ꒀꇂꄉ/ꄊꃥ/ꇇꀤ/ꄉ/ꁈꁧ/ꎻ
20
1 ꄊꃥ/ꆏ/ꇁꂸ/ꇓꈓ/ꇂꒀ/ꈚ/ꌠ/ꄉ/ꋌ/ꆶꁧ/ꇈ，ꇁꌊ/ꒀꇂꄉ/ꄷ/ꑟ/ꄉ，ꇬ/ꏭ：“ꑡ/ꉢ/ꃅ/ꑽ/ꌠ/ꉬ/ꂯ？ ꉢ/ꅽ/ꀉꄉ/ꂾ/ꄉ/ꑽꃤ/ꑡꈨ/ꉢ/ꐆ/ꇬꅜ/ꄉ，ꋌ/ꑠ/ꃅ/ꉠ/ꀑꇬ/ꀉꄂ/ꇖ/ꇁ/ꇬꎷ/ꌠꉬ/ꀋ/ꐚ/ꀐ？”ꄷ。2 ꒀꇂꄉ/ꆏ/ꇬ/ꏭ：“ꅽ/ꀑꇬ/ꇖ/ꑠ/ꈨ/ꀋ/ꐥ！ꆏ/ꈍꃅꑌ/ꀋ/ꌦ/ꌠ/ꄹ！ꉠ/ꀉꄉ/ꆹ/ꌤꆿ/ꀄꊭ/ꀉꒉ/ꑞ/ꃅ/ꄿꂿ，ꉉ/ꉢ/ꀋ/ꇰ/ꌠ/ꀋ/ꐥ；ꌤꆿ/ꋍ/ꑠ/ꉠ/ꃀ/ꂁ/ꄉ/ꄡ/ꀋ/ꑟ，ꈍꃅꑌ/ꑠ/ꈨ/ꇬ/ꀋ/ꐥ/ꌠ/ꄹ！”ꄷ。
3 ꄊꃥ/ꅇꏤ/ꒃꄉ/ꇬ/ꏭ：“ꅽ/ꀉꄉ/ꆹ/ꆏ/ꉡ/ꁌꒉ/ꌠ/ꈍꃅꑌ/ꋌ/ꅉꐚ，ꑠꅹ，ꋍ/ꉌꂵ/ꇬ‘ꌤ/ꋌ/ꐘ/ꉉ/ꒀꇂꄉ/ꇰ/ꀋ/ꉆ，ꑠ/ꀋ/ꉬ/ꑲꆏ，ꋍ/ꉌꂵ/ꐒꊀ/ꂵ’ꃅ/ꉪ/ꌠꉬ。ꉢ/ꐩꋊꐩꍂ/ꃅ/ꇫꐥ/ꌠ/ꑳꀊꊆ/ꏭ/ꄐꄉ/ꅇꏤ/ꒃ，ꉈꑴ/ꅽ/ꏯ/ꑌ/ꅇꏤ/ꒃ，ꉡ/ꆹ/ꌦ/ꇁ/ꂯ/ꄉ/ꀐ”ꄷ。
4 ꒀꇂꄉ/ꆏ/ꄊꃥ/ꏭ：“ꆏ/ꑞ/ꈉ/ꑞ/ꄻ/ꌠ，ꉢ/ꀋꎪꃅ/ꅽ/ꇇꀤ/ꇬꎷ/ꌠꉬ”ꄷ。
5 ꄊꃥ/ꆏ/ꒀꇂꄉ/ꏭ：“ꆏ/ꉜ/ꉏ！ꃆꏂꄑ/ꆏ/ꅂ/ꋍ/ꑍ/ꉬ/ꀐ，ꉡ/ꆹ/ꃰꃅ/ꈽꄉ/ꅂꀨ/ꋨꏦ/ꋚꋠ/ꄡꑟ/ꌠ，ꄚ/ꑠꃅ/ꑴꇬ，ꆏ/ꈀꎭꀕ/ꃅ/ꉢ/ꁳ/ꆈ/ꉈꏭ/ꀀꅷ/ꅂ/ꌕ/ꑍ/ꄹꉇ/ꌠ/ꈊꃀ/ꑟ/ꎻ/ꅊꇈ。 6 ꀋꄸꄷ/ꉢ/ꋙꋠ/ꅉꇬ/ꀋ/ꑌ/ꌠ/ꅽ/ꀉꄉ/ꊌꂿ/ꄉ，ꋌ/ꅽ/ꏯ/ꅲ/ꇁ/ꑲꆏ，ꆏ/ꑴꌠ/ꇬ/ꏭ：‘ꄊꃥ/ꄹꇬ，ꀀ/ꀉꄉ/ꄰ/ꋋ/ꑷ/ꃅ/ꀨꆀꉿ/ꇓꈓ/ꄉ/ꈎꈤ/ꆦꑝ/ꇁ/ꌐ/ꄷ/ꄉ，ꋌ/ꉠ/ꏯ/ꀂ/ꁳ/ꀱ/ꀀ/ꀁꇬ/ꁧ/ꎻ/ꄷ/ꈧꊰꀕ/ꃅ/ꇖꂟ/ꀐ’ꄷ/ꉉ。 7 ꀋꄸꄷ/ꅽ/ꀉꄉ/ꄹꇬ‘ꍑꑴ！’ꄷ/ꑲꆏ，ꉡ/ꆹ/ꋬꂻ/ꌤ/ꀋ/ꐥ/ꌠꉬ；ꀋꄸꄷ/ꋌ/ꇨꇅ/ꆹ/ꃃ/ꑲꆏ，ꋌ/ꉪꄉꏤꄉ/ꉢ/ꌉ/ꏢꉨ/ꌠ/ꆏ/ꅉꐚ/ꀐ。 8 ꆏ/ꈀꎭꀕ/ꃅ/ꂄꃅ/ꅽ/ꁏꐚ/ꋋ/ꂷ/ꊝ/ꅊꇈ，ꑞꃅꆏ，ꆎ/ꆹ/ꑳꀊꊆ/ꂾ/ꄉ/ꅽ/ꁏꐚ/ꋋ/ꂷ/ꌋꆀ/ꅇꏤ/ꒃꄉ/ꋺ/ꀐ。ꀋꄸꄷ/ꇯꍝ/ꃅ/ꑽꃤ/ꈨ/ꆹ/ꉢ/ꐆ/ꇬꅜ/ꄉ/ꑲꆏ，ꅽ/ꊨꏦ/ꇇꐛ/ꄉ/ꉢ/ꋋ/ꂷ/ꌉ/ꇫꎭ，ꆏ/ꉢ/ꋋ/ꂷ/ꏮ/ꅽ/ꀉꄉ/ꇇꈐ/ꑞ/ꊐ/ꑴꌦ/ꂯ？”ꄷ。
9 ꒀꇂꄉ/ꆏ：“ꈍꃅꑌ/ꑠ/ꈨ/ꇬ/ꀋ/ꐥ/ꌠ/ꄹ！ꀋꄸꄷ/ꉠ/ꀉꄉ/ꉌꂵ/ꉪꄉ/ꆏ/ꌉ/ꏢꉨ/ꌠ/ꉢ/ꅉꐚ/ꑲꆏ，ꉢ/ꑞꃅ/ꉉ//ꆏꀋ/ꇰ/ꂯ？”ꄷ。
10 ꄊꃥ/ꆏ/ꒀꇂꄉ/ꏭ：“ꀋꄸꄷ/ꅽ/ꀉꄉ/ꇨꇅꃃ/ꆎ/ꊝ/ꇬ，ꆏ/ꈀꄸ/ꂷ/ꁳ/ꉉ/ꉡ/ꇰ/ꇁ/ꎻ/ꂯ？”ꄷ。
11 ꒀꇂꄉ/ꆏ/ꄊꃥ/ꏭ：“ꑷ！ꉣꑊ/ꐮꐊ/ꉈꏭ/ꃄꅉ/ꇬ/ꊼꇅ/ꏮ/ꒉ/ꂿ”ꄷ/ꇈ，ꋍꑊ/ꐮꐊ/ꃄꅉ/ꇬ/ꉜꄉ/ꒉ/ꀐ。
12 ꒀꇂꄉ/ꆏ/ꄊꃥ/ꏭ：“ꑳꀊꊆ-/ꑱꌝꆀ/ꏃꃅꌋ/ꄚꄉ/ꅇꊪꌬ/ꇁ/ꅊꇈ！ꃆꏂꄑ/ꅀ/ꊸꁆꑍ/ꀋꃅ/ꋍ/ꄮ/ꇄꌠ/ꇬꆏ，ꉢ/ꉠ/ꀉꄉ/ꉪꐨ/ꌌꉪ/ꄉ/ꇈ，ꋌ/ꂄꃅ/ꆎ/ꊝ/ꏢꉨ/ꌠꉬ/ꑲꆏ，ꉢ/ꊾ/ꇤꅷ/ꅽ/ꏯ/ꉉ/ꇁ/ꎻ/ꂿ。 13 ꀋꄸꄷ/ꉠ/ꀉꄉ/ꆏ/ꌉ/ꏢꉨ/ꇈ，ꉢ/ꉉ/ꆎ/ꇰ/ꄉ/ꆏ/ꁳ/ꋬꂻ/ꃅ/ꁈꁧ/ꀋ/ꎽ/ꑲꆏ，ꑳꀊꊆ/ꇨꐯꇨ/ꃅ/ꉡ/ꇇꇩꍈ/ꇁ/ꅊꇈ。ꑳꀊꊆ/ꀋꉊ/ꂴꏭ/ꉠ/ꀉꄉ/ꈿ/ꐥ/ꌠ/ꌟꃅ/ꆏ/ꈽ/ꐥ/ꇁ/ꅊꇈ。 14 ꉢ/ꇫꐥ/ꄮꇬ，ꆏ/ꑴꌠ/ꑳꀊꊆ/ꀋꑍꀋꈤ/ꌠ/ꉂꐪ/ꑌꄉ/ꂄꃅ/ꉡ/ꊝ/ꄉ/ꉢ/ꄡ/ꌉ/ꅊꇈ。 15 ꊁ/ꉢ/ꌦ/ꈭꐨ，ꑳꀊꊆ/ꅽ/ꁮꐚ/ꈧꌠ/ꋌ/ꈔꋏ/ꇫꎭ/ꌐ/ꄮꇬ/ꑌ，ꆏ/ꐥꋊꐥꍂ/ꂄꃅꎔꏿ/ꄉ/ꉪ/ꏤ/ꑭꊂ/ꊿ/ꊝ/ꅊꇈ”ꄷ。
16 ꑠꃅꄉ，ꒀꇂꄉ/ꌋꆀ/ꄊꃥ/ꑋ/ꅇꏤ/ꒃ/ꄉ/ꀐ。ꒀꇂꄉ/ꆏ/ꄊꃥ/ꏭ：“ꀋꄸꄷ/ꆏ/ꅇꏤ/ꆹ/ꀋ/ꍬ/ꑲꆏ，ꑳꀊꊆ/ꁳ/ꅽ/ꁮꐚ/ꇇꄧ/ꈴꄉ/ꆎ/ꌋꆀ/ꅽ/ꌺꇖꊂꋊ/ꇇꇩꍈ/ꇁ/ꎻ/ꅊꇈ”ꄷ。 17 ꒀꇂꄉ/ꆹ/ꋍ/ꊨꏦ/ꉂꌠ/ꌟꃅ/ꄊꃥ/ꉂꐛ/ꅹ，ꄊꃥ/ꁳ/ꉈꑴ/ꋍ/ꃢ/ꃅ/ꅇꏤ/ꒃ/ꎻ/ꌦ。
18 ꋍꈭꐨꆏ，ꒀꇂꄉ/ꆹ/ꇬ/ꏭ：“ꃆꏂꄑ/ꆏ/ꅂ/ꋍ/ꑍ/ꉬ/ꀐ，ꋙꋠ/ꄮꇬ/ꅽ/ꑋꅉ/ꂶꌠ/ꀈꈥꀕ/ꃅ/ꇫꎍ/ꑲꆏ，ꆏ/ꇬ/ꀋ/ꐥ/ꌠ/ꈍꃅ/ꑌ/ꊿ/ꌋ/ꅜ/ꌠꉬ。 19 ꊸꁆꑍ/ꆏ，ꆏ/ꐳꃅ/ꄉ/ꀋꑍ/ꂴ/ꌤ/ꅐ/ꄮꇬ/ꆏ/ꂁ/ꀊꄶ/ꀀꅉ/ꈚ/ꌠ/ꉜꄉ/ꒉ/ꑲꆀ，ꇓꁨ/ꁦꌠ/ꏢꁮ/ꇬꄉ/ꇁ/ꉚ/ꄉ。 20 ꉡ/ꆹ/ꉹ/ꌌ/ꌸꌐ/ꁻ/ꌠ/ꌟꃅ，ꉈ/ꌘ/ꏢ/ꉢ/ꁻ/ꇓꁨ/ꁦꌠ/ꏢꁮ/ꇬ/ꍣ/ꌠꉬ。 21 ꆏ/ꉜꄉ/ꅊꇈ，ꌠꆗ/ꌹ/ꍈ/ꉢ/ꇤꅷ/ꉈ/ꈧꌠ/ꉅ/ꒉ/ꎻ/ꌠꉬ，ꀋꄸꄷ/ꉢ/ꌠꆗ/ꌺ/ꍇꌠ/ꏭ：‘ꀊꄶ/ꇬ! ꉈꂷ/ꀅꌳ/ꃅ/ꅽ/ꏢꁮ/ꇬ/ꎍ/ꀋꆺ，ꐯꇯ/ꉅ/ꌊ/ꇁ’ꄷ/ꉉ/ꑲꆏ，ꆎ/ꆹ/ꀱ/ꇁ/ꉆ/ꌠꉬ/ꀐ；ꉢ/ꐩꋊꐩꍂ/ꇫꐥ/ꌠ/ꑳꀊꊆ/ꏭ/ꄐꄉ/ꅇꏤ/ꒃ，ꆎ/ꆹ/ꀋꎪꃅ/ꋬꂻ/ꁣꀋꐥ/ꌠꉬ。 22 ꄚ/ꀋꄸꄷ/ꉢ/ꌠꆗ/ꌺ/ꍇꌠ/ꏭ：‘ꁨꒉ! ꉈꂷ/ꅽ/ꂴꆽ/ꁨꏭ/ꎍ/ꀋꆺ，ꐯꇯ/ꉅ/ꌊ/ꇁ’ꃅ/ꆹ/ꉉ/ꑲꆏ，ꆏ/ꑴꌠ/ꀒ/ꁧ/ꑟ，ꑞꃅꆏ，ꑠ/ꆹ/ꑳꀊꊆ/ꆏ/ꁳ/ꁧ/ꎻ/ꌠꉬ/ꀐ。 23 ꎺꄉ! ꅽ/ꉣꑊ/ꅇꏤ/ꀃꑍ/ꈀꒃ/ꄉ/ꋋ/ꈨ/ꆹ，ꑳꀊꊆ/ꐩꋊꐩꍂ/ꃅ/ꉣꑊ/ꇢꊭ/ꇬꄉ/ꅇꊪꌬ/ꌠꉬ”ꄷ。
24 ꋍꈭꐨꆏ，ꄊꃥ/ꆹ/ꆈ/ꉈꏭ/ꃄꅉ/ꇬ/ꀀ/ꄉ/ꁧ/ꀐ。ꅂ/ꋍ/ꑍ/ꄹ/ꉖ/ꌠ/ꆏ，ꌙꇊ/ꃰꃅ/ꆹ/ꅂꀨ/ꋨꏦ/ꋚꋠ/ꇁ/ꀐ。 25 ꃰꃅ/ꑍꃀꑍꊂ/ꌟꃅ/ꑋꅉ/ꊖꁋ/ꊫꄉ/ꈚ/ꌠ/ꇬ/ꑌ，ꒀꇂꄉ/ꆹ/ꃰꃅ/ꊒ/ꄉ/ꑌ，ꑸꆀꇓ/ꆏ/ꌙꇊ/ꏢꁮ/ꑌ，ꄊꃥ/ꑋꅉ/ꈚ/ꌠ/ꆹ/ꀈꈥꀕ/ꇫꎍ。 26 ꄚ/ꋋ/ꄹꉇ/ꆹ，ꌙꇊ/ꑞꑌ/ꀋ/ꉉ，ꋌ/ꉪ/ꇬ/ꄊꃥ/ꁧ/ꀋ/ꎴ/ꑠ/ꊝ/ꄉ，ꋙꋠ/ꇁ/ꀋ/ꉆ/ꎻ/ꈁ。 27 ꊁ/ꄹꉇ/ꌠ/ꋙꋠ/ꄮꇬ，ꄊꃥ/ꑋꅉ/ꂶꌠ/ꄡꇗ/ꀈꈥꀕ/ꇫꎍ/ꄉ，ꌙꇊ/ꆏ/ꋍ/ꌺ/ꒀꇂꄉ/ꏭ：“ꑳꑭ/ꄰ/ꌺ/ꂶꌠ/ꑞꃅ/ꀋꅔꉇ/ꌋꆀ/ꀃꑍ/ꐯꇯ/ꋙꋠ/ꀋ/ꇁ/ꌠꉬ？”ꄷ/ꅲ。
28 ꒀꇂꄉ/ꆏ/ꌙꇊ/ꏭ：“ꄊꃥ/ꈧꊰꀕ/ꃅ/ꉠ/ꏯ/ꀂ/ꁳ/ꀨꆀꉿ/ꊼꇅ/ꁧ/ꎻ/ꃅ/ꇖꂟ。 29 ꋌ/ꉠ/ꏯ：‘ꆏ/ꈀꎭꀕ/ꃅ/ꉢ/ꁳ/ꁧ/ꎻ，ꑞꃅꆏ，ꉪ/ꏤ/ꋋ/ꑷ/ꃅ/ꇓꈓ/ꇬꄉ/ꆦꑝ/ꇁ/ꌐ/ꄉ，ꉠ/ꃺꃶ/ꉠ/ꏯ/ꀊꄶ/ꇁ/ꄷ。ꀋꄸꄷ，ꆏ/ꉡ/ꆹ/ꁌꒉ/ꑲꆏ，ꈀꎭꀕ/ꃅ/ꉢ/ꁳ/ꀃꑍ/ꉠ/ꃺꃶ/ꈧꌠ/ꊼꇅ/ꂿ/ꁧ/ꎻ’ꄷ/ꉉ；ꑠꅹ，ꄊꃥ/ꆹ/ꃰꃅ/ꆏ/ꈽꄉ/ꋙꋠ/ꀋ/ꇁ/ꌠꉬ”ꄷ。
30 ꌙꇊ/ꆏ/ꇨꇅꃃ/ꅩꌬꀕ/ꒀꇂꄉ/ꊝ/ꄉ，ꇬ/ꏭ：“ꃆꅿ/ꑴꅑ/ꌺ/ꅽ/ꑠ/ꏢ！ꅽ/ꉂꆏ/ꆏ/ꑳꑭ/ꄰ/ꌺ/ꏡꌠ/ꐋ/ꌠ/ꉢ/ꅉ/ꀋ/ꐚ/ꎻ/ꈁ/ꅀ？ ꅽ/ꀑꑊ/ꆏ/ꌌ/ꊰ，ꅽ/ꀉꂿ/ꑌ/ꆏ/ꃅꅷ/ꄉ/ꎲꅐꁁꅐ/ꀂꏾ/ꀍꉀ/ꐕ/ꀋ/ꄐ/ꀐ。 31 ꑳꑭ/ꄰ/ꌺ/ꋋ/ꏢ/ꀋ/ꌦ/ꃅ/ꇬꐤ/ꌦ/ꋩ，ꆎ/ꌋꆀ/ꅽ/ꃰꃅ/ꑋꅉ/ꆹ/ꈍꃅꑌ/ꈫꈄ/ꀋ/ꄐ/ꌠꉬ。ꆏ/ꀋꃅ/ꊾ/ꈨ/ꁆ/ꌌ/ꄊꃥ/ꒃ/ꌊ/ꉠ/ꄹ/ꇁ，ꊿ/ꋋ/ꏢ/ꌉ/ꇬ/ꀋ/ꎭ/ꇬ/ꀋ/ꍑ”ꄷ。
32 ꒀꇂꄉ/ꆏ/ꋍ/ꀉꄉ/ꌙꇊ/ꏭ：“ꋌ/ꑡꈨ/ꋌ/ꃅ/ꑽ/ꀌ，ꌉ/ꇫꎭ/ꑲꆀ/ꍑ/ꄷ/ꌠꉬ？”ꄷ。 33 ꌙꇊ/ꆹ/ꋋꇅꃅ/ꋍ/ꐳ/ꏡꌠ/ꋍ/ꍞ/ꎼ/ꒉ/ꇈ，ꒀꇂꄉ/ꋋ/ꂷ/ꉀ/ꌦ/ꇫꎭ/ꏢꉨ。ꋋꇅ/ꇬꆏ，ꒀꇂꄉ/ꆹ/ꋍ/ꀉꄉ/ꇯꍝꃅ/ꄊꃥ/ꌉ/ꉈꑌ/ꌠ/ꋌ/ꅉꐚ/ꀐ。
34 ꄚꄉ，ꒀꇂꄉ/ꆹ/ꃃꋩ/ꅩꌬꀕ/ꃅ/ꋙꋠ/ꅉꇬ/ꄉ/ꋌ/ꄓ/ꇫ/ꈴ/ꁧ/ꇈ，ꃅꑍ/ꋋ/ꑍ/ꃅ/ꋚ/ꀋ/ꋠ；ꑞꃅꆏ，ꋋ/ꆹ/ꋍ/ꀉꄉ/ꀋ/ꂄ/ꆈꒉꀕ/ꃅ/ꄊꃥ/ꊝ/ꐛꅹ，ꄊꃥ/ꎁꃅ/ꉌꐒꇁꎭ。
35 ꊁ/ꄹꉇ/ꃅꄜ/ꆏ，ꒀꇂꄉ/ꆹ/ꂴꏭ/ꄊꃥ/ꋍꑊ/ꐯꏤ/ꄉ/ꈧꌠ/ꇬ/ꈴꄉ，ꀉꑳ/ꍈ/ꋌ/ꏃ/ꃄꅉ/ꀊꋩ/ꈚ/ꇬ/ꉜꄉ/ꒉ/ꀐ。 36 ꒀꇂꄉ/ꆏ/ꀉꑳ/ꍇꌠ/ꏭ：“ꆏ/ꀥ/ꀊꄶ/ꇬꄉ/ꉈꂷ/ꉢ/ꁻ/ꎼ/ꒉ/ꏡꌠ/ꉅ/ꌊ/ꇁ”ꄷ。ꀉꑳ/ꍇꌠ/ꀥ/ꒉ/ꇬꆏ，ꒀꇂꄉ/ꆹ/ꉈ/ꏡ/ꌠ/ꋌ/ꁻ/ꀉꑳ/ꍇꌠ/ꂴꆽ/ꏭ/ꎭ。 37 ꀉꑳ/ꍇꌠ/ꀥ/ꌌ/ꉈ/ꏡꌠ/ꎌꅉ/ꇬ/ꑟ/ꒉ/ꇬꆏ，ꒀꇂꄉ/ꆹ/ꀉꑳ/ꍇꌠ/ꇴ/ꄉ：“ꉈ/ꏡꌠ/ꀊꄶ/ꅽ/ꂴꆽ/ꁨꏭ/ꎍ！”ꄷ。 38 ꒀꇂꄉ/ꉈꑴ/ꀉꑳ/ꍇꌠ/ꇴ/ꄉ：“ꆏ/ꀊꄶ/ꇬ/ꄡ/ꉆ/ꃅꄉ，ꉆꐥꃅ/ꉈ/ꏡꌠ/ꉅ/ꌊ/ꉠ/ꁳ/ꇁ！”ꄷ。ꀉꑳ/ꍇꌠ/ꆏ/ꉈ/ꏡ/ꌠ/ꋌ/ꉅ/ꌊ/ꋍ/ꌌꁈ/ꁵ/ꇁ/ꀐ。 39 ꌠꆗ/ꌺ/ꍇꌠ/ꆹ/ꅇꂷ/ꋍ/ꑠ/ꑞ/ꄜ/ꌠ/ꋌ/ꇬ/ꀋ/ꌧ，ꒀꇂꄉ/ꌋꆀ/ꄊꃥ/ꑋ/ꀉꄂ/ꇫ/ꅉꐚ。 40 ꒀꇂꄉ/ꆏ/ꋍ/ꉹ/ꉈ/ꐯꇯ/ꋌ/ꄻ/ꌠꆗ/ꌺ/ꍇꌠ/ꁵ/ꄉ，ꇬ/ꏭ：“ꆏ/ꋋ/ꈨ/ꌌ/ꀱ/ꇓꈓ/ꇬ/ꁧ/ꌶ”ꄷ。
41 ꌠꆗ/ꌺ/ꍇꌠ/ꁧ/ꄷ/ꌦ/ꆏ，ꄊꃥ/ꋋꇅꃅ/ꇓꁨ/ꁦꌠ/ꊂꆈ/ꄉ/ꁖꇁ/ꇈ，ꁡꊭ/ꃄꇴꄂ/ꄉ/ꒀꇂꄉ/ꏭ/ꀍꃈ/ꌕ/ꃢ/ꄚ。ꋍꈭꐨꆏ，ꊿ/ꑍ/ꂷ/ꌠ/ꐮꆼꃬ/ꄉ/ꉨꑰꒈꁴꏿ/ꇧꁠ/ꀐ，ꄊꃥ/ꄈ/ꀊꅰꃅ/ꒀꇂꄉ/ꏭꀋꋌ/ꃅ/ꉈꃚꑗꄜ。
42 ꊁꆏ，ꒀꇂꄉ/ꆹ/ꄊꃥ/ꏭ：“ꅽ/ꉣꑊ/ꆹ/ꑳꀊꊆ/ꂾ/ꄉ/ꐥꍂꃅ/ꐮꉂꐮꅉ/ꄷ/ꅇꏤ/ꒃ/ꄉ/ꋺ/ꀐ。ꑳꀊꊆ/ꐩꋊꐩꍂ/ꃅ/ꉣꑊ/ꇢꊭ/ꇬ/ꌋꆀ/ꉣꑊ/ꌺꇖ/ꇢꊭ/ꇬꄉ/ꅇꊪꌬ/ꌠꉬ，ꑠꅹ，ꆏ/ꉌꂵ/ꐼꇉꀕ/ꃅ/ꁧ/ꄹꌶ！”ꄷ。ꄚꄉ，ꄊꃥ/ꑭꄑ/ꄉ/ꁧ/ꀐ，ꒀꇂꄉ/ꑌ/ꀱ/ꇓꈓ/ꇬ/ꁧ/ꀐ。