ꏥꏦ/ꇓꏪ/ꁶ/ꀱ
34
1 ꋍꈭꐨꆏ，ꑳꀊꊆ/ꃀꑭ/ꏭ：“ꆏ/ꇓꏪ/ꂴꏭ/ꀊꋨ/ꑍ/ꂷ/ꌡ/ꑠ/ꑍ/ꂷ/ꁶꌊ/ꇁ；ꉢ/ꅇꂷ/ꇓꏪ/ꆏ/ꐷ/ꇫꎭ/ꌠ/ꇬ/ꅑ/ꈧꌠ/ꉈꑴ/ꁱ/ꇓꏪ/ꋋ/ꑍ/ꂷ/ꇬ/ꄀ/ꂿ。 2 ꃆꏂꄑ/ꃅꄜ，ꆏ/ꑴꌠ/ꄐꏤ/ꌊ/ꑭꆾ/ꁧ/ꇬ/ꇁ/ꑲꆀ，ꉘꁌ/ꇬꄉ/ꉡ/ꂿ/ꇁ。 3 ꊿ/ꈀꄸꑌ/ꆎ/ꐊ/ꇁ/ꀋ/ꉆ，ꁧ/ꋋꂷ/ꇬ/ꀉꁁ/ꊿ/ꋍ/ꂷ/ꂯ/ꇫꐺ/ꀋ/ꉆ，ꄷꀋꁧ/ꇌ、ꑿ/ꎇꃀꍅꑓ/ꑠ/ꂯ/ꁧꑭ/ꇬ/ꏜ/ꋠ/ꐺ/ꀋ/ꉆ”ꄷ。4 ꑠꃅꄉ，ꃀꑭ/ꆹ/ꇓꏪ/ꂴꏭ/ꑍ/ꂷ/ꌠ/ꌡ/ꑠ/ꑍ/ꂷ/ꋌ/ꁶ/ꄉ/ꇈ，ꊁ/ꄹꉇ/ꃅꄜꀕꃅ，ꑳꀊꊆ/ꋍ/ꏭ/ꈁꉉꌠ/ꇬ/ꈴꄉ，ꇓꏪ/ꑍ/ꂷ/ꌠ/ꋌ/ꄌꌊ/ꑭꆾ/ꉘꁌ/ꇬ/ꆹ。
“ꉡ/ꆹ/ꑳꀊꊆ，ꉡ/ꆹ/ꑳꀊꊆ/ꉬ，
ꉡ/ꆹ/ꉌꆓꑌ/ꇈ/ꊾ/ꎭꃅꉇ/ꂷ/ꉬ，
ꉡ/ꆹ/ꈝꐮꃅ/ꇨꇅꀋꃃ；
ꉡ/ꆹ/ꉂꐪ/ꈁꅼꀕ/ꌠ/ꑌ，
ꉡ/ꆹ/ꈍꄮ/ꑌ/ꀋꎪꀋꎙ/ꇬꎷ。
7 ꉢ/ꀋꑍꀋꈤꌠ/ꉂꐪ/ꑌ/ꅷ/ꄙꇁꃪꋊ/ꑟ，
ꑽꃤꋒꃤ、ꄸꃤꅠꃤ/ꑠ/ꄻ/ꊿ/ꏆ，
ꄚ/ꊿꑽꃤꐥꌠꆹꈍꃅꑌꉢꄻꑽꃤꀋꐥꌠꃅꀋꄉꌠ，
ꉢ/ꀋꎪꃅ/ꊿ/ꑽꃤ/ꐆ/ꌠ/ꇇꇩꍈ，
ꋍ/ꇭꀧ/ꇬꄉ/ꅑꅸ/ꌺꇖ/ꌕ/ꋊ/ꇖ/ꋊ/ꇬ/ꑟ/ꌠꉬ”ꄷ。
8 ꃀꑭ/ꋋꇅꃅ/ꇇꑭ/ꃃꇵꀕ/ꃅ/ꃄꅉ/ꇬꄉ/ꇗꅉꃅ/ꈭꐨꆏ， 9 ꇬ/ꏭ：“ꌋ/ꀋ！ ꀋꄸꄷ/ꆏ/ꉢ/ꉚꆹꒉ/ꑲꆏ，ꆏ/ꑴꌠ/ꉪ/ꐊ/ꐺ/ꇬꎷ/ꅊꇈ； ꉹꁌ/ꋋ/ꈨ/ꆸꉈꆸꁁ/ꇨ，ꄚ/ꆏ/ꑴꌠ/ꉪ/ꑽꃤꋒꃤ、ꄸꃤꅠꃤ/ꄻ/ꉪ/ꏆ/ꑲꆀ，ꉪ/ꁳ/ꅽ/ꉹꁌ/ꐛ/ꎻ/ꅊꇈ”ꄷ。
ꑳꀊꊆ/ꉈꑴ/ꈌꁧ/ꏤꐪ/ꒃ
10 ꑳꀊꊆ/ꆏ/ꑠꃅ/ꃀꑭ/ꏭ/ꉉ：“ꇬꉚ！ ꉢ/ꀋꃅ/ꑱꌝꆀ/ꊿ/ꏭ/ꈌꁧ/ꏤꐪ/ꒃ。ꉡ/ꆹ/ꅽ/ꉹꁌ/ꋍꏅ/ꂾꄉ/ꌤ/ꂵꇖꀕ/ꌠ/ꑠ/ꃅ/ꌠꉬ，ꌤ/ꑠ/ꆹ/ꋧꃅ/ꊿꋅ/ꇿꇬ/ꀀꌠ/ꑌ/ꂿ/ꇁ/ꈨ/ꀋ/ꋻ/ꌠꉬ。ꉢ/ꆍ/ꈬꄔ/ꄉ/ꃅꐨ/ꊿ/ꋌꇰꋌꃪ/ꑠ/ꃅ/ꇁ，ꑠꅹ，ꀉꁁ/ꊿꋅ/ꆍꈫꆍꇋ/ꀀ/ꈧꌠ/ꉠꃅꐨ/ꋍ/ꑠ/ꋀ/ꂿ/ꌠꉬ。 11 ꉢ/ꀃꑍ/ꅽ/ꏯ/ꉉꌠ/ꅇꂷ/ꋋ/ꈨ，ꆏ/ꎔꎗꃅ/ꇬꍪ/ꄉ/ꃅ，ꇬꉚꄉ/ꅊꇈ，ꑸꃀꆺ/ꊿ、ꏦꇂ/ꊿ、ꉿ/ꊿ、ꀖꆺꑭ/ꊿ、ꑝꊉ/ꊿ、ꑳꀯꌦ/ꊿ/ꋋ/ꈨ/ꆹ，ꀋꎪꃅ/ꆍ/ꂾꄉ/ꉢ/ꈹ/ꇫꎭ/ꌠꉬ。
12 ꋓꉪꁨ/ꄉ，ꆍꊇ/ꆹ/ꃅꄷ/ꆍ/ꇫꆹ/ꂿꄷ/ꀊꋩ/ꈚ/ꇬ/ꊿ/ꈧꌠ/ꌋꆀ/ꐮ/ꅇꏤ/ꒃ/ꀋ/ꉆ，ꑠ/ꀋ/ꉬ/ꑲꆏ，ꊁꇁ/ꋍ/ꑍ/ꇁ/ꆍ/ꇓꄃ/ꐛ/ꌠꉬ。 13 ꆍꊇ/ꀋꎪꃅ/ꋀ/ꌦꌋ/ꆦꑝ/ꅉ/ꈧꌠ/ꐆ/ꇫꎭ，ꌦꌋ/ꇓꌬ/ꈧꌠ/ꆷ/ꇫꎭ，ꌦꌋ/ꑸꎹꇁ/ꌷꁧ/ꈧꌠ/ꇽ/ꇫꎭ。 14 ꆍꊇ/ꌦꌋ/ꑟ/ꑵ/ꏭ/ꑌ/ꇗꅉꃅ/ꀋ/ꉆ，ꑞꃅꆏ，ꑳꀊꊆ/-ꏃꃅꌋ/ꆹ，ꆍꊇ/ꌦꌋ/ꀊꋨ/ꈨ/ꊂꈹ/ꁧ/ꇬ/ꋌ/ꉌꂵ/ꇨꇅꃃ/ꌊ/ꋰ/ꀋ/ꄐ，ꋍꂓꆹꌦꁱꌊꁱꂿꇬꇨꇅꃃꋰꀋꄐꂶꌠꄷ。
15 ꆍꊇ/ꀊꄶꇬ/ꊿꋅ/ꈧꌠ/ꌋꆀ/ꅇꏤ/ꒃ/ꀋ/ꉆ，ꑠ/ꀋ/ꉬ/ꑲꆏ，ꆍꊇ/ꋀ/ꌦꌋ/ꈧꌠ/ꊂꈹ/ꄉ/ꎼꃅꃏꑽ/ꇈ，ꌞꊿ/ꇱ/ꊏꅰꌊ/ꌦꁱꌊꁱ/ꆦꑝ/ꋚ/ꋠ/ꁧ/ꂵ。 16 ꉈꑴ/ꋀ/ꀋꃋ/ꆍ/ꌺ/ꈧꌠ/ꇱ/ꒃ/ꌊ/ꑮꃀ/ꃅ/ꇈ，ꋀ/ꀋꃋ/ꈧꌠ/ꋀ/ꌦꌋ/ꊂꈹ/ꄉ/ꎼꃅꃏꑽ/ꁧ/ꇬꆏ，ꆍ/ꌺ/ꈧꌠ/ꑌ/ꋀ/ꊏ/ꌊ/ꋀ/ꌦꌋ/ꈧꌠ/ꊂꈹ/ꄉ/ꎼꃅꃏꑽ/ꁧ/ꂵ。
17 ꆍꊇ/ꆍ/ꊨꏦ/ꎁꃅ/ꌦꁱꌊꁱ/ꑠ/ꒃ/ꀋ/ꉆ。
18 ꆍꊇ/ꉠ/ꉉꅇ/ꇬ/ꈴꄉ/ꋚꃪ/ꃔꋌ/ꀋ/ꇱ/ꋩꑍ/ꋨꏦ，ꑋꅐꑋꈌ/ꄮꐰ/ꑸꀙꆪ/ꆪꌠ/ꇬꆏ，ꏃ/ꑍ/ꊛꄉ/ꋚꃪ/ꃔꋌ/ꀋ/ꇱ/ꌠ/ꋠ，ꑞꃅꆏ，ꆍꊇ/ꆹ/ꃅꆪ/ꑸꀙꆪ/ꌠ/ꇬ/ꉞꏹ/ꄉ/ꅐ/ꇁ/ꌠꉬ。
19 ꌺꒉ/ꈧꌠ/ꆏ/ꉠ/ꃤ/ꉬ/ꌐ；ꎇꃀꍅꑓ/ꈧꌠ/ꇬ，ꇌ/ꉬ/ꄿꂿ，ꍶ/ꑿ/ꉬ/ꄿꂿ，ꀞ/ꇬꂾ/ꏃ/ꈧꌠ/ꆏ/ꉠ/ꃤ/ꉬ/ꌐ。 20 ꑾꃅꏷꀕ/ꌺ/ꇬꂾ/ꏃ/ꈧꌠ/ꆏ，ꍶꌺ/ꑾꌺ/ꌊ/ꋊ/ꄻꅐ，ꀋꄸꄷ/ꋊ/ꆹ/ꀋ/ꋊ/ꑲꆏ，ꇴꊨ/ꏡꌠ/ꅥ/ꆸꐔ/ꇫꎭ。ꆍ/ꌺ/ꇬꂾ/ꊌ/ꈧꌠ/ꆏ，ꀋꎪꃅ/ꋊ/ꑲꆀ/ꍑ。
ꈀꄸꑌ/ꇇ/ꆹ/ꈥꇤꀕ/ꃅ/ꉠ/ꏯ/ꇗꅉꃅ/ꇁ/ꀋ/ꉆ。
21 ꆍꊇ/ꃅꑍ/ꃘ/ꑍ/ꌠ/ꇬ/ꆏ/ꑘꃅꃤꑽ，ꏃ/ꑍ/ꄹꉇ/ꌠꆏ，ꋙꊪꒉꏽ/ꄮ/ꉬ/ꄿꂿ，ꋚꒇꒈꋩ/ꄮ/ꉬ/ꄿꂿ，ꀋꎪꃅ/ꑬꆏ/ꑲꆀ/ꍑ。
22 ꎭ/ꇬꂾ/ꂔ/ꈧꌠ/ꒇꋩ/ꄮꇬꆏ，ꒇꋩ/ꃅꑍ/ꋩꈽꏦꈿ；ꈎꂫ/ꒇꋩ/ꌐ/ꄮꇬꆏ，ꋙꎴꋚꊐ/ꃅꑍ/ꋨꏦ。 23 ꆍꊇ/ꌺꃰ/ꈀꐥꌠ/ꃅ，ꀋꎪꃅ/ꋍ/ꈓ/ꌠ/ꌕ/ꃢ/ꆍ/ꃅꄷ/ꐞ/ꄉ/ꆍ/ꌋ/-ꑳꀊꊆ/-ꑱꌝꆀ/ꊿ/ꏃꃅꌋ/ꏭ/ꇗꅉꃅ/ꇁ。 24 ꉡ/ꆹ/ꀋꎪꃅ/ꀉꁁ/ꊿꋅ/ꈧꌠ/ꆍ/ꂴꆽ/ꄉ/ꉢ/ꈹ/ꇫꎭ/ꇈ，ꆍ/ꃅꋮ/ꄹꊨ/ꁳ/ꀊꅰꃅ/ꍔꐯ/ꎻ。ꆍꊇ/ꋍ/ꈓ/ꌠ/ꌕ/ꃢ/ꑳꀊꊆ/-ꆍ/ꏃꃅꌋ/ꏭ/ꇗꅉꃅ/ꇁ/ꇬ，ꊿ/ꆍ/ꃄꅉ/ꉪ/ꀬꌠ/ꀋ/ꐥ/ꌠꉬ。
25 ꆏ/ꆦꑝ/ꎆ/ꌦ/ꌋꆀ/ꋚꃪ/ꃔꋌ/ꇱ/ꄉ/ꌠ/ꄻ/ꐯꇯ/ꄉ/ꌞ/ꌌ/ꉢ/ꁳ/ꇁ/ꀋ/ꉆ。ꐂꈴꎺꄅ/ꋩꑍ/ꆦꑝ/ꎆ/ꎸ/ꈧꌠ/ꊏ/ꇫꄉ/ꅷ/ꊁ/ꄹꉇ/ꃅꄜ/ꑟ/ꀋ/ꉆ。
26 ꋍ/ꈓ/ꋑꀋꋒ/ꋚꒉ/ꇬꂾ/ꂔ/ꈀꉾꀕ/ꈧꌠ/ꌞꌊ/ꑳꀊꊆ/-ꅽ/ꏃꃅꌋ/ꑷꂿ/ꇬ/ꇁ/ꇬꎷ。
ꍶꃀ/ꑍ/ꌊ/ꍶꌺ/ꎸ/ꏬ/ꀋ/ꉆ”ꄷ。
27 ꑳꀊꊆ/ꉈꑴ/ꃀꑭ/ꏭ：“ꆏ/ꅇꂷ/ꋋ/ꈨ/ꁱ/ꇬꄀ/ꄉ，ꑞꃅꆏ，ꉡ/ꆹ/ꅇꂷ/ꋋ/ꈨ/ꇬ/ꈴꄉ/ꆎ/ꌋꆀ/ꑱꌝꆀ/ꊿ/ꏭ/ꈌꁧ/ꏤꐪ/ꒃ/ꀐ”ꄷ。
28 ꃀꑭ/ꆹ/ꃅꐎ/ꇖꊰ/ꑋ/ꑍꇁꌋꀋꐥꃅ/ꑳꀊꊆ/ꄷ/ꐥ，ꋙ/ꑌ/ꀋ/ꋠ，ꒈ/ꑌ/ꀋ/ꅝ。ꑳꀊꊆ/ꆏ/ꈌꁧ/ꏤꐪ/ꅇꂷ/ꈧꌠ/ꋌ/ꌌ/ꏥꏦ/ꊰ/ꏢ/ꃅꄉ/ꁱ/ꇓꏪ/ꑍ/ꂷ/ꇬ/ꄀ/ꄉ/ꀐ。
ꃀꑭ/ꈁꑓ/ꏷꌬꀕ
29 ꊁꆏ，ꃀꑭ/ꆹ/ꑭꆾ/ꉘꁌ/ꄉ/ꀁꋌ/ꇁ，ꀊꋨ/ꄮꇬꆏ，ꏥꏦ/ꁱ/ꇬꄀꄉ/ꌠ/ꇓꏪ/ꑍ/ꂷ/ꌠ/ꋌ/ꄌꌊ/ꇁ/ꀐ；ꀊꋨ/ꄮꇬ，ꃀꑭ/ꆹ/ꑳꀊꊆ/ꌋꆀ/ꐮꏯ/ꉉꈿ/ꋺ/ꐛꅹ/ꈁꑓ/ꏷꌬꀕ，ꄚ/ꋍ/ꊨꏦ/ꆏ/ꇬ/ꀋ/ꌋ。 30 ꑸꇍ/ꌋꆀ/ꑱꌝꆀ/ꉹꁌ/ꋍꏅ/ꆹ/ꃀꑭ/ꈁꑓ/ꏷꌬꀕ/ꌠ/ꋀ/ꊌꂿ/ꇬꆏ，ꈀꄸꑌ/ꏸꏦꌊ/ꁨ/ꋌ/ꊩ/ꆹ/ꀋ/ꀬ。 31 ꄚꄉ，ꃀꑭ/ꋀ/ꏭ/ꁨꇁ/ꄷ/ꇴ；ꋋꇅꇬ/ꑲꆀ，ꑸꇍ/ꌋꆀ/ꉹꁌ/ꈬꄔ/ꇬ/ꌟꒉꌠꂾ/ꈧꌠ/ꐯꇯ/ꃀꑭ/ꄷ/ꆹ/ꇈ，ꋌ/ꋀꊇ/ꏯ/ꅇ/ꉉ。 32 ꋍꈭꐨꆏ，ꉹꁌ/ꋍꏅ/ꈀꐥꃅ/ꁨꏭ/ꇁ/ꌐ/ꇈ，ꄚꄉ，ꃀꑭ/ꆏ/ꑳꀊꊆ/ꑭꆾ/ꉘꁌ/ꇬꄉ/ꋍ/ꏭ/ꈁꉉꌠ/ꅇꂷ/ꈧꌠ/ꈀꐥꃅ/ꋌ/ꉉ/ꋀ/ꇰ/ꌐ。