/ꇁ/ꌠꉬ”ꄷ。
26 ꑱꌝꆀ/ꃰꃅ/ꑸꉳ/ꆏ：“ꂰꇠꑸ/ꋋꂷ/ꈻꌊ/ꇓꈓ/ꇛꌺ/ꑸꂱ/ꌋꆀ/ꃰꃅ/ꌺ/ꒀꀊꏂ/ꑋ/ꁵ/ꒉ。 27 ꆍꊇ/ꋍꑊ/ꏯ：‘ꃰꃅ/ꄹꇬ，ꊿ/ꋋꂷ/ꈢ/ꏦꑳ/ꇬ/ꊐꄉ/ꇈ，ꋠ/ꀋ/ꇎ/ꅝ/ꀋ/ꇎ/ꃅ/ꈢ/ꇬꊎꄉ/ꅷ/ꉢ/ꋬꂻ/ꁣꀋꐥ/ꃅ/ꀱꇀ/ꄮꇬ/ꑟ/ꄷ’ꃅ/ꉉ/ꒉ”ꄷ。
28 ꂰꇠꑸ/ꆏ/ꇬ/ꏭ：“ꀋꄸꄷ/ꆏ/ꋬꂻ/ꁣꀋꐥ/ꃅꄉ/ꀱ/ꉈꑴ/ꑟꇁ/ꄎ/ꑲꆏ，ꅇꂷ/ꉢ/ꉉ/ꋋꈨ/ꆹ/ꑳꀊꊆ/ꄷꄉ/ꇁꌠ/ꀋꉬ/ꀐ”ꄷ。ꋌ/ꉈꑴ/ꊛ/ꄉ：“ꉹꁌ/ꋍꏅ/ꊈꀋ！ꆍꊇ/ꐯꇯ/ꉠ/ꅇꂷ/ꋋꈨ/ꎺꄉ/ꅊꇈ！”ꄷ。
ꑱꌝꆀ/ꃰꃅ/ꑸꉳ/ꌦ/ꀐ
29 ꋍꈭꐨꆏ，ꑱꌝꆀ/ꃰꃅ/ꑸꉳ/ꌋꆀ/ꒀꄊ/ꃰꃅ/ꒀꎭꃔ/ꑋ/ꂽ/ꋊꌊ/ꐮꐊ/ꄉ/ꏸꆺ/ꃅꄷ/ꇂꃀ/ꇓꈓ/ꌉ/ꆹ/ꀐ。 30 ꑱꌝꆀ/ꃰꃅ/ꑸꉳ/ꆏ/ꒀꄊ/ꃰꃅ/ꒀꎭꃔ/ꏭ：“ꉢ/ꎃꀕ/ꃢꈜ/ꆦ/ꈚꄉ/ꌉꈿ/ꆹ/ꂿ，ꆎ/ꆹ/ꃰꃅ/ꃢꈜ/ꄻꈚ/ꄉ/ꄹꌶ”ꄷ。ꑠꃅꄉ，ꑱꌝꆀ/ꃰꃅ/ꆹ/ꃢꈜ/ꋌ/ꆦ/ꈚꄉ/ꌉꈿ/ꆹ/ꀐ。
31 ꑸꇂ/ꃰꃅ/ꆏ/ꂴꇯꆐ/ꋍ/ꂽꍯ/ꌟꒉ/ꌕꊰꑋ/ꑼ/ꌠ/ꏭ：“ꆍꊇ/ꑴꌠ/ꋀ/ꂽꏃꌊꁈ/ꌋꆀ/ꂽꑼ/ꈧꌠ/ꄡ/ꌉ/ꃅ，ꌐꄉ/ꑱꌝꆀ/ꃰꃅ/ꑸꉳ/ꂶꌠ/ꀉꄂ/ꌉ/ꂸ”ꃅ/ꉉ/ꄉ。 32 ꑠꅹ，ꂽꍯ/ꌟꒉ/ꈧꌠ/ꒀꎭꃔ/ꋀ/ꊌꂿ/ꇬꆏ，ꐮ/ꏯ：“ꋋꂷ/ꈍꃅꑌ/ꑱꌝꆀ/ꃰꃅ/ꂶꌠ/ꉬ/ꀐ！”ꄷ/ꇈ，ꆹꏮꌊ/ꇬ/ꌉ/ꒉ/ꌐ/ꄉ，ꒀꎭꃔ/ꃚꐓꄉ/ꀒꏅꑟ/ꀐ。 33 ꂽꍯ/ꌟꒉ/ꈧꌠꆏ/ꋋꂷ/ꑱꌝꆀ/ꃰꃅ/ꀋꉬ/ꌠ/ꋀ/ꉜ/ꅐꇁ/ꄉ，ꇬꀋꈹ/ꃅ/ꀱ/ꉈꑴ/ꁧ/ꀐ。
34 ꂽ/ꑠꂷ/ꈁꇁꉈ/ꃅ/ꉹ/ꏢ/ꋌ/ꁻ/ꎼꒉ/ꇈ，ꄧꀕꃅ/ꇁ/ꑱꌝꆀ/ꃰꃅ/ꑸꉳ/ꑣꃢ/ꈫꌠ/ꐯꊛꈌ/ꇬ/ꌸ/ꀐ。ꄚꄉ，ꃰꃅ/ꆏ/ꋍ/ꂽꍯꅸꊿ/ꂶꌠ/ꏭ：“ꉢ/ꂷꊂ/ꌸ/ꀙꐯꀙ/ꀐ，ꆏ/ꄚꇬꄉ/ꉡ/ꈻꌊ/ꏮ/ꉈꑴ/ꁧ”ꄷ。
35 ꀊꋨ/ꄹꉇ/ꌉꈿ/ꉻꐯꉻ/ꄉ，ꃰꃅ/ꑸꉳ/ꆹ/ꊿ/ꇱ/ꄏ/ꌉꈿ/ꍯ/ꄩ/ꉆꄉ/ꏮ/ꑸꇂ/ꂽ/ꈧꌠ/ꏭ/ꉜꄉ/ꎻ。ꋍ/ꌦ/ꈧꌠ/ꂷꊂ/ꌸ/ꈌ/ꇬꄉ/ꈙꀕꈘꃅ/ꋒ/ꌉꈿꍮꊪ/ꇶꌠ/ꇂꃴ/ꁖꇁ/ꌐ，ꃅꈊꐯꉐ/ꑞ/ꄮꇬꆏ，ꑸꉳꃰꃅꌦꀐ。 36 ꉘꁮ/ꈞꆈꃸ/ꄮꇬꆏ，ꂽꑼ/ꈬꄔ/ꇬ/ꊾ/ꈨ：“ꀱ/ꂱꑱ/ꇓꈓ/ꇬ/ꁧ/ꌐ/ꌶ！ꀱ/ꂱꑱ/ꃅꄷ/ꁧ/ꌐ/ꌶ！”ꃅ/ꏅꄉ/ꄛꇰ/ꀐ。
37 ꑱꌝꆀ/ꃰꃅ/ꑸꉳ/ꌦ/ꈭꐨꆏ，ꋍ/ꂿ/ꂶꌠ/ꊿ/ꎭꌊ/ꌒꂷꆀꑸ/ꇓꈓ/ꄃ/ꇫꎭ/ꀐ； 38 ꃰꃅ/ꌉꈿꍯ/ꇶꌠ/ꊿ/ꈻꌊ/ꌒꂷꆀꑸ/ꇓꈓ/ꒊꄝ/ꂷ/ꏢꁮ/ꇬꄉ/ꒈꋌ/ꇬꆏ，ꈋ/ꈨ/ꇁꌊ/ꋍ/ꌦ/ꑽ/ꅝ/ꐺ，ꎲꃷꃆꅿ/ꈨ/ꑌ/ꀊꄶ/ꇬ/ꒈꋌ/ꐺ；ꋍꑠ/ꆹ/ꑳꀊꊆ/ꈁꉉ/ꄉ/ꈧꌠ/ꅇꅐ/ꀐ。