ꌙꇊ/ꌒꃆꇓ/ꂿ/ꆹ
9
1 ꀝꑷꂱ/ꃣꉻ/ꁯꌠ/ꇬ/ꊿ/ꏸꌧ/ꂓ/ꑠ/ꂷ/ꐥ，ꋋ/ꆹ/ꑸꀙ/ꌺ、ꑭꇊ/ꇖ、ꀘꈈꇁ/ꆜ、ꑸꃏꑸ/ꃱ/ꉬ。ꏸꌧ/ꆹ/ꌣꈚ/ꑠ/ꂷ/ꉬ a。 2 ꏸꌧ/ꆏ/ꌺ/ꌙꇊ/ꂓ/ꑠ/ꂷ/ꐥ，ꌙꇊ/ꆹ/ꌺꎔꌺꄿ/ꂷ/ꉬ；ꑱꌝꆀ/ꊿ/ꈬꄔ/ꇬ，ꌺꎔ/ꋌ/ꏡ/ꂷ/ꀋ/ꐥ，ꈯꄿ/ꑌ/ꀉꒉ/ꄉ/ꀂꏾ/ꐕ/ꌠ/ꌞ/ꄩ/ꁦꎆ。3 ꋍ/ꑍ/ꆏ，ꏸꌧ/ꄰ/ꑾꃅꏷꀕ/ꃆꃀ/ꈍꑍ/ꂷ/ꆘꅝ/ꇈ，ꋌ/ꋍ/ꌺ/ꌙꇊ/ꏭ：“ꆏ/ꄓ/ꁏꐚ/ꂷ/ꏃ/ꑾꃅꏷꀕ/ꎹꁧ”ꄷ。 4 ꌙꇊ/ꆏ/ꁏꐚ/ꂷ/ꋌ/ꏃ/ꑱꃔꆃ/ꉘꁌ/ꄉ/ꎹꅷ/ꎭꆺꎭ/ꃅꄷ/ꑟ/ꇬ，ꎹ/ꀋ/ꊌ；ꉈꑴ/ꎭꆀ/ꃅꄷ/ꄉ/ꎹꅷ/ꀝꑷꂱ/ꃅꄷ/ꑟ/ꇬꑌ，ꄡꇗ/ꑾꃅꏷꀕ/ꈧꌠ/ꋀ/ꋌ/ꎷ/ꀋ/ꊌ。
5 ꊁꆏ，ꋍꑊ/ꎹꅷ/ꌙꃛ/ꃅꄷ/ꑟ/ꇈ，ꌙꇊ/ꆏ/ꋍ/ꁏꐚ/ꂶꌠ/ꏭ：“ꉣꑊ/ꀱ/ꀁꇬ/ꁧ/ꑲꆀ/ꍑ/ꀐ！ꑠ/ꀋ/ꉬ/ꑲꆏ，ꉠ/ꀉꄉ/ꑾꃅꏷꀕ/ꊂ/ꀋ/ꐒ/ꃅ，ꀱ/ꌊ/ꉣꑊ/ꊂ/ꐒ/ꐺ/ꂵ”ꄷ。
6 ꁏꐚ/ꂶꌠ/ꆏ/ꇬ/ꏭ：“ꄡꃆꄉ！ꄚ/ꇓꈓ/ꋋ/ꂷ/ꇬ/ꏃꃅꌋ/ꅇꄜꊿ/ꈀꄸꑌ/ꇫ/ꁌꒉ/ꑠ/ꂷ/ꇬ/ꀀ，ꑞꃅꆏ，ꌤꆿ/ꋌ/ꈀꄜ/ꄉ/ꈧꌠ/ꀋꎪꃅ/ꇫ/ꅐꇁ/ꇬꎷ。ꉣꑊ/ꀋꃅ/ꋍ/ꄷ/ꊼꇅ/ꅲ/ꆹ/ꇬ，ꑾꃅꏷꀕ/ꇿ/ꎹ/ꁧ/ꋭ/ꌠ/ꋌ/ꉉ/ꉣꑊ/ꇰ/ꇬ/ꌬ/ꀋ/ꄿ”ꄷ。
7 ꌙꇊ/ꆏ/ꁏꐚ/ꂶꌠ/ꏭ：“ꄚ/ꉣꑊ/ꇫ/ꂿ/ꆹ/ꇬ，ꑡ/ꌌ/ꇬ/ꁳ/ꆹ/ꂯ？ ꉣꑊ/ꐣꁙ/ꇬ/ꏃꈁ/ꍇꌠ/ꂯ/ꋠ/ꌐ/ꀐ，ꊵꑵ/ꍈ/ꌌ/ꇬ/ꁳ/ꆹ/ꅍ/ꀋ/ꊌ/ꀐ/ꃅꄉ！”ꄷ。
8 ꁏꐚ/ꂶꌠ/ꆏ/ꇬ/ꏭ：“ꍰ！ꉢ/ꐎꎄ/ꑍꇯ/ꌌ/ꑴꌦ，ꉣꑊ/ꋋ/ꍈ/ꄻ/ꏃꃅꌋ/ꅇꄜꊿ/ꂶꌠ/ꁵ/ꑲꆀ，ꋌ/ꁳ/ꉣꑊ/ꇿꇬ/ꄉ/ꑾꃅꏷꀕ/ꎹ/ꁧ/ꋭ/ꌠ/ꄐ/ꉣꑊ/ꀨ/ꎻ/ꂿ”ꄷ。 9 ꀋꉊ/ꂴꏭ/ꑱꌝꆀ/ꊿ/ꆹ，ꏃꃅꌋ/ꄷ/ꊵꑵ/ꅲ/ꈇ/ꑲꆏ，ꋀꊇ：“ꑷ！ꉪꊇ/ꊿ/ꑓꂿ/ꂶꌠ/ꄷ/ꅲ/ꆹ/ꂿ”ꃅ/ꉉ/ꇬꎷ。ꑞꃅꆏ，ꌋꅇꄜꊿ/ꆹ/ꀊꋨ/ꄮꇬ/ꊿ/ꇬ/ꏭ‘ꑓꂿ/ꂶꌠ’ꄷ。
10 ꌙꇊ/ꆏ/ꁏꐚ/ꂶꌠ/ꏭ：“ꍑ！ ꉣꑊ/ꇬ/ꉚ/ꆹ/ꂿ”ꄷ。ꄚꄉ，ꋍꑊ/ꏃꃅꌋ/ꅇꄜꊿ/ꀀꅉ/ꇓꈓ/ꂶꌠ/ꇬ/ꉜꄉ/ꆹ/ꀐ。
11 ꋍꑊ/ꈛꅂ/ꏢ/ꈴ/ꄉ/ꇓꈓ/ꇬ/ꃹꆹ/ꂯꄉ/ꄮꇬ/ꆏ，ꑮꆜ/ꀆꐒ/ꇸ/ꇁ/ꑠ/ꈨ/ꋍꑊ/ꋒ/ꇁ/ꇈ，ꋍꑊ/ꋀ/ꏭ：“ꊿ/ꑓꂿ/ꂶꌠ/ꄚ/ꇓꈓ/ꋋ/ꂷ/ꇬ/ꐤꀕ？”ꄷ/ꅲ。
12 ꑮꆜ/ꈧꌠ/ꆏ/ꋍꑊ/ꏯ：“ꐥ！ ꀊꄶ/ꆐꑊ/ꂲꆽ！ꆐꑊ/ꐳꃅ/ꁨꆹ，ꋌ/ꀃꑍ/ꊜꋽ/ꃅ/ꄚ/ꇓꈓ/ꇬ/ꇁ/ꀐ，ꑞꃅꆏ，ꀃꑍ/ꆹ/ꉹꁌ/ꃅ/ꆦꑝꅉ/ꇬꄉ/ꆦꑝ/ꇁ/ꌐ/ꑠ/ꑍ/ꉬ。 13 ꆐꑊ/ꉆꐥꃅ/ꇓꈓ/ꇬ/ꉜꄉ/ꆹ/ꑲꆏ，ꋌ/ꆦꑝꅉ/ꇬ/ꆦꑝ/ꋚ/ꋠ/ꆹ/ꂿꄷ/ꈝꃀ/ꇬꄉ/ꆐꑊ/ꋒ/ꇁ/ꌠꉬ，ꑞꃅꆏ，ꋌ/ꇫ/ꑟ/ꀋ/ꆹ/ꌦ/ꂾ，ꉹꁌ/ꆹ/ꆦꑝ/ꋚ/ꋠ/ꀋ/ꉆ，ꋌ/ꂴ/ꆦꑝ/ꋚ/ꈧꌠ/ꌌ/ꋬꇖꈨꂟ/ꑲꆀ，ꉹꁌ/ꈧꌠ/ꋠ/ꉆ/ꌠꉬ”ꄷ。
14 ꄚꄉ，ꋍꑊ/ꇓꈓ/ꇬ/ꉜꄉ/ꆹ/ꇈ，ꇓꈓ/ꃹꆹ/ꄷ/ꌦꆏ，ꋋꇅꃅ/ꌒꃆꇓ/ꂶꌠ/ꆦꑝꅉ/ꇬ/ꆹ/ꂿꄷ/ꄉ/ꋍꑊ/ꋒ/ꇁ/ꀐ。
15 ꌙꇊ/ꄚ/ꇬ/ꑟ/ꇁ/ꂲꆽ/ꄹꉇ/ꌠ/ꇯꆐ，ꑳꀊꊆ/ꆹ/ꌒꃆꇓ/ꏭ： 16 “ꃆꏂꄑ/ꀋꃅ/ꋍꄮ/ꂶꌠ/ꇬꆏ，ꉢ/ꀋꎪꃅ/ꀝꑷꂱ/ꃣꉻ/ꁯꌠ/ꃅꄷ/ꊾ/ꂷ/ꁳ/ꅽ/ꄹ/ꑟ/ꇁ/ꎻ，ꆏ/ꑴꌠ/ꊿ/ꋋ/ꂷ/ꌐꋉ/ꄉ/ꑱꌝꆀ/ꊿ/ꄩ/ꏲꌋꂠꌋ/ꂶꌠ/ꄻ/ꎻ。ꋋ/ꆹ/ꀋꎪꃅ/ꃏꆺꌧ/ꊿ/ꇇꈐ/ꇬ/ꄉ/ꉠ/ꉹꁌ/ꋌ/ꈭꋏ/ꌊ/ꇁ/ꌠꉬ，ꑞꃅꆏ，ꉡ/ꆹ/ꉠ/ꉹꁌ/ꋋ/ꈨ/ꎭꃅꉈ，ꋀ/ꉨꃚꏄꃚ/ꉢ/ꈨ/ꇁ/ꀐ”ꄷ/ꉉ/ꄉ/ꀐ。
17 ꌙꇊ/ꌒꃆꇓ/ꊌꂿ/ꇬꆏ，ꑳꀊꊆ/ꋋꇅꃅ/ꌒꃆꇓ/ꏭ：“ꀊꄶ/ꉜ/ꀋ/ꆺ！ ꊿ/ꉢ/ꅽ/ꏯ/ꉉ/ꄉ/ꂶꌠ/ꋋ/ꂷ/ꉬ/ꀐ；ꋌ/ꀋꎪꃅ/ꉠ/ꉹꁌ/ꄩ/ꏲꂠ/ꇁ/ꌠꉬ”ꄷ。
18 ꌙꇊ/ꆏ/ꇓꈓ/ꀃꈈ/ꁭꑭ/ꄉ/ꆹ/ꌊ/ꁨ/ꌒꃆꇓ/ꂾ/ꑟ/ꇈ，ꇬ/ꏭ：“ꊿ/ꑓꂿ/ꂶꌠ/ꇿꇬ/ꀀ/ꌠ/ꆏ/ꅉꐙꀕ？”ꄷ/ꅲ。
19 ꌒꃆꇓ/ꆏ/ꌙꇊ/ꏭ：“ꊿ/ꑓꂿ/ꂶꌠ/ꆹ/ꉢ/ꉬ。ꆏ/ꂴ/ꄩ/ꆦꑝꅉ/ꇬ/ꆹ/ꄉ！ ꆏ/ꀃꑍ/ꀋꎪꃅ/ꉢ/ꈽ/ꄉ/ꋙ/ꋠ/ꌠꉬ；ꃆꏂꄑ/ꃅꄜ/ꉢ/ꆏ/ꏁ/ꇫꎭ/ꁦ/ꄮꇬ/ꆏ，ꆏ/ꑞ/ꅲ/ꈇ/ꌠ/ꉢ/ꉉ/ꆎꇰ/ꌐ/ꌠꉬ。 20 ꑾꃅꏷꀕ/ꃆꃀ/ꌕ/ꑍ/ꂾ/ꆘꅝ/ꈧꌠ/ꆹ，ꆏ/ꐒ/ꄻꀋꅐ，ꐯꇯ/ꎹꊊ/ꌐ/ꀐ。ꑱꌝꆀ/ꉹꁌ/ꇫ/ꇁꉚ/ꂶꌠ/ꆹ/ꈀꄸ/ꉬ？ ꆎ/ꌋꆀ/ꅽ/ꀉꄉ/ꄰ/ꑭꊂ/ꀋ/ꉬ/ꅀ？”ꄷ。
21 ꌙꇊ/ꆏ/ꇬ/ꏭ：“ꉡ/ꆹ/ꑱꌝꆀ/ꃣꉻ/ꈬꄔ/ꇬ/ꀄꊭ/ꇊ/ꀄꊭ/ꀝꑷꂱ/ꁯꌠ/ꊾ/ꂷ；ꀝꑷꂱ/ꃣꉻ/ꁯꌠ/ꈬꄔ/ꃅꄉ/ꇬ/ꂯ，ꉪ/ꏤ/ꑭꊂ/ꆹ/ꀄꊭ/ꇊ/ꀄꊭ/ꑶ/ꌠ/ꉬ/ꑴꌦ；ꆏ/ꑞꃅ/ꉠ/ꏯ/ꅇꂷ/ꑠ/ꉉ/ꌠꉬ？”ꄷ/ꅇꀱ。
22 ꌒꃆꇓ/ꆏ/ꌙꇊ/ꌋꆀ/ꁏꐚ/ꂶꌠ/ꋌ/ꏃ/ꋙꋠ/ꑳ/ꁨ/ꌠ/ꇬ/ꃹꆹ/ꇈ，ꄻ/ꑋꅉ/ꉎꇊꉎ/ꂶꌠ/ꑌ/ꄉ/ꎻ；ꄹꃥ/ꇫ/ꇁ/ꌠ/ꌕꊰ/ꑹ/ꀋꇈꐥ。 23 ꌒꃆꇓ/ꆏ/ꋚꃅꊿ/ꂶꌠ/ꏭ：“ꆦꑝꎸ/ꉢ/ꅽ/ꏯ/ꊏ/ꇫ/ꄉ/ꄷ/ꈧꌠ/ꄌꌊ/ꇁ/ꌶ”ꄷ。
24 ꄚꄉ，ꋚꃅꊿ/ꂶꌠ/ꆏ/ꆦꑝꎆ/ꏽꌋ/ꌊꌠ/ꋌ/ꄌꌊ/ꌙꇊ/ꂾ/ꅞ/ꄉ/ꀐ。ꌒꃆꇓ/ꆏ/ꇬ/ꏭ：“ꅽ/ꂴꆽ/ꒃ/ꄉ/ꋠ！ ꉢ/ꄹꃥ/ꌵ/ꄮꇬ，ꄻ/ꀉꁁ/ꀋ/ꍈ/ꃅ/ꌐꄉ/ꊏ/ꆎ/ꄉ/ꇈ/ꌠꉬ”ꄷ。ꑠꃅꄉ，ꀊꋨ/ꄹꉇ/ꌙꇊ/ꌋꆀ/ꌒꃆꇓ/ꑋ/ꐯ/ꈽ/ꄉ/ꋙꋠ/ꀐ。