ꉞꏹ/ꄉ/ꅐꇁ/ꃆꂮ/ꄯꒉ 10

ꍈꀮ/ꉮꃤ/ꇫꅐ/ꇁ

1 ꊁꆏ，ꑳꀊꊆ/ꃀꑭ/ꏭ：“ꆏ/ꉞꏹ/ꃰꃅ/ꂿ/ꆹ。ꉢ/ꃰꃅ/ꌋꆀ/ꋍ/ꇛꌺ/ꈧꌠ/ꁳ/ꉌꂵ/ꆸꉂ/ꎻ/ꌠ/ꆹ，ꋀ/ꈬꄔ/ꇬ/ꄉ/ꌋꃅꐪꑽꑌ/ꋋ/ꈨ/ꃅ/ꂿ/ꄷ/ꌠꉬ。 2 ꉈꑴꆏ，ꉢ/ꈍꃅ/ꇧꊋ/ꃅꄉ/ꉞꏹ/ꊿ/ꊝ、ꉢ/ꉞꏹ/ꊿ/ꈬꄔ/ꇬ/ꄉ/ꈀꃅꌠ/ꌋꃅꐪꑽꑌ/ꈧꌠ/ꃅ，ꆏ/ꑴꌠ/ꐯꇯ/ꉉ/ꅽ/ꌺꇖ/ꊂꋊ/ꇰ/ꌐ，ꑠꃅꄉ，ꆍ/ꁳ/ꉢ/ꋋ/ꂷ/ꑳꀊꊆ/ꉬꌠ/ꅉꐚ/ꎻ” ꄷ。

3 ꄚꄉ，ꃀꑭ/ꌋꆀ/ꑸꇍ/ꑋ/ꃰꃅ/ꂿ/ꆹ/ꇈ，ꇬ/ꏭ：“ꑳꀊꊆ-/ꑝꀨꆾ/ꊿ/ꏃꃅꌋ/ꅽ/ꏯ：‘ꆏ/ꈍꄮ/ꑲꆀ/ꉠ/ꃀ/ꄉ/ꈌꊰ/ꂯ？ ꆏ/ꉠ/ꉹꁌ/ꈧꌠ/ꄝ/ꇫ/ꎭ/ꄉ，ꋀ/ꁳ/ꉠ/ꏯ/ꇗꅉꃅ/ꇁ/ꎻ！ 4 ꀋꄸꄷ/ꆏ/ꋀ/ꄛ/ꁧ/ꎻ/ꀋ/ꅲ/ꇬ/ꆹ，ꆏ/ꉜꄉ！ ꃆꏂꄑ/ꆏ/ꉢ/ꍈꀮ/ꑠ/ꃑ/ꅽ/ꇩꏤ/ꇬ/ꃹ/ꇁ/ꎻ/ꌠꉬ。 5 ꍈꀮ/ꀉꑌ/ꐯ/ꀉꑌ/ꃅ/ꇁ/ꅽ/ꇩꏤ/ꋋ/ꂷ/ꇬ/ꉱ/ꈴ/ꄉ，ꃄꅉ/ꍈ/ꂯ/ꊌꂿ/ꀋꉆ/ꌠꉬ。ꋒ/ꅥ/ꈭꐨ/ꆍ/ꋚꁧꒉꁧ/ꇫꋒꇈ/ꈧꌠ/ꍈꀮ/ꇱ/ꇣꋠ；ꌩꁧꇓꁧ/ꃄꅉ/ꇬ/ꈀꋦꌠ/ꑌ/ꍈꀮ/ꋠ/ꉱꇤ/ꌠꉬ。 6 ꍈꀮ/ꑠ/ꐚ/ꇁ/ꅽ/ꑷꂿ/ꈧꌠ/ꇬ/ꃅ/ꐛ，ꐚꇁꅽ/ꏲꌋ/ꇛꌺ/ꈧꌠ/ꑳ/ꇬ/ꌋꆀ/ꉞꏹꊿ/ꑳ/ꈀꐥꅉ/ꃅ/ꐛ/ꌠꉬ。ꅽ/ꁍꁈ/ꋧꃅ/ꋋ/ꂷ/ꐥ/ꈭꐨ/ꅑꅸ/ꀃꑍ/ꋋꄮ/ꑟ/ꌠ，ꋍꑠ/ꊿ/ꋋ/ꂿ/ꀋ/ꋻ/ꌠꉬ’ꄷ” ꄷ。ꅇ/ꉉ/ꌐ/ꈭꐨꆏ，ꃀꑭ/ꆹ/ꃰꃅ/ꂶꌠ/ꂾꄉ/ꏮ/ꇫ/ꈴ/ꁧ/ꀐ。

7 ꏲꌋ/ꇛꌺ/ꈧꌠ/ꃰꃅ/ꏭ：“ꃰꃅ/ꌊꁈ/ꀋ！ ꊿ/ꋋ/ꏢ/ꇓꄃ/ꄻꌊ/ꉪ/ꊝ/ꅷ/ꈍꄮ/ꑟ/ꁧ/ꀋ/ꐚ？ ꀞꐕ/ꀐ！ ꆏ/ꑱꌝꆀ/ꊿ/ꀊꋨ/ꈨ/ꄝ/ꇫ/ꎭ/ꄉ，ꋀ/ꁳ/ꑳꀊꊆ-/ꋀ/ꏃꃅꌋ/ꏭ/ꇗꅉꃅ/ꁧ/ꎻ/ꍰ！ ꉞꏹ/ꇩꏤ/ꈔꑍ/ꇁ/ꀐꌠ/ꃰꃅ/ꆏ/ꇫ/ꅉ/ꀋ/ꐚ/ꅀ？” ꄷ。

8 ꄚꄉ，ꃀꑭ/ꌋꆀ/ꑸꇍ/ꑋ/ꊿ/ꇴꌊ/ꉞꏹ/ꃰꃅ/ꄷ/ꇁ/ꇈ，ꃰꃅ/ꋍꑊ/ꏯ：“ꉢ/ꆍ/ꁳ/ꑳꀊꊆ-/ꆍ/ꏃꃅꌋ/ꏭ/ꇗꅉꃅ/ꁧ/ꎻ/ꂿ，ꆍ/ꉉ/ꉡ/ꇰ，ꆍꊇ/ꊿ/ꈀꄸ/ꈀꄸ/ꈨ/ꁧ/ꂿꄷ？” ꄷ。

9 ꃀꑭ/ꆏ：“ꉪꊇ/ꌟꒉ/ꀉꑳ/ꃅ/ꐯꇯ/ꁧ/ꌐ，ꌹ/ꌋꆀ/ꀋꃋ/ꐯꇯ/ꏃ/ꁧ，ꉈꑴ/ꍶꑿ/ꌋꆀ/ꇂꁮ/ꐯꇯ/ꅸ/ꁧ，ꑞꃅꆏ，ꉪꊇ/ꆹ/ꀊꄶ/ꇬꄉ/ꑳꀊꊆ/ꋩꑍ/ꋨꏦ/ꇈ/ꋍ/ꏭ/ꇗꅉꃅ/ꑲꆀ/ꍑ” ꄷ/ꅇꀱ。

10 ꃰꃅ/ꂶꌠ/ꆏ：“ꀊ！ꑳꀊꊆ/ꀋꎪ/ꃅ/ꆍ/ꐊꄉ/ꆍ/ꀧꌋꃅ/ꌠ/ꀋ/ꉬ/ꑲꆏ，ꉢ/ꆍ/ꀋꃀ/ꀉꑳ/ꈧꌠ/ꄝ/ꆍ/ꇯ/ꎼ/ꁧ/ꀋꉆ。 ꆍꊇꋓꉪꀨꄉ！ ꑗꉘꆍꊝꇁꌠꉬ！ 11 ꀋꍑ！ ꆍꊇ/ꁦꋠ/ꈧꌠ/ꀉꄂ/ꑳꀊꊆ/ꏭ/ꇗꅉꃅ/ꁧ/ꉆ，ꑞꃅꆏ，ꋍ/ꑠ/ꆹ/ꆍ/ꇖꂟꐨ/ꉬ” ꄷ。ꋍꈭꐨꆏ，ꃀꑭ/ꌋꆀ/ꑸꇍ/ꑋ/ꃰꃅ/ꂾꄉ/ꊿ/ꈹ/ꉈꏭ/ꎭ/ꀐ。

12 ꊁꆏ，ꑳꀊꊆ/ꃀꑭ/ꏭ：“ꅽ/ꇇ/ꎇꌊ/ꉞꏹ/ꄩ/ꄐꄉ，ꍈꀮ/ꁳ/ꉞꏹ/ꃅꄷ/ꃹ/ꇁ/ꎻ/ꑲꆀ，ꋒ/ꅥ/ꈭꐨ/ꇫꋒꇈ/ꌠ/ꃄꅉ/ꇬ/ꋦꁧ/ꑞꀕ/ꑌ/ꄻ/ꍈꀮ/ꁳ/ꇣ/ꋠ/ꌐ/ꎽ” ꄷ。

13 ꄚꄉ，ꃀꑭ/ꇇ/ꎇ/ꄉ/ꄯꁯ/ꏡꌠ/ꋌ/ꐕꌊ/ꉞꏹ/ꃅꄷ/ꄩ/ꄐ/ꇬꆏ，ꑳꀊꊆ/ꆹ/ꃅꆳ/ꁳ/ꋍ/ꑍ/ꋍ/ꉔ/ꃅ/ꁭꅐ/ꏭ/ꄉ/ꁏ/ꇁ/ꉞꏹ/ꊐ/ꎻ； ꊁ/ꄹꉇ/ꃅꄜ/ꆏ，ꍈꀮ/ꀉꑌꐯꀉꑌ/ꃅꄉ/ꃅꆳ/ꁏꌊ/ꇬ/ꁖ/ꇁ/ꀐ。 14 ꍈꀮ/ꐚ/ꇁ/ꉞꏹ/ꃅꄷ/ꃹ/ꇈ，ꍈꀮꀉꑌꇨꄉ，ꉞꏹ/ꃅꄷ/ꋌ/ꈚ/ꃅ/ꋌꉱ/ꐥꇉꀋꁮ，ꉜꅉꂷꇬꀋꐛꀐ。ꍈꀮ/ꑠꑋꑍ，ꋌꃀ/ꑠ/ꂿ/ꑠ/ꈨ/ꀋ/ꋻ，ꋌꊂ/ꑌ/ꑠ/ꇫ/ꅐ/ꀋ/ꇁ/ꀐ/ꌠ/ꉬ。 15 ꍈꀮ/ꐚ/ꇁ/ꉞꏹ/ꃅꄷ/ꐛꈴ/ꄉ，ꃄꅉ/ꋌ/ꉱ/ꆈ/ꃅ/ꆈꏸꀕ/ꀐ。ꋒ/ꅥ/ꈭꐨ/ꇫꋒꇈ/ꌠ/ꃄꅉ/ꇬ/ꋦꁧ/ꌋꆀ/ꌩꋚꇓꂷ/ꈧꌠ/ꐯꇯ/ꍈꀮ/ꇣ/ꋠ/ꇫ/ꎭ/ꌐ/ꀐ。ꉞꏹ/ꇩꏤ/ꋋ/ꂷ/ꑭꊂ，ꃄꅉ/ꇬ/ꉬ/ꄿꂿ，ꌩꁧ/ꇬ/ꉬ/ꄿꂿ，ꀊꃴ/ꑠ/ꍈ/ꇯꆏ/ꇫꋒ/ꀋ/ꇊ/ꀐ。

16 ꄚꄉ，ꃰꃅ/ꂶꌠ/ꋋꇅꃅ/ꃀꑭ/ꌋꆀ/ꑸꇍ/ꑋ/ꋌ/ꇴꌊ/ꇁ/ꇈ，ꋍꑊ/ꏯ：“ꉢ/ꑽꃤ/ꐆ/ꄉ/ꑳꀊꊆ-/ꆍ/ꏃꃅꌋ/ꂾ/ꈴ/ꀋ/ꄿ/ꀐ； ꉈꑴ/ꆍ/ꂾ/ꑌ/ꈴ/ꀋ/ꄿ/ꀐ。 17 ꆐꑊ/ꈀꎭꀕ/ꃅ/ꀋꃅ/ꋌ/ꃢ/ꄻ/ꉢ/ꏆ，ꉈꑴ/ꈀꎭꀕ/ꃅ/ꑳꀊꊆ-/ꆍ/ꏃꃅꌋ/ꏭ/ꇖꂟ/ꄉ，ꋌ/ꁳ/ꉠ/ꌦꃤ/ꇔ/ꇫ/ꎭ/ꎻ” ꄷ。

18 ꃀꑭ/ꆹ/ꃰꃅ/ꂾꄉ/ꅐ/ꁧ/ꇈ，ꇁꌊ/ꑳꀊꊆ/ꏭ/ꇖꂟ。 19 ꄚꄉ，ꑳꀊꊆ/ꆹ/ꁮꐚ/ꏭ/ꄉ/ꆲꇨ/ꁏ/ꇁ/ꎻ/ꇈ，ꍈꀮ/ꈧꌠ/ꉬꇮ/ꋌ/ꁏꌊ/ꎿꅪ/ꂶꌠ/ꇬ/ꃹ/ꁧ/ꌐ/ꀐ； ꉞꏹ/ꃅꄷ/ꍈꀮ/ꂷ/ꂯ/ꇫꋒ/ꀋ/ꇊ/ꀐ。 20 ꄚ/ꉞꏹ/ꃰꃅ/ꆹ/ꑳꀊꊆ/ꇱ/ꄻ/ꉌꂵ/ꆸꉂ/ꎻꄉ，ꑱꌝꆀ/ꊿ/ꋌ/ꄝ/ꁧ/ꎻ/ꀋ/ꅲ。

ꏃꃅ/ꆈꋧꋪ/ꌠ/ꉮꃤ/ꇫ/ꅐ/ꇁ

21 ꊁꆏ，ꑳꀊꊆ/ꃀꑭ/ꏭ：“ꅽ/ꇇ/ꎇꌊ/ꂿꃅ/ꇬ/ꄐ/ꄉ，ꉞꏹ/ꇩꏤ/ꋋ/ꂷ/ꑭꊂ/ꃅ/ꏃꃅ/ꆈꋧꋪ/ꇁ/ꎻ； ꃅꒉ/ꆈꏸꀕ/ꑠ/ꇇꌊ/ꌌꉪ/ꉆ/ꌠ/ꌡ” ꄷ。 22 ꃀꑭ/ꇇ/ꎇꌊ/ꂿꃅ/ꏭ/ꄐ/ꇬꆏ，ꉞꏹ/ꇩꏤ/ꋋ/ꂷ/ꇬ/ꃅꐎ/ꌕ/ꑍ/ꏃꃅ/ꆈꋧꋪ。 23 ꋋ/ꌕ/ꑍ/ꇬ，ꉞꏹ/ꊿ/ꀀꅉ/ꇬ/ꆹ/ꊿ/ꐮ/ꂿ/ꀋꉆ，ꊿ/ꊨꏦ/ꀁꇬ/ꄉ/ꁖ/ꁧ/ꄎ/ꂷ/ꑌ/ꀋ/ꐥ；ꄚ/ꑱꌝꆀ/ꊿ/ꀀꅉ/ꇬ/ꆹ，ꁨꑭ/ꐍꇅꀕ/ꇫ/ꎍ。

24 ꃰꃅ/ꂶꌠ/ꃀꑭ/ꋌ/ꇴ/ꌊ/ꇁ/ꇈ，ꇬ/ꏭ：“ꆍꊇ/ꁨ/ꆍ/ꑳꀊꊆ/ꏭ/ꇗꅉꃅ/ꁧ！ ꆍ/ꀋꃀ/ꀉꑳ/ꑌ/ꏃ/ꁧ/ꉆ； ꄚ/ꆍ/ꍶ/ꑿ/ꌋꆀ/ꇂꁮ/ꈧꌠ/ꆏ/ꇤ/ꄚ/ꎼ/ꄉ/ꇈ/ꑲꆀ/ꍑ” ꄷ。

25 ꄚ/ꃀꑭ/ꆏ：“ꑞ/ꄜ/ꌠꉬ！ ꆏ/ꎇꃀꍅꑓ/ꄻ/ꉪ/ꁳ/ꄉ，ꉪ/ꌌ/ꆦꑝꅍ/ꌋꆀ/ꐗꌐꆦꑝꅍ/ꃅ/ꌞ/ꑳꀊꊆ-ꉪ/ꏃꃅꌋ/ꁵ/ꁧ/ꑲꆀ/ꍑ。 26 ꉪꊇ/ꆹ/ꉪ/ꎇꃀꍅꑓ/ꈧꌠ/ꈀꐥꃅ/ꅸ/ꁧ/ꌐ，ꋍ/ꂷ/ꂯ/ꇤ/ꇫ/ꎭ/ꀋ/ꇊ/ꌠꉬ； ꑞꃅꆏ，ꉪꊇ/ꆹ/ꎇꃀꍅꑓ/ꈧꌠ/ꈬ/ꇬꄉ/ꋍ/ꈨ/ꌋꌊ/ꑳꀊꊆ-/ꉪ/ꏃꃅꌋ/ꆦꑝ。ꉪꊇ/ꆦꑝ/ꅉ/ꇬ/ꀋ/ꑟ/ꌦ/ꂾ/ꆹ，ꎇꃀꍅꑓ/ꑞ/ꈨ/ꌌ/ꑳꀊꊆ/ꆦꑝ/ꄡꑟ/ꌠ/ꉪ/ꇫ/ꅉ/ꀋ/ꐚ” ꄷ/ꅇꀱ。

27 ꄚ/ꉞꏹ/ꃰꃅ/ꆹ/ꑳꀊꊆ/ꇱ/ꄻ/ꉌꂵ/ꆸꉂ/ꎻ/ꄉ，ꄡꇗ/ꑱꌝꆀ/ꊿ/ꋌ/ꄝ/ꁧ/ꎻ/ꀋ/ꅲ。 28 ꃰꃅ/ꂶꌠ/ꃀꑭ/ꏭ：“ꁨ/ꈔ！ ꆏ/ꋓꉪꁨ/ꄉ！ꋌꊂꆏꉡꂿꄡꇁꀐ；ꆏ/ꀱ/ꉈꑴ/ꉡ/ꂿ/ꇀ/ꌦ/ꇬ/ꆹ，ꀊꋨꄹꉇꆏ，ꅽ/ꈔ/ꆏ/ꎹ/ꀐ/ꌠꉬ” ꄷ。

29 ꃀꑭ/ꆏ/ꇬ/ꏭ：“ꍑ！ ꆏ/ꉉ/ꌠꉬ/ꀐ！ ꉢ/ꋌ/ꊂ/ꆏ/ꈍꃅꑌ/ꆎ/ꂿ/ꀋ/ꇁ/ꀐꌠ/ꄹ” ꄷ/ꅇꀱ。