ꃀꑭ/ꋬꂻ/ꄻ/ꑱꌝꆀ/ꃣꉻ/ꈧꌠ/ꁵ
33
1 ꏃꃅꌋ/ꅇꄜꊿ/ꃀꑭ/ꃀꀋꐚ/ꌦ/ꂾ，ꑱꌝꆀ/ꊿ/ꎁꃅ/ꏃꃅꌋ/ꏭ/ꋬꂻ/ꇖꂟ。ꃀꑭ/ꑠꃅ/ꋬꂻ/ꄻ/ꑱꌝꆀ/ꊿ/ꁵ：2 ꑳꀊꊆ/ꑭꆾ/ꉘꁌ/ꄉ/ꇁ，
ꑬꇓ/ꉘꁌ/ꏭ/ꄉ/ꉘꁮ/ꌟꃅ/ꑱꌝꆀ/ꊿ/ꂾ/ꅐꇁ，
ꀠꇂ/ꁦꀑ/ꇬꄉ/ꁤꇅꀕ/ꃅ/ꇁ/ꉪꊇ/ꌸ；
ꋋ/ꆹ/ꉬꉎꊩꌺ/ꄙꇁꃪꃅ/ꐊ/ꄉ/ꇁ，
ꋍ/ꑳ/ꇇ/ꃆꄔ/ꉙꀕꉘ/ꃅ/ꐞ/ꌠ/ꌌ。
3 ꑳꀊꊆ/ꆹ/ꇯꍝꃅ/ꋍ/ꃰꊿ/ꉂ；
ꋍ/ꌃꎔ/ꉹꁌ/ꉬꇮ/ꋌ/ꇫ/ꀧꌋꃅ。
ꉪꊇ/ꋍ/ꑬꂪ/ꇬꄉ/ꇇꑭ/ꃃꇵꀕ/ꃅ/ꀍꃈꄚ，
ꋍ/ꉙꅇꂘꅇ/ꊪ。
4 ꃀꑭ/ꈀꄜ/ꉪꊇ/ꇰ/ꌠ/ꑳꀊꊆ/ꏦꃤ/ꆹ，
ꑱꌝꆀ/ꊿ/ꁨꇐꄉꇐ/ꁌꇐꈤ/ꌠꉬ。
5 ꑱꌝꆀ/ꊿ/ꏃꌋꂠꌋ/ꋍ/ꈜ/ꏓ/ꄮꇬ，
ꑱꌝꆀ/ꊿ/ꃣꉻ/ꈧꌠ/ꐯꏑ/ꐹ/ꄮꇬ，
ꑳꀊꊆ/ꇁ/ꋀ/ꃰꃅ/ꐛ/ꀐ。
6 ꃣꉻ/ꑘꀝ/ꁯꌠ/ꃆꂮ/ꆏ，ꃀꑭ/ꑠꃅ/ꉉ：
ꑘꀝ/ꁯꌠ/ꊻꂷ/ꀁꑌ/ꑴꇬ，
ꈍꄮ/ꑌ/ꀋꈔꀋꑍ/ꃅ/ꇫ/ꋦ/ꇈ/ꅊꇈ。
7 ꃣꉻ/ꒀꄊ/ꁯꌠ/ꃆꂮ/ꆏ，ꃀꑭ/ꑠꃅ/ꉉ：
ꑳꀊꊆ！ꆏ/ꈀꎭꀕ/ꃅ/ꒀꄊ/ꁯꌠ/ꇴꅇꇖꅇ/ꅲ/ꄉ，
ꋀꏃꋀꂠ/ꌊ/ꃣꉻ/ꀉꁁ/ꈧꌠ/ꌋꆀ/ꐯꏑ/ꇁ/ꅊꇈ。
ꑳꀊꊆ！ꆏ/ꋀ/ꁳ/ꊋꑌꏡꑌ/ꄉ/ꌉꈿ/ꎻ，
ꆏ/ꋀ/ꇇꀤ/ꄉ/ꁮꄙꐙꄙ/ꅊꇈ。
8 ꃣꉻ/ꆺꃥ/ꁯꌠ/ꃆꂮ/ꆏ，ꃀꑭ/ꑠꃅ/ꉉ：
ꑳꀊꊆ！ꎖꅍꑞꅍ/ꄲꂱ/ꌋꆀ/ꃶꆀ/ꑍ/ꑵ/ꌠꆹa，
ꆏ/ꄻ/ꀋꎪꀋꎙ/ꃅ/ꅽ/ꌤ/ꃅ/ꌠ/ꆺꃥ/ꊿ/ꁵ/ꀐ。
ꆏ/ꂸꌒ/ꄉ/ꋀ/ꎖꉺ/ꋺ/ꀐ，
ꂰꆺꀠ/ꒉꐬ/ꏢꁮ/ꄉ/ꋀ/ꌋꆀ/ꐮꄙ/ꋺ/ꀐ。
9 ꆺꃥ/ꊿ/ꆹ/ꀋꎪꃅ/ꄉ/ꅽ/ꅇꃅ，
ꋓꉪꁨ/ꄉ/ꅽ/ꏤꐪ/ꍬ/ꀐ。
ꋀꊇ/ꅽ/ꎁꃅ/ꄉ/ꌤ/ꃅ/ꇬ，
ꀿ/ꇁ/ꃀ/ꀋ/ꇝ，
ꏣ/ꇁ/ꑞ/ꀋ/ꌧ，
ꌺꇖ/ꉈꀋꇬ。
10 ꋀꊇ/ꆹ/ꅽ/ꇗꅉ/ꋀ/ꄻ/ꑸꇱ/ꌺꇖ/ꂘ，
ꅽ/ꏦꃤ/ꋀ/ꄜ/ꑱꌝꆀ/ꊿ/ꇰ/ꇬꎷ。
ꋀꊇ/ꆹ/ꅽ/ꂾ/ꄉ/ꅿꉗꌒꅍ/ꄀ，
ꆦꑝꅉ/ꄉ/ꐗꌐꆦꑝ/ꅍ/ꌞ/ꆏ/ꁳ/ꇬꎷ。
11 ꑳꀊꊆ！
ꆏ/ꑴꌠ/ꋀ/ꁳ/ꌤ/ꃅ/ꁟꑻꀕ/ꎻ，
ꋀ/ꈀꃅꈁꑽ/ꅍ/ꃅ/ꅽ/ꉌꃹ/ꅊꇈ；
ꆏ/ꑴꌠ/ꋀꁮꋀꐚ/ꅥꐷ/ꐧ/ꐔ/ꇫꎭ/ꄉ，
ꋌꊂ/ꄓꌊ/ꋀ/ꌉ/ꇁ/ꀋ/ꄐ/ꎻ/ꅊꇈ。
12 ꃣꉻ/ꀝꑷꂱ/ꁯꌠ/ꃆꂮ/ꆏ，ꃀꑭ/ꑠꃅ/ꉉ：
ꑳꀊꊆ/ꇫ/ꉂ/ꁯꌠ/ꆹ，
ꀀꌒꑌꌒ/ꃅꄉ/ꑳꀊꊆ/ꏢꁮ/ꋦ；
ꑳꀊꊆ/ꑍꇁꌋꀋꐥ/ꃅ/ꋀ/ꀧꌋꃅ，
ꋀꊇ/ꆹ/ꋍ/ꂣꈐ/ꀀꄉ/ꋬꂻ/ꁣꀋꐥ。
13 ꒀꌝ/ꌺꇖ/ꊂꋊ/ꃆꂮ/ꆏ，ꃀꑭ/ꑠꃅ/ꉉ：
ꑳꀊꊆ/ꋀ/ꃄꅉ/ꁳ/ꋬꂻ/ꊌ/ꎻ/ꄉ，
ꃅꃴ/ꍑ/ꐛ/ꍑꒉ/ꉘꁇꁉ/ꅊꇈ，
ꅉꃴ/ꒉ/ꁖ/ꒉꐑ/ꐝꍠꀕ/ꅊꇈ。
14 ꋀ/ꃄꅉ/ꑬꊸ/ꐝꇅꀕ，
ꋍ/ꈓ/ꋑꀋꋒ/ꇣꋦ/ꐼꇉꀕ/ꅊꇈ，
ꋍ/ꆪ/ꋑꀋꋒ/ꂷꅑ/ꀮꇗꀕ/ꅊꇈ。
15 ꀊꆨ/ꇯꆐ/ꇬꐙ/ꇈ/ꌠ/ꁦꌺ/ꇬ，
ꋚꁧꒉꁧ/ꈁꂄꀕ/ꌠ/ꋦ/ꇁ/ꅊꇈ；
ꐩꋊꐩꍂ/ꐛꀋꐈ/ꌠ/ꉘꁌ/ꇬ，
ꌩꋚꇓꂷ/ꈁꎔꀕ/ꌠ/ꅑ/ꇁ/ꅊꇈ。
16 ꃄꅉ/ꅐꇐ/ꈁꂄꈁꎔ/ꁌꇐꈤ/ꌠ/ꋀ/ꊌ/ꅊꇈ；
ꍲꁧ/ꃆꄔ/ꐝ/ꅉ/ꇬꄉ/ꅇꉉ/ꂶꌠ/ꋀ/ꁌꒉ/ꅊꇈ。
ꌒꃤ/ꈀꐥ/ꋋ/ꈨ/ꃅ/ꄉ/ꇁ/ꒀꌝ/ꄰ/ꑭꊂ/ꌵ/ꅊꇈ，
ꇁ/ꃺꃶ/ꀁꑳ/ꈬ/ꇬ/ꇛꌺ/ꄻ/ꂶꌠ/ꃤ/ꐛ/ꅊꇈ。
17 ꒀꌝ/ꆹ/ꇌꉘꌺ/ꆼꒆ/ꏢ/ꌟꃅ/ꇨ；
ꋌ/ꇈꇌ/ꈀꇨꀕ/ꏢ/ꌟꃅ/ꀑꃚ/ꀊꃴ/ꋦ，
ꋍꈭꋍꇍ/ꌞꊿ/ꋌ/ꁻ/ꅷ/ꃅꋮꆸꈈ/ꎭ。
ꀑꃚ/ꋍ/ꁆ/ꆹ/ꄙꃅ/ꐥ/ꌠ/ꂸꇂꑭ/ꄰ/ꉬ，
ꉈꑴ/ꋍ/ꁆ/ꆹ/ꃪꃅ/ꐥ/ꌠ/ꑱꃔꆃ/ꄰ/ꉬ。
18 ꃣꉻ/ꑭꀯꇍ/ꁯꌠ/ꌋꆀ/ꑱꌒꏦ/ꁯꌠ/ꃆꂮ/ꆏ，ꃀꑭ/ꑠꃅ/ꉉ：
ꑭꀯꇍ/ꄰ/ꑭꊂ/ꉈꏭ/ꁦ/ꄮꇬ，
ꈭꇁꈜꌒ/ꑭꋋ/ꇓ/ꀋ/ꎍ/ꅊꇈ。
ꑱꌒꏦ/ꄰ/ꑭꊂ/ꑳꈐ/ꐤ/ꄮꇬ，
ꉌꃈꑓꌒ/ꑊꑍ/ꒊꆭꀕ/ꅊꇈ。
19 ꊿꄙꊿꉐ/ꋀ/ꇳꍝ/ꌊ/ꋀ/ꉘꁌ/ꇬ/ꇁ，
ꀊꄶ/ꇬꄉ/ꎇꃀ/ꌉ/ꌌ/ꏦꃤ/ꈴꄉ/ꆦꑝ。
ꋀꊇ/ꆹ/ꎿ/ꇬ/ꅐꇐ/ꊰꑋꑟ/ꌠ/ꊌ，
ꂁꉱ/ꂤꏂꀠ/ꇬ/ꀀ/ꌠ/ꁌꇐꈤ/ꑠ/ꋀ/ꀖ/ꅞ。
20 ꃣꉻ/ꏦꄓ/ꁯꌠ/ꃆꂮ/ꆏ，ꃀꑭ/ꑠꃅ/ꉉ：
ꏃꃅꌋ/ꏭ/ꀮꄑ！
ꑞꃅꆏ，ꋋ/ꆹ/ꏦꄓ/ꄰ/ꃅꋮ/ꋌꍔꋌꀺ/ꀊꐯ/ꇁ。
ꏦꄓ/ꆹ/ꆿꅪ/ꌟꃅ/ꄐꏤ/ꄉ，
ꑋꑭꉆꇇ/ꍺꇽ，
ꑋꑆꉆꑆ/ꐞꏅ。
21 ꏦꄓ/ꑭꊂ/ꆹ，
ꃄꅉ/ꈁꂄꀕ/ꅉ/ꋀ/ꌋ/ꄉ，
ꑠ/ꆹ/ꏃꌋꂠꌋ/ꈁꊌ/ꋭ/ꌠꉬ。
ꏃꌋꂠꌋ/ꈧꌠ/ꋍꈜ/ꏓ/ꄮꇬ，
ꏦꄓ/ꆹ/ꑳꀊꊆ/ꑗꈜ/ꈴ，
ꑳꀊꊆ/ꄻ/ꑱꌝꆀ/ꊿ/ꁵꌠ/ꏦꃤ/ꈧꌠ/ꍬ。
22 ꃣꉻ/ꄊ/ꁯꌠ/ꃆꂮ/ꆏ，ꃀꑭ/ꑠꃅ/ꉉ：
‘ꄊ/ꄰ/ꆹ/ꆿꅪ/ꌺ/ꌇꄧ/ꂷ/ꌡ，
ꀠꎭ/ꃅꄷ/ꄉ/ꐂ/ꇁ’。
23 ꃣꉻ/ꇂꃛꄣꆀ/ꁯꌠ/ꃆꂮ/ꆏ，ꃀꑭ/ꑠꃅ/ꉉ：
‘ꇂꃛꄣꆀ/ꆹ/ꑳꀊꊆ/ꇫ/ꁌꒉ，
ꑆꊋ/ꈀꄖꀕ/ꌠ/ꊌ，
ꁮꐚ/ꁆꏭ/ꄻ/ꅽ/ꁍꑗ/ꃅꄉ， ꒈꂪ/ꁁꏯ/ꑌ/ꌌ/ꅽ/ꄉꈁ/ꃅꄉ。
24 ꃣꉻ/ꑸꎹ/ꁯꌠ/ꃆꂮ/ꆏ，ꃀꑭ/ꑠꃅ/ꉉ：
ꋬꂻ/ꑸꎹ/ꈁꊌ/ꌠ，
ꋍꃺꑌ/ꊌꌠ/ꑖꀋꋌ/ꇁ/ꅊꇈ；
ꋍꃺꑌ/ꈧꌠ/ꇬ/ꉚꒉ/ꇁ/ꌐ/ꅊꇈ；
ꏝꃴꀋꍰ/ꒀꒉ/ꌐꀋꉆ/ꄉ，
ꋍ/ꑭꁆ/ꒈꊭ/ꑙ/ꅊꇈ。
25 ꐯ/ꌌ/ꀃꈈ/ꎤꇺ/ꄻ，
ꎸ/ꌌ/ꄇꂿ/ꆹꏮ/ꃅ/ꅊꇈ；
ꆏ/ꐥꋊꐥꍂꃅ/ꈏꑌꊋꑌ/ꇬꎷ/ꅊꇈ。
26 ꑱꌝꆀ/ꉹꁌ/ꊈꀋ！
ꀉꁁ/ꆍ/ꏃꃅꌋ/ꌡ/ꌠ/ꑡ/ꂷ/ꐥ？
ꋋ/ꆹ/ꃅꄂ/ꋩ/ꄉ/ꆍꊇ/ꈭꋏ/ꇁ，
ꃅꃴ/ꏹ/ꄉ/ꏁꇅꁤꇅꒉ。
27 ꐩꋊꐩꍂ/ꃅ/ꇫꐥ/ꌠ/ꏃꃅꌋ/ꆹ/ꅽ/ꁟꅉ；
ꋍ/ꆧꁨ/ꈀꇨꀕ/ꌠꆹ/ꐩꋊꐩꍂ/ꆍ/ꊋꁧ/ꄏ。
ꋋ/ꆹ/ꆍ/ꂾ/ꄉ/ꆍꁮꆍꐚ/ꋌ/ꈹ/ꇫꎭ/ꇈ，
ꆍ/ꏭ‘ꁮꐚ/ꈔꋏ/ꉱꇤ’ꃅ/ꇳꍝ/ꌠꉬ。
28 ꑱꌝꆀ/ꊿ/ꆹ/ꀀꌒꑌꌒ/ꋬꂻ/ꅉꇬ/ꀀ；
ꃅꃴ/ꍑ/ꐛ/ꉘꁇꁉ，
ꃄꅉ/ꒉ/ꇎ/ꁁꇉꀕ。
ꆍꊇ/ꈍꃅ/ꉌꂵ/ꌒ/ꉏ！
ꆍꊇ/ꆹ/ꑳꀊꊆ/ꇱ/ꈭꋏ/ꄉ/ꌠꉬ，
ꀉꁁ/ꊿꋅ/ꆍ/ꌟ/ꑠ/ꁯ/ꐥ/ꑴꅀ？
ꑳꀊꊆ/ꆹ/ꆍ/ꀧꌋꃅ/ꌠ/ꄩꈜ/ꉬ，
ꑳꀊꊆ/ꆹ/ꆍ/ꊋꐛ/ꌠ/ꂗꍵ/ꑱꃀ/ꉬ。
ꆍꁮꆍꐚ/ꆍ/ꂾ/ꄉ/ꈌꊰ；
ꆍ/ꄔ/ꑭꁆ/ꇂꃴ/ꊐ/ꌠꉬ。